Efesios 3:18 - Chayahuita (Shahui)

^18-19 Inapohuachinaꞌ, Quisocristo nosoromiatërincoisoꞌ nitotapi. Piꞌiroꞌtëꞌ pancantërinsoꞌ, naporopitërinsoꞌ, inaparinsoꞌ, acoporinsoꞌ inapita co naninahuanhuëꞌ yonquirai. Inapochachin Quisocristo nosoromiatërincoisontaꞌ co nitotochináchinhuë nipirinhuëꞌ, nitotapi. Ina nitotohuachinaꞌ, yaꞌipi quihuítërancoisopita yaꞌhuëtapi. Yaꞌipi imapisopita ina yonquiꞌinaꞌ,” itërahuë.

Efesios 3:18 ပူးပေါင်းရင်းမြစ်များ

Salmos 103:17

Napoaponahuëꞌ, Sinioro noya nicatëhua natëhuatëhuasoꞌ, nosoromiatarinpoaꞌ. Noꞌtëquënáchin yonquiaton, shinpoapitanta catahuarápon.

Salmos 116:15

Sinioro nosororëhuasopita yachiminpatëhuaꞌ, inaso co noyahuëꞌ cancantërin.

Salmos 139:6

Yaꞌipi inaporanso yonquihuatora, paꞌyanahuë. Onpoatonso napomaranquën. Yonquirahuësoꞌ, co inaquë huarëꞌ icaninhuëꞌ.

Salmos 145:10

Nani maꞌsha acoransopita Sinioro, chinochinën. Imarinënquënsopitantaꞌ, noya chinochinën.

Juan 15:13

Niꞌcoꞌ iyaroꞌsaꞌ. Nipayarësoꞌ naꞌcon nosorohuatëra, ina nichaꞌëcaso marëꞌ chiminëꞌ. Inapochachin cantaꞌ naꞌcon nosoroatënquëmaꞌ, canpita nichaꞌëcaꞌhuanquëmaso marëꞌ chiminarahuë. Co insontaꞌ ina pochin nosororinquëmahuëꞌ.

Romanos 10:3

Yosëíchin anoyacancantërinpoaꞌ. Nipirinhuëꞌ, co nohuantopihuëꞌ ina nanan imacaisoꞌ. “Pënëntërinsoꞌ natëhuatëhuaꞌ, Yosë noya niꞌsarinpoaꞌ,” toconpi. “Quëma Sinioro anoyacancantocoi,” co itopihuëꞌ.

2 Corintios 13:13

Yaꞌipi imapisopita isëquë yaꞌhuëpisoꞌ, saludos aꞌpatarinënquëmaꞌ.

Gálatas 2:20

Quisocristo corosëquë chiminin. Ina imato, cantaꞌ corosëquë chiminahuëso pochin ninahuë. Iráca yonquirahuësoꞌ naniantërahuë. Napoaton co huachi oshahuanacaꞌhuasoꞌ yaꞌhuërinhuëꞌ. Iporasoꞌ Quisocristoíchin yonquirahuë. Co huachi caora nohuanto maꞌsha ninahuëꞌ. Quisocristo yaꞌcoancantërinco niꞌton, catahuarinco noya nicaꞌhuasoꞌ. ‘Nani tahuëri Yosë huiꞌnin chachin catahuarinco,’ taꞌto, noya cancantërahuë. Inasoꞌ paꞌpi nosororinco. Nosoroatonco, yaꞌhuërënamëhuë chiminin.

Gálatas 3:13

Co nanitërëhuahuëꞌ noꞌtëquën natëcasoꞌ niꞌton, anaꞌintinpoasoꞌ yaꞌhuërin. Quisocristoso nipirinhuëꞌ nichaꞌërinpoaꞌ. Canpoaꞌ yaꞌhuërënamënpoaꞌ chiminin. Ina, Yosëri anaꞌintërin. Quiricanën quëran naporin: “Piyapi paꞌpi co noyahuëꞌ nipachina, naraquë achinpirahuatëꞌ, chiníquën anaꞌintërëꞌ. Nani Yosëri aꞌporin,” tënin quiricanënquë. Canpoasoꞌ anaꞌintinpoasoꞌ yaꞌhuëpirinhuëꞌ, naraquë chachin Quisocristo apatanantohuachinara, oshanënpoa marëꞌ parisitërin. Inaquë parisitaton, nichaꞌërinpoaꞌ.

Efesios 1:10

Ina tahuërinën nanihuachin, Quisocristo yaꞌipiya huaꞌanëntarin. Isoroꞌpaquë yaꞌhuërinsopita, inápaquë yaꞌhuërinsopita inapita huaꞌanëntarin. Aꞌna huëntoínchin pochin acoarin. Ina Yosë naꞌcon nohuantërin.

Efesios 1:15

“Quisocristo anoyacancantërinpoaꞌ,” taꞌtomaꞌ, inasáchin imaramaꞌ. Ina imatomaꞌ, yaꞌipi imaramasopita capini noya ninosoroaramaꞌ, natantërahuë. Ina natantato, nóya cancantërahuë.

1 Timoteo 3:16

Iráca co Yosë nohuitopirëhuahuëꞌ, iporasoꞌ Quisocristo anohuitërinpoaꞌ: “Ma noyacha inaso paya,” tënëhuaꞌ. Yosë huiꞌnin isoroꞌpaquë oꞌmaton, piyapi chachin nasitimarin. Ispirito Santo chachin anitotërinpoaꞌ Yosë huiꞌnin nininsoꞌ. Nanpiantahuachina, anquëniroꞌsarintaꞌ quënanpi. Imapisopitari yaꞌipi parti paatonaꞌ, nanamën shaꞌhuiraꞌpiapi. Naꞌa piyapiꞌsaꞌ natëpi. Iporasoꞌ Yosëꞌpaꞌ noya yaꞌhuërin. Inatohuaꞌ Yosëri quëpantarin.

Apocalipsis 3:21

Nani sopai minsërahuato, Tata Yosëꞌpaꞌ yaꞌhuarahuë. Yaꞌipiya huaꞌanëntarai. Canpitantaꞌ sopai minsëhuatamaꞌ, Yosëꞌpaꞌ noya acoaranquëmaꞌ. Canpitaroꞌco huaꞌanëntarahuë.