Efesios 5:33 - Chayahuita (Shahui)

³³ Canpitantaꞌ iyaroꞌsaꞌ, saꞌamaꞌ naꞌcon nosorocoꞌ. Canpitaora ninosororamaso pochachin saꞌamaꞌ nosorocoꞌ. Sanapiꞌsanquëmantaꞌ soꞌyamaꞌ noya niꞌcoꞌ. Noya nicatomaꞌ, natëcoꞌ.

Efesios 5:33 ပူးပေါင်းရင်းမြစ်များ

1 Reyes 1:31

Napotohuachina Pitisapisoꞌ, copirno noya nicaton isonin. Isonin quëran noꞌpaquë huarëꞌ monshomarin. Napotahuaton chiníquën nonin: —¡Nanpimiataton sinioro copirno huaꞌanëntocoi! itërin.

Efesios 5:22

Sanapiꞌsaꞌ Sinioro natëtonaꞌ, soꞌinantaꞌ natëinaꞌ.

Efesios 5:25

Quëmapiꞌsantaꞌ saꞌinaꞌ nosoroꞌinaꞌ. Quisocristosoꞌ imarëhuasopita naꞌcon nosororinpoaꞌ. Nosoroatonpoaꞌ, yaꞌhuërënamënpoaꞌ chiminin. Ina nosororinpoaso pochachin quëmapiꞌsaꞌ saꞌinaꞌ nosoroꞌinaꞌ.

Efesios 5:32

Inasoꞌ sacaiꞌ nitotacasoꞌ. Caso nipirinhuëꞌ Quisocristo noya yonquirinpoasoꞌ shaꞌhuitaranquëmaꞌ. Yaꞌipi imarëhuasopita inarëꞌquënpoaꞌ nichinpitërëhuaꞌ niꞌton, aꞌnaíchin pochin Yosë niꞌninpoaꞌ.

Colosenses 3:19

Canpitantaꞌ iyaroꞌsaꞌ, saꞌamaꞌ nosorocoꞌ. Ama noꞌhuicosohuëꞌ. Sanoanan quëran nontocoꞌ.

Hebreos 12:9

Tatanpoaꞌ pënënpachinpoara, natërëhuaꞌ. Piꞌpian anaꞌintopirinpoahuëꞌ, co noꞌhuirëhuahuëꞌ. Noya nicatëhuaꞌ, natërëhuaꞌ. Tata Yosëso nipirinhuëꞌ naꞌcon naꞌcon natëcasoꞌ yaꞌhuërin. Inasoꞌ nininpoaꞌ niꞌton, natëhuatëhuaꞌ, noya noya nanpiarihuaꞌ.