Efesios 4:28 - Chayahuita (Shahui)

²⁸ Aꞌnaquëmaꞌ iráca ihuatëramaꞌ. Ama huachi ihuatocosohuëꞌ. Ama chirotomarahuëꞌ, noya sacatocoꞌ. Ina quëran nanitëramaꞌ pahuantërinsopita quëtacamasoꞌ.

Efesios 4:28 ပူးပေါင်းရင်းမြစ်များ

Éxodo 20:15

Ama manta ihuatocosohuëꞌ.

Éxodo 20:17

Ama aꞌnapita maꞌshanën noyapatocosohuëꞌ: Saꞌinaꞌ, piyapinënapita, toronënaꞌ, moranënaꞌ, inapita co noyapatamaso yaꞌhuërinhuëꞌ. Co maꞌshanëna tëranta noyapatamaso yaꞌhuërinhuëꞌ,” itërin Yosëri israiroꞌsa pënënaton.

Proverbios 13:11

Nonpinatona maꞌhuanpisopitasoꞌ, oshaquëran oshaquëran maꞌshanëna capa nicapon. Piꞌpiraꞌhuaya quëran huarëꞌ yontonpisopitaso nipirinhuëꞌ, anaꞌataponaꞌ.

Proverbios 31:20

Saꞌahuaroꞌsaꞌ, pahuantopisopita, inapitanta nosoroaton catahuarin.

Jeremías 7:9

Niihuaramaꞌ, nitëparamaꞌ, nitëhuananpitëramaꞌ, Yoscoarëꞌ tapomarahuë nonpinamaꞌ. Paaro moshatoma yonarin pochin nininsoꞌ aꞌpëramaꞌ. Nisha nisha mamanshiroꞌsanta co nohuitapomarahuëꞌ, mosharamaꞌ.

Lucas 19:8

Saquioso nipirinhuëꞌ Quisoso aꞌchininsoꞌ natanahuaton, noya natërin. Napoaton itapon: —Nani maꞌsha Sinioro yaꞌhuëtërinco. Ipora patoma saꞌahuaroꞌsaꞌ quëtarahuë. Iráca aꞌnaya aꞌnaya nonpintato, ihuarahuësoꞌ naꞌcon naꞌcon quëtantarahuë. Aꞌna marëíchin nipirinhuëꞌ, catapini quëtantarahuë, itërin.

Lucas 3:8

Co noyahuëꞌ yonquiramasopita naniantatomaꞌ, noya nicoꞌ. Ama ninonpintocosohuëꞌ. “Quiyasoꞌ Apraan shinpitacoi niꞌtoi, Yosë piyapinënpitacoi,” ama tocosohuëꞌ. Yosë nohuantërin naporini, iso naꞌpiroꞌsantaꞌ Apraan shinpita atarantacasoꞌ nanichitonhuëꞌ.

Juan 12:6

Nipirinhuëꞌ, co saꞌahuaroꞌsaꞌ yonquiaton naporinhuëꞌ. Yaihuataton, naporin. Inari chachin coriqui tanpanantëꞌ aꞌpairin niꞌton, piꞌpian piꞌpian ihuatarin.

Juan 13:29

Cotasëri coriqui tanpanantëꞌ aꞌpairin niꞌton, maꞌsha pita tahuëri marëꞌ paꞌanapon aꞌpamara, topirinahuëꞌ aꞌnaquën. Saꞌahuaroꞌsaꞌ coriqui quëtacaso marëꞌ aꞌpamara, topirinahuëꞌ aꞌnaquëontaꞌ.

Romanos 12:13

Imapisopita pahuantohuachinaꞌ, maꞌsha quëtocoꞌ. Niꞌtoroꞌsaꞌ yaꞌnotohuachinënquëmaꞌ, noya nontatomaꞌ, aꞌcacoꞌ.

1 Corintios 4:12

Chiníquën sacatatoi, canotërai. Noꞌhuipirinacoihuëntaꞌ, noya nontërai. Aparisitohuachinacoirantaꞌ, co noꞌhuiraihuëꞌ. Ahuantërai.

2 Corintios 8:12

Yaꞌipi cancanëma quëran quëtohuatamaꞌ, Yosë noya niꞌsarinquëmaꞌ. Co naꞌa coriquihuanpatamahuëꞌ, Yosë nitotërin. Co nanitëramahuëꞌ naꞌa quëtacasoꞌ. Co apiratomahuëꞌ, piꞌpian tërantaꞌ quëtohuatamaꞌ, noya niꞌsarinquëmaꞌ.

2 Corintios 8:2

Maꞌsha onpotohuachinara, chiníquën parisitaponaraihuëꞌ, noya cancantopi. Naporahuaton, piꞌpisha yaꞌhuëtopirinahuëꞌ, aꞌnapita imapisopita pahuantohuachinara, naꞌcon coriqui quëtopi.

Gálatas 6:10

Napoaton yaꞌipi piyapiꞌsaꞌ nosoroaꞌhuaꞌ. Nanitohuatëhuaꞌ, catahuahuaꞌ. Quisocristo imarëhuasopita capini naꞌcon naꞌcon nicatahuahuaꞌ.

1 Timoteo 6:18

Naꞌa coriqui yaꞌhuëtohuachinquëmaꞌ, aꞌnapita nosoroatomaꞌ, catahuacoꞌ. Maꞌsha pahuantohuachina, quëtocoꞌ. Ama mantaꞌ apiracosohuëꞌ. Noya nicoꞌ.

Tito 3:14

Yaꞌipi imapisopitantaꞌ shaꞌhuitëquëꞌ noya niinaꞌ. Pahuantërinsopita catahuainaꞌ. Inapotohuachinaꞌ, co topinan yaꞌhuapihuëꞌ.

Tito 3:8

Noꞌtëquën shaꞌhuitëranquën. Quëmantaꞌ inachachin aꞌchintëquëꞌ, tënahuë. Pënënáquëꞌ yaꞌipi imapisopita noya nicacaiso marëꞌ. Aꞌchintëranquënsosoꞌ nóya imacasoꞌ. Natëhuatëhuaꞌ, noya noya yaꞌhuarihuaꞌ.