Efesios 5:19 - Chayahuita (Shahui)

¹⁹ Yosë quiricanënquë cantapisoꞌ yonquiatomaꞌ, nishaꞌhuitocoꞌ. Yosë cantanën cantacoꞌ. Nisha nisha cantanën cantatomaꞌ, yaꞌipi cancanëma quëran Yosë chinotocoꞌ.

Efesios 5:19 ပူးပေါင်းရင်းမြစ်များ

Salmos 95:2

“Yosparinquën Sinioro,” itatëhua chinotahuaꞌ. Nisha nisha cantanën cantatëhuaꞌ, paꞌyatahuaꞌ.

Mateo 15:8

Yosë naporin: “Isopita piyapiꞌsaꞌ nanamëna quëran noya nontopirinacohuëꞌ, co cancanëna quëran imarinacohuëꞌ. Co ca pochin cancantopihuëꞌ.

Mateo 26:30

Ina quëran Yosë cantanën cantarahuatonaꞌ, pipipi. Pipirahuatonaꞌ, Oriposë panënquë paꞌpi huachi.

Hechos 16:25

Yono tashiꞌ nisahuasoꞌ, parisitaponaraihuëꞌ, co sëtopihuëꞌ. Cato chachin Yosë nontápi. Yosë chinotatonaꞌ, cantarapi. Apiroꞌsaꞌ natantapi.

1 Corintios 14:15

Napoahuarëꞌ, ¿onpocasota yaꞌhuërin? Ispiritonëhuë quëran Yosë nontarahuëꞌ, cantarahuë, napoarahuë. Napoaporahuëꞌ, maꞌsona tapo naporahuësontaꞌ yonquiato, Yosë nontarahuë, cantarahuë napoarahuë, tënahuë.

1 Corintios 14:26

Napoaton iyaroꞌsaꞌ niyontonpatamaꞌ, noyasáchin yonquicoꞌ. Aꞌnaquëmaꞌ cantaramaꞌ. Aꞌnaquëmaꞌ Yosë nanamën aꞌchinaramaꞌ. Aꞌnaquëmaꞌ Yosë anitotërinquëmasoꞌ shaꞌhuitaramaꞌ. Aꞌnaquëmantaꞌ nisha nananquë nonpiso pochin nonsaramaꞌ. Ina piquëran aꞌnaquëmasoꞌ maꞌsona tapon nonamasoꞌ canpita nananquë shaꞌhuitaramaꞌ. Maꞌsona tërantaꞌ nipatamaꞌ, nicatahuacoꞌ yaꞌipinquëmaꞌ noya noya imacamaso marëꞌ.

Colosenses 3:16

Yaꞌipi Quisocristo nanamën yonquirácoꞌ. Naꞌcon ina yonquicoꞌ. Noya nitotatomaꞌ, niaꞌchintocoꞌ, nipënëncoꞌ. Yosë cantanën nisha nisha nininsopita cantacoꞌ. Sarmo quirica nontatomaꞌ, inantaꞌ cantacoꞌ. Canpitaora yonquinëma quëraontaꞌ ocoirahuatomaꞌ, cantacoꞌ: “Ma noyanquëncha Tata niꞌton, catahuarancoi paya,” itatomaꞌ, cancanëma quëran huarëꞌ cantacoꞌ.

Santiago 5:13

Aꞌnaquëmaꞌ maꞌsha onpohuatamaꞌ, Yosë nontocoꞌ catahuainquëmaꞌ. Noya cancantohuatamaꞌ, Yosë cantanën cantatomaꞌ: “Yosparinquën Sinioro,” itocoꞌ.

Apocalipsis 5:9

Chinotatonaꞌ, inahuara yonquinëna quëran nasha cantanën cantarapi. “Noya noyanquën, Sinioro, niꞌton, nanan yaꞌhuëtërinquën quirica niꞌcamasoꞌ. Toꞌni iꞌshotohuatan, nani maꞌsha anitotarancoi. Iráca tëparinënquën. Chiminaton, piyapiꞌsaꞌ sopai quëran ocoiran Yosë imacaiso marëꞌ. Napoaton quëmasáchin nanitëran yaꞌipiya huaꞌanëntacasoꞌ. Nisha nisha parti yaꞌhuëpirinahuëꞌ, imarinënquën, Sinioro. Nisha nisha nananquë nonpisopita imarinënquën. Nisha nisha copirnori huaꞌanëntërinsopita niponaraihuëꞌ, natërinënquën.