Efesios 5:21 - Chayahuita (Shahui)

²¹ Quisocristosoꞌ huaꞌanëmaꞌ niꞌton, ina yonquiatomaꞌ, imaramasopita capini nicatahuacoꞌ. Yaꞌipinquëmaꞌ nipënënatomaꞌ, ninatancoꞌ.

Efesios 5:21 ပူးပေါင်းရင်းမြစ်များ

Génesis 16:9

Naporoꞌ Sinioro anquëninëni, itapon: —Naquëranchin patronanën paapantaquëꞌ. Maꞌsona camairinquënsopita, natëquëꞌ, itërin.

Proverbios 24:21

(-)

1 Corintios 16:16

Inapitasoꞌ noya natëcoꞌ, tënahuë. Aꞌnapitantaꞌ chiníquën catahuarinquëmaꞌ noya imacamaso marëꞌ. Insosona ina pochin aꞌchintohuachinquëmaꞌ, noya niꞌcoꞌ.

2 Corintios 5:11

Napoaton Yosë tëꞌhuatacasoꞌ yaꞌhuërin. Ina yonquiatoi, yaꞌipi piyapiꞌsaꞌ pënënárai. Co piꞌpian tërantaꞌ nonpintërainquëmahuëꞌ. Yosë niꞌsárincoi niꞌtoi, noꞌtëquën nontërainquëmaꞌ. Noya ninaisoꞌ canpitantaꞌ nitotëramaꞌ, topiraihuëꞌ.

2 Corintios 7:1

Iyaroꞌsa naꞌcon nosororanquëmaꞌ. Ina pochin Yosë yonquirinpoa niꞌton, yaꞌipi co noyahuëꞌ yonquirëhuasopita naniantahuaꞌ. Yaꞌipi co noyahuëꞌ ninëhuasopitantaꞌ aꞌpoaꞌahuaꞌ. Yosë tëꞌhuatatëhuaꞌ, noyasáchin niahuaꞌ.

Gálatas 5:13

Ina pochin, iyaroꞌsaꞌ, nontaranquëmaꞌ. Canpitasoꞌ Quisocristo nohuantërinquëmaꞌ. Nichaꞌërinquëmaꞌ ama huachi tëꞌhuarëꞌquëmaꞌ yaꞌhuëcamaso marëhuëꞌ. Co huachi yaꞌipi iráca pënëntërinsoꞌ imacasoꞌ yaꞌhuëpirinhuëꞌ, co Yosë nohuantërinhuëꞌ oshahuanacamasoꞌ. Quisocristo imapatamaꞌ, co noyahuëꞌ yonquiramasoꞌ naniantacasoꞌ yaꞌhuërin. Ninosoroatomaꞌ, nicatahuacoꞌ noya cancantacamaso marëꞌ. Aꞌnapita naꞌcon naꞌcon yonquicoꞌ.

Efesios 5:22

Sanapiꞌsaꞌ Sinioro natëtonaꞌ, soꞌinantaꞌ natëinaꞌ.

Efesios 5:24

Imarëhuasopita Quisocristo natërëhuaso pochachin sanapiꞌsantaꞌ soꞌinaꞌ natëinaꞌ.

Filipenses 2:3

Aꞌnaquën chiníquën nanan nohuantopi. Inasáchin yonquiatonaꞌ, aꞌnapita nocanpi. “Casoꞌ noya noyaco,” topi yonquinëna quëran. Canpitaso nipirinhuëꞌ ama ina pochin cancantocosohuëꞌ. Aꞌnapita noya noya niꞌcoꞌ.

1 Timoteo 2:11

Yosë nanamën aꞌchinpachinaꞌ, sanapiꞌsaꞌ taꞌtatonaꞌ, noya natainaꞌ. Natanahuatonaꞌ, noya natëinaꞌ.

1 Timoteo 3:4

Yaꞌipi pëinënquë yaꞌhuëpisopita noya aꞌpaiatonaꞌ, aꞌchinchinaꞌ. Huiꞌninpita noya pënëinaꞌ noꞌtëquën natëcaiso marëꞌ. Sanoanan quëran pënënpachinaꞌ, noya natërapi. Paꞌpinaꞌ noya niꞌsapi.

Hebreos 13:17

Ansianoꞌsaꞌ pënënpachinënquëmaꞌ, noya natëcoꞌ. Noya noya imacamaso marëꞌ Yosëri acorin. Aꞌna tahuëri inapitantaꞌ yaꞌipi napopisopita Yosë shaꞌhuitapi. Nani tahuëri pënënarinënquëmaꞌ. Noya natëhuatamaꞌ, noya cancantatonaꞌ, aꞌchintarinënquëmaꞌ. Co yanatëhuatamahuëꞌ, sëtapi. Naporahuaton, canpitantaꞌ co noya noya cancantapomahuëꞌ.

1 Pedro 2:13

Sinioro imaramaꞌ niꞌton, huaꞌanoꞌsaꞌ natëcoꞌ. Yaꞌipi acorinsopitantaꞌ natëcoꞌ. Copirnosoꞌ chini chiníquën nanantërin niꞌton, natëcasoꞌ yaꞌhuërin.

1 Pedro 2:17

Yaꞌipi piyapiꞌsaꞌ noya nontocoꞌ. Imaramasopita capini noya ninosorocoꞌ. Yosë tëꞌhuatatomaꞌ, noꞌtëquën natëcoꞌ. Copirnontaꞌ noya nicatomaꞌ, natëcoꞌ.

1 Pedro 5:5

Huiꞌnapiꞌsanquëmantaꞌ ansianoꞌsaꞌ natëcoꞌ. Yaꞌipinquëmaꞌ noya yonquiatomaꞌ, nicatahuacoꞌ. Quiricanën quëran itërinpoaꞌ: “Caora noya nisarahuë, taꞌtomaꞌ, nocantohuatamaꞌ, Yosë co noya niꞌsarinquëmahuëꞌ. Nipirinhuëꞌ, ‘Caora co nanitërahuëꞌ noya nicaꞌhuasoꞌ. Catahuaco,’ topatamaꞌ, inaora nohuanton, Yosë nóya catahuarinquëmaꞌ,” tënin.