Efesios 4:21 - Chayahuita (Shahui)

²¹ Inasoꞌ noꞌtëquën anitotërinpoaꞌ. Nanamën nani natanamaꞌ.

Efesios 4:21 ပူးပေါင်းရင်းမြစ်များ

Mateo 17:5

Nonaquëyaꞌ, chitorori imotërin. Huënaráchin huënaráchin ninin. Chitoroꞌ huáncana quëran Yosëri shaꞌhuitërin: “Isosoꞌ ca huiꞌnahuë, naꞌcon nosororahuësoꞌ. Nóya niꞌnahuë. Ina noya natancoꞌ,” itërin.

Lucas 10:16

Ina quëran yaaꞌparinsopita itaantarin: “Iporasoꞌ pënëntacamaso marëꞌ aꞌpararanquëmaꞌ. Ca yaꞌhuërënamëhuë pënëntaramaꞌ. Noya natanpachinquëmaꞌ, natanarinaco cantaꞌ. Coꞌsoꞌ nohuantohuachinënquëmahuëꞌ, co cantaꞌ nohuantarinacohuëꞌ. Co nohuantohuachinacohuëꞌ, co Yosëntaꞌ nohuantapihuëꞌ,” itërin Quisosori. Itohuachina, paꞌpi huachi. Nisha nisha ninanoquë pënëntëraꞌpiapi.

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Juan 10:27

Casoꞌ ohuica pëꞌtahuanaꞌpi pochin ninahuë. Imarinacosopita ohuicanëhuëpita pochin niꞌnahuë. Nohuitërahuë. Noya nataninaco. Nontohuatëra, natëtonaco, imarinaco.

Juan 14:17

Ispirito Santosoꞌ noꞌtëquënáchin nonin niꞌton, Yosë nanamën noꞌtëquën anitotarinquëmaꞌ. Co imarinacosopitasohuëꞌ nipirinhuëꞌ co ina natëpihuëꞌ. Napoaton co nohuitapihuëꞌ. Canpitaso nipirinhuëꞌ nohuitaramaꞌ. Nani tahuëri catahuarinquëmaꞌ. Yaꞌcoancantarinquëmaꞌ.

Juan 14:6

—Ca ira pochinco. Yaꞌipiya noꞌtëquën aꞌchintëranquëmaꞌ. Casáchin nanpicasoꞌ quëtëranquëmaꞌ. Imaramacosopitarachin Yosëꞌpaꞌ cancontaramaꞌ.

Romanos 10:14

Napoaponahuëꞌ, co aꞌchintohuatëhuahuëꞌ, co nitotapihuëꞌ. Co nitotohuachinahuëꞌ, co nanitapihuëꞌ natëtacaisoꞌ. Co natëtohuachinahuëꞌ, co nanitapihuëꞌ Yosë nontacaisoꞌ. Napoaton aꞌchintacasoꞌ yaꞌhuërin.

2 Corintios 1:20

Yaꞌipi Yosë shaꞌhuitërinpoasoꞌ Quisocristo acotarinpoaꞌ. Napoaton “Quisocristosoꞌ noꞌtëquën nonaton, catahuarinpoaꞌ. Ma noyacha Yosëso paya,” tënëhuaꞌ.

2 Corintios 11:10

Quisocristo catahuarinco niꞌton, noꞌtëquën nontaranquëmaꞌ. Co aꞌchinato canarahuëꞌ. Yaꞌipi Acaya parti topinan aꞌchinarahuë. Napoaton noya cancantërahuë. Co insontaꞌ nanitarinhuëꞌ nisha ayonquiincosoꞌ.

Efesios 1:13

Canpitantaꞌ Yosë nanamën natanamaꞌ. “Quisocristo anoyacancantohuachinquëmaꞌ, nichaꞌësarinquëmaꞌ,” itërainquëmaꞌ. Natanpatamara: “Noꞌtën nanan inasoꞌ,” taꞌtomaꞌ, natëramaꞌ. Quisocristo imapatamaꞌ, huiꞌnin pochin Yosë niꞌninquëmaꞌ. Napoaton Ispirito Santo ayaꞌcoancantërinquëmaꞌ. Sichoquë marca acopiso pochin ayaꞌcoancantërinquëmaꞌ huëntonënquë ayaꞌconinquëmasoꞌ nitotacaso marëꞌ. Iráca shaꞌhuirinso chachin napotërinquëmaꞌ.

Efesios 2:17

Quisocristo isoroꞌpaquë oꞌmaton, noya nanan shaꞌhuitërinpoaꞌ. “Yaꞌipinquëmaꞌ nichaꞌësaranquëmaꞌ,” itërinpoaꞌ. Canpitasoꞌ co piꞌpisha tërantaꞌ Yosë nohuitatomarahuëꞌ, áquë pochin nipiramahuëꞌ, nanan anoyatërinquëmaꞌ. Cotioroꞌsacointaꞌ yaꞌcarisha pochin ninaisoꞌ nanan anoyatërincoi.

Colosenses 1:5

Iráca noya nanan natanamaꞌ. “Oshanënpoaꞌ inquitatonpoaꞌ, Quisocristo anoyacancantërinpoaꞌ,” itohuachinënquëmaꞌ, noꞌtëquën aꞌchintërinënquëmaꞌ. Aꞌchintohuachinënquëmaꞌ, natëramaꞌ. “Aꞌna tahuëri Yosëꞌpaꞌ noya ananpitaantarinpoaꞌ,” taꞌtomaꞌ, Quisocristo imaramaꞌ. Ina imatomaꞌ, ina tahuëri ninaramaꞌ.

Colosenses 1:6

Noya nanan chachin yaꞌipi parti aꞌchinapi. Aꞌna parti aꞌna parti piyapiꞌsaꞌ natëtatonaꞌ, noya imasapi. Canpitantaꞌ noya imasaramaꞌ. Yaꞌnan natantapomaꞌ, natëramaꞌ. “Yosë nosoroatonpoaꞌ, inaora nohuanton, nichaꞌësarinpoaꞌ,” itërinënquëmaꞌ. Napotohuachinënquëmara, “Noꞌtëquën shaꞌhuitërinpoaꞌ,” taꞌtomaꞌ, natëramaꞌ.

Colosenses 2:7

Niꞌcoꞌ. Maꞌsha shaꞌpatëra, itën acopoꞌ noꞌpaquë paꞌpachina, noya huanirin. Inapochachin canpitantaꞌ Quisocristo noya chinpitocoꞌ. Inasáchin yonquicoꞌ achinicancainquëmaꞌ. Nani iyasha noꞌtëquën aꞌchintërinquëmaꞌ niꞌton, yaꞌipi cancanëma quëran Quisocristo natëcoꞌ. “Yosë naꞌcon nosororinpoaꞌ,” taꞌtomaꞌ, nani tahuëri “Yosparinquën Sinioro,” itocoꞌ.

1 Juan 5:20

Yosë huiꞌnin chachin oꞌmaton, noꞌtëquën Yosë anohuitërinpoaꞌ. Inasáchin noꞌtëquën yonquirin. Yosë nohuitatëhuaꞌ, yonquirinsoráchin imasarëhuaꞌ. Quisocristo nohuitërëhuaꞌ niꞌton, catahuarinpoaꞌ noꞌtëquën yonquicaso marëꞌ. Inaíchin Yosësoꞌ niꞌton, chinotacasoꞌ yaꞌhuërin. Ina nohuitohuatëhuaꞌ, nanpimiatarihuaꞌ.