Efesios 5:29 - Chayahuita (Shahui)

²⁹ Co insontaꞌ inaora ninoꞌhuirinhuëꞌ. Tanahuachina, coshatërin. Canotohuachina, chinotërin. Noya ina pochin ninosororin. Quisocristo imarëhuasopita nosororinpoaso pochin ninin.

Efesios 5:29 ပူးပေါင်းရင်းမြစ်များ

Génesis 2:23

Quënanahuaton, quëmapi paꞌyanin. Paꞌyataton, tapon: “¡Isocha tëhuënchinsoꞌ, ca pochachin Yosëri ninin! Cá quëran ninin niꞌton, sanapi itarahuë,” tënin.

Isaías 40:11

Huaꞌanëni ohuicanënpita aꞌpairin. Carniroaꞌhuaroꞌsaꞌ, iporahuaton quëparin. Nasha huaipisopita oshaquëran quëpaton aꞌcarin. Ina naporinso pochin canpoantaꞌ, Sinioro noya aꞌpaiarinpoaꞌ,” itocoꞌ.

Ezequiel 34:27

Nararoꞌsantaꞌ, notohuaroꞌ nitapon. Shaꞌpisopitanta huaꞌhuayátërahuë macaponaꞌ. Napoatona ohuicanëhuëpitasoꞌ, yaꞌhuëpiquë chachin co tëꞌhuarëꞌna yaꞌhuëaponahuëꞌ. Nisha nisha parti piyapinëhuëpita asacatacaiso marëꞌ quëpapirinahuëꞌ, cari nichaꞌësarahuë. Inapotohuato, ca Sinioroco ninahuësoꞌ nitotapona huachi.

Mateo 23:37

Ina quëran taantarin: “¡Yaꞌipi Quirosarinquë yaꞌhuëramasopita yonquiatënquëmaꞌ, chiníquën sëtërahuë! Naꞌa pënëntonaꞌpiroꞌsaꞌ Yosë aꞌpatërinquëmaꞌ pënëinënquëmaso marëꞌ. Aꞌpapirinhuëꞌ, tëparamaꞌ. Aꞌnaquën naꞌpiquë tëꞌyaratomaꞌ, tëparamaꞌ. Yaꞌipinquëmaꞌ nosoroatënquëmaꞌ, naꞌaroꞌ yacatahuapiranquëmahuëꞌ, co ca tërantaꞌ nohuantëramacohuëꞌ. Atari huaꞌhuin toꞌcohuëtërinso pochin yapaꞌpoyapiranquëmahuëꞌ, co nohuantëramacohuëꞌ.

Mateo 6:26

Niꞌcoꞌ. Inairaroꞌsaꞌ co mantaꞌ shaꞌpihuëꞌ. Co maꞌsha shaꞌpisoꞌ macatonaꞌ, pëinënaquë acopihuëꞌ. Napoaponahuëꞌ, Tata Yosëri catahuarin. Ina nohuanton, cosharoꞌ quënanpi. ¡Canpitasoꞌ inapita quëran noya noya niꞌninquëmaꞌ!

Romanos 1:31

Co huachi noya yonquipihuëꞌ. Nonpinápi. Co quëmopinënpita tërantaꞌ nosoropihuëꞌ. Noꞌhuitochinachin cancantopi.

Efesios 5:28

Inapochachin quëmapiꞌsaꞌ saꞌinaꞌ nosoroꞌinaꞌ. Inahuara nonëna pochin nicatonaꞌ, nosoroꞌinaꞌ. Insosona saꞌin nosorohuachin, inaora ninosoroarin.

Efesios 5:30

Imarëhuasopitasoꞌ inaora nonën pochin niꞌninpoaꞌ niꞌton, aꞌnaya aꞌnayanpoaꞌ nosororinpoaꞌ.

Efesios 5:31

“Napoaton quëmapi saꞌapachina, co huachi paꞌpin, aꞌshin, inapita naꞌcon naꞌcon yonquicasoꞌ yaꞌhuërinhuëꞌ. Saꞌin naꞌcon naꞌcon yonquiaton, chinpitacasoꞌ yaꞌhuërin. Catoꞌ piyapi nipirinhuëꞌ, aꞌnaíchin pochin Yosëri niꞌnin,” tënin quiricanënquë.