Efesios 4:6 - Chayahuita (Shahui)

⁶ Tata Yosëíchin chinotërëhuaꞌ. Yaꞌipi imarëhuasopita huiꞌninpita pochin niꞌninpoaꞌ. Inasoꞌ chini chiníquën nanantaton, huaꞌanëntërinpoaꞌ. Yaꞌipinpoaꞌ catahuarinpoaꞌ ina marëꞌ sacatacasoꞌ. Imapatëhuaꞌ, yaꞌcoancantomiatërinpoaꞌ.

Efesios 4:6 ပူးပေါင်းရင်းမြစ်များ

Génesis 14:19

Nani aꞌcarahuaton, Miriquisori Apran iso pochin shaꞌhuitërin: “Yosë chini chiníquën nanantërinsoꞌ, catahuainquën. Inasoꞌ, piꞌiroꞌtëꞌ, isoroꞌpaꞌ, inapita acorin.

Salmos 95:3

Yosëíchin chini chiníquën nanantërin. Piyapiꞌsasoꞌ nisha nisha moshapirinahuëꞌ, Yosëíchin chini chiníquën nanantërinsoꞌ.

Isaías 63:16

¡Quëmasoꞌ, tatahuëi pochin ninan! Apraanso co aꞌna nohuitomarincoihuëꞌ. Cacoponta co aꞌna yonquimarincoihuëꞌ. Quëmaso Sinioro tatahuëi pochin ninan. Iráca quëran huarëꞌ nichaꞌërancoi.

Malaquías 2:10

Iporasoꞌ ca Maraquiasëco Yosë ayonquirinco niꞌton, pënënaranquëmaꞌ: Tëhuënchachin canpoasoꞌ, yaꞌipinpoaꞌ aꞌna tataíchin pochin yaꞌhuëtërinpoaꞌ. Inasoꞌ Yosë. Yaꞌipinpoa acorinpoaꞌ. Napoaton co canpoa capini ninonpitacaso yaꞌhuërinhuëꞌ. Ninonpintohuatëhuaꞌ, Yosë shimashonënpoapitarëꞌ anoyatërinso tapiarihuaꞌ.

Mateo 6:13

Co noyahuëꞌ yonquihuatoi, catahuacoi aꞌnaroáchin nanianchii. Catahuacoi ama sopai minsëincoisohuëꞌ. [Quëmasáchin huaꞌanëntarancoi. Yaꞌipi nanitaparan. Ipora quëran huarëꞌ yaꞌipiya natëinënquën. Amen,]’ itocoꞌ Yosë nontohuatamaꞌ.

Mateo 6:9

Napoaton Yosë yanontohuatamaꞌ, iso pochin nontocoꞌ: ‘Tata Yosë, quëmaso inápaquë yaꞌhuaponahuëꞌ, natanancoi. Quëmasáchin noya noyanquën niꞌton, yaꞌipi piyapiꞌsaꞌ chinochinënquën.

Juan 14:23

Napotohuachina, Quisosori itërin: —Co yaꞌipi piyapiꞌsaꞌ nanitopihuëꞌ nohuitinacosoꞌ. Insosona nosorohuachinaco, natëarinaco. Natëhuachinaco, Tata Yosëri nosoroarin. Inaroꞌco yaꞌcoancantatoi, inaquë yaꞌhuëarai.

Juan 17:26

Quëma nanamën nani aꞌchintërahuë nohuitinënquënso marëꞌ. Ipora huantaꞌ aꞌchintarahuë niꞌton, noya noya nohuitarinënquën. Quëma nosororancoso pochachin ninosorocaiso marëꞌ. Inapohuachinaꞌ, inapita yaꞌcoancantato, yaꞌhuëmiatarahuë,” itërin.

Juan 20:17

—Aꞌpoco imoya. Co tatahuë yaꞌhuërinꞌpaꞌ pantayátërarahuëꞌ. Apira paaton, iyahuëpita pochin niꞌnahuësopita shaꞌhuitonquëꞌ: “Yosë yaꞌhuërinꞌpaꞌ panantarahuë. Inasoꞌ: ‘Tata,’ itato chinotërahuë. Canpitantaꞌ imaramaco niꞌton, ‘Tata,’ itatomaꞌ chinotëramaꞌ, tënin Quisoso, itonquëꞌ,” itërin.

Romanos 11:36

Yaꞌipi maꞌsha Yosëri ninin. Ina nohuanton, co taꞌhuantarëhuahuëꞌ. Yosëíchin paꞌyatacaso marëꞌ yaꞌhuërëhuaꞌ. Inaora nohuanton, anoyacancantërinpoaꞌ. Ma noyacha Yosëso paya, itahuaꞌ. ¡Inasáchin chinotahuaꞌ! Amen.

1 Corintios 12:6

Aꞌnaya aꞌnayanpoaꞌ ananitërinpoaꞌ nisha nisha nicacaso marëꞌ. Yaꞌipinpoaꞌ Yosë chachin catahuarinpoaꞌ.

1 Corintios 8:6

Canpoaso nipirinhuëꞌ Tata Yosëíchin chinotërëhuaꞌ. Yaꞌipi maꞌsha ninin. Ina marëꞌ acorinpoaꞌ. Quisocristoíchin huaꞌanëntërinpoaꞌ. Ina nininpoaꞌ. Nani nichaꞌërinpoaꞌ ina nohuitatëhuaꞌ nanpicaso marëꞌ.

2 Corintios 6:16

Yosë chinotërëhuaquë noyasáchin nicacasoꞌ yaꞌhuërin. Co inaquësoꞌ mamanshi moshacasoꞌ yaꞌhuërinhuëꞌ. Inapochachin canpoantaꞌ Yosë imapatëhuaꞌ, yaꞌcoancantarinpoaꞌ niꞌton, ina pëinën pochin ninëhuaꞌ. Yosësoꞌ nanpiárin. Quiricanën quëran naporin: “Imapatamaco, yaꞌcoancantaranquëmaꞌ. Canpitaroꞌco yaꞌhuarahuë. Chinotohuatamaco, noya aꞌpaiaranquëmaꞌ. Piyapinëhuëpita pochin niꞌsaranquëmaꞌ,” tënin.

Efesios 1:21

Isoroꞌpaquë nisha nisha huaꞌanoꞌsaꞌ, chirinchiroꞌsaꞌ, copirnoroꞌsaꞌ, inapita chiníquën nanantopi. Inapaquëntaꞌ chiníquën nanantopisopita yaꞌhuëpi. Quisocristoso nipirinhuëꞌ, inapita quëran chini chiníquën nanantërin. Co incari tërantaꞌ nanitërinhuëꞌ ina minsëcasoꞌ. Co onporontaꞌ aꞌnapitari ina minsëapihuëꞌ.

Efesios 2:22

Canpitantaꞌ Quisocristo imatomaꞌ, yaꞌconamaꞌ. Aꞌnaya aꞌnayanpoaꞌ naꞌpi pochin ninëhuaꞌ pëiꞌ nanicaso marëꞌ. Yaꞌipi imarëhuasopita Yosë pëinën pochin ninëhuaꞌ. Ispirito Santo yaꞌcoancantohuachinpoaꞌ, Yosë chachin canpoarëꞌ yaꞌhuërarin huachi.

Efesios 3:17

Yaꞌipi cancanëna quëran natëtatonaꞌ, Quisocristoíchin yonquiꞌinaꞌ. ‘Cancanëhuëquë yaꞌhuërarin,’ taꞌtonaꞌ, noya noya nohuichinën. Catahuaquëꞌ noya nosoroꞌinën. Yaꞌipi piyapiꞌsantaꞌ nosoroꞌinaꞌ, Nara itëquën acopoꞌ paꞌpachina, co inpaninhuëꞌ. Inapochachin inapitantaꞌ ‘Quisocristo naꞌcon nosororincoiꞌ,’ taꞌtonaꞌ, aꞌnapitantaꞌ nosoroꞌinaꞌ. Noya ninosorohuachinaꞌ, Ispirito Santori catahuararin chiníquën cancantacaisoꞌ.

Efesios 6:23

Quisocristo imaramaꞌ niꞌton, iyaroꞌsaꞌ, Tata Yosë asanocancainquëmaꞌ. Nosoroꞌinquëmaꞌ. Catahuainquëmaꞌ shaꞌhuitërinpoasoꞌ noya natëcamaso marëꞌ. Sinioro Quisocristontaꞌ inapochachin catahuainquëmaꞌ.

Deuteronomio 6:4

Iporasoꞌ, yaꞌipi israiroꞌsanquëma natancoꞌ. Yosëíchin huaꞌanëntërinpoaꞌ. Inasáchin natërëhuaꞌ. Inasoꞌ Sinioro niꞌton, ina naꞌcon naꞌcon nosorocaso yaꞌhuërin. Yaꞌipi cancanëma quëran, huaꞌyanëma quëran, chinirama quëran, yaꞌipi inaquëranpita nosoromiatocoꞌ.

1 Juan 3:24

Yosë natëhuatëhuaꞌ, yonquirinsoráchin imasarihuaꞌ. Imapatëhuaꞌ, yaꞌcoancantomiatërinpoaꞌ. Ispirito Santo quëtërinpoaꞌ yaꞌcoancantinpoaso marëꞌ. Ina catahuahuachinpoaꞌ, noya nisarëhuaꞌ. Ina quëran Yosë nohuitërëhuasoꞌ nitotërëhuaꞌ.