Efesios 5:10 - Chayahuita (Shahui)

¹⁰ Noya yonquiatomaꞌ, Yosë nohuantërinsoꞌ nitotocoꞌ. Ina nitotohuatamaꞌ, yaꞌipiya natëcoꞌ.

Efesios 5:10 ပူးပေါင်းရင်းမြစ်များ

Salmos 19:14

Quëmasoꞌ nani tahuëri niꞌsarancoi. Catahuacoi noyasáchin yonquiatoi, noyasáchin noin. Quëmasáchin Sinioro paꞌpoyatoncoi, nichaꞌërancoi.

Isaías 58:5

Canpitaso ayonahuatamara sëtërëso pochin yaꞌnoramaꞌ. Shiꞌshinamatë pochin monshoáporamaꞌ. Saꞌcatën aꞌmosahuatomaꞌ, huariano aipi quëhuënamaꞌ. “Ina pochin nicaꞌhuaisoꞌ Sinioro nohuantërin,” topiramahuëꞌ, ¡co ina caso nohuantërahuëꞌ! “Inapoatë ayonacaso yaꞌhuërin. Napohuatëhuaꞌ, Yosë noya niꞌsarinpoaꞌ,” tënamaꞌ.

Jeremías 6:20

Israiroꞌsanquëmaꞌ, canpitaso Sapa noꞌpa quëran yonarin pochin nininsoꞌ quëshiramaco. Pimo nararoꞌsanta áquë noꞌparoꞌsa quëran quëshiramaco. Inapita quëshipiramacohuëꞌ: ¡Topinan quëran quëshiramaco! Chinotamacoso marëꞌ artaronëhuëquë maꞌsha tëparahuatoma aꞌnaquën yaꞌipi ahuiquitëramaꞌ. Aꞌnaquënsoꞌ, piꞌpiyan ahuiquitëramaꞌ. Inaporamasopita, ¡yaꞌipi co noyahuëꞌ niꞌnahuë!” tënin.

Romanos 14:18

Ina pochin Quisocristo imapatëhuaꞌ, Yosë noya niꞌsarinpoaꞌ. Piyapiꞌsantaꞌ noya niꞌsarinpoaꞌ.

Filipenses 1:10

Yosë nanamën naꞌcon yonquihuatamaꞌ, noya noya nitotatomaꞌ, noya nisaramaꞌ. Noꞌtëquën yonquihuatamaꞌ, noyápiachin cancantaramaꞌ. Noyasáchin nipatamaꞌ, Quisocristo oꞌmantahuachina, nóya niꞌsarinquëmaꞌ. Co anaꞌintarinquëmahuëꞌ.

Filipenses 4:18

Iporasoꞌ nóya iꞌhuërëtëramaco huachi. Napoaton noya yaꞌhuarahuë. Co mantaꞌ pahuantërincohuëꞌ. Iꞌhua Ipapërotito huëꞌpachina, coriqui aꞌpatëramaco niꞌton, maꞌsha yaꞌhuëtërinco. Ina marëꞌ “Yosparinquëmaꞌ,” itëranquëmaꞌ. Yosë nosoroatomaꞌ, aꞌpatiramaco. Yosë chinotacaiso marëꞌ pimóchin nininsoꞌ aꞌpëhuachinara, Yosëri noya niꞌnin. Inapochachin canpitantaꞌ coriqui aꞌpatëramaco niꞌton, Yosë noya niꞌninquëmaꞌ.

Colosenses 1:10

Catahuaquëꞌ Sinioro quëma nohuantëranso chachin niinaꞌ. Inapohuachinaꞌ, noya noya niꞌsaran. Catahuaquëꞌ noyasáchin niinaꞌ. Naꞌcon naꞌcon nohuichinënquën.

1 Tesalonicenses 5:21

Napoaponahuëꞌ, niꞌcona nonpintochinënquëmaꞌ. Aꞌnaquën “Noꞌtëquën aꞌchintaranquëmaꞌ,” itohuachinënquëmaꞌ, ama aꞌnaroáchin natëtocosohuëꞌ. Yaꞌipi napopisoꞌ Yosë quiricanën quëran tantiacoꞌ. “Inaora yonquinën quëran aꞌchinamara,” taꞌtomaꞌ, tantiacoꞌ. Yosë nanamënsáchin natëcasoꞌ yaꞌhuërin.

1 Timoteo 2:3

Ina pochin Yosë nontacasoꞌ nóya. Inasoꞌ nichaꞌërinpoaꞌ. Nontohuatëhuaꞌ, noya nataninpoaꞌ.

1 Timoteo 5:4

Nipirinhuëꞌ, huaꞌhuinpita yaꞌhuëtohuachin, inapita pënënquëꞌ aꞌshina catahuainaꞌ. Aminpitarintaꞌ catahuainaꞌ. Asoꞌsorin niꞌton, inahuarintaꞌ iꞌhuërëtantaꞌinaꞌ. Nosoroatonaꞌ, nocomantaꞌinaꞌ. Ina Yosë naꞌcon nohuantërin.

Hebreos 12:28

Huaꞌanëntërinquë chachin ayaꞌconinpoaꞌ. Inápaquë paꞌpatëhuaꞌ, co onporontaꞌ taꞌhuantarihuahuëꞌ. Napoaton: “Yosparinquën Sinioro,” itahuaꞌ. Yaꞌipi cancanënpoa quëran inasáchin chinotahuaꞌ. Noya cancantatëhuaꞌ, natëahuaꞌ noya nicainpoaso marëꞌ. Ipora huantaꞌ Yosësoꞌ noꞌtëquën anaꞌintarin niꞌton, tëꞌhuatacasoꞌ yaꞌhuërin. Pënquë maꞌsha ahuiquitërëso pochin yaꞌipi co noyahuëꞌ nininsopita anaꞌintarin.

1 Pedro 2:20

Co noyahuëꞌ nipatamaꞌ, anaꞌintarinquëmaꞌ. Ahuantohuatamaꞌ, co ina marëꞌ noya niꞌninquëmahuëꞌ: “Noꞌtëquën anaꞌintohuachinquëmaꞌ, ahuantacasoꞌ yaꞌhuërin,” topi yaꞌipiya. Aꞌna tahuëriso nipirinhuëꞌ noya nipiramahuëꞌ, aparisitarinënquëmaꞌ. Co noꞌhuitatomahuëꞌ, ahuantohuatamaꞌ, Yosë noya niꞌsarinquëmaꞌ.

1 Pedro 2:5

Imaramaꞌ niꞌton, canpitantaꞌ noya naꞌpiroꞌsa pochin nisaramaꞌ. Nanpimiataramaꞌ. Yaꞌipi imarëhuasopita Yosë acorinpoaꞌ pëinën pochin nicacaso marëꞌ. Cancanënpoa quëran huarëꞌ ina naꞌcon chinotërëhuaꞌ niꞌton, corto huaꞌanoꞌsa pochin nisarëhuaꞌ. Nani tahuëri ina chinotatëhuaꞌ, “Yosparinquën Sinioro,” itahuaꞌ. Nicatahuacasontaꞌ ama naniantahuasohuëꞌ. Quisocristo catahuarinpoaꞌ ina pochin nicacasoꞌ. Ina marëꞌ Yosë noya niꞌsarinpoaꞌ.

1 Samuel 17:39

Ina aꞌmotohuachinara, aꞌmorinso aipi sintoronquë nitonporin. Inaquë sahuëninën pëꞌtënahuaton, iratacaso tënirin. Iratopirinhuëꞌ yacantërin. Napoaton aꞌnaroáchin Saono itapon: —Isanpi co noꞌquiatorahuëꞌ yacantërahuë, itërin. Napotahuaton aꞌmotopisoꞌ, yaꞌipi paꞌcoirin.