Efesios 2:17 - Chayahuita (Shahui)

¹⁷ Quisocristo isoroꞌpaquë oꞌmaton, noya nanan shaꞌhuitërinpoaꞌ. “Yaꞌipinquëmaꞌ nichaꞌësaranquëmaꞌ,” itërinpoaꞌ. Canpitasoꞌ co piꞌpisha tërantaꞌ Yosë nohuitatomarahuëꞌ, áquë pochin nipiramahuëꞌ, nanan anoyatërinquëmaꞌ. Cotioroꞌsacointaꞌ yaꞌcarisha pochin ninaisoꞌ nanan anoyatërincoi.

Efesios 2:17 ပူးပေါင်းရင်းမြစ်များ

Salmos 148:14

¡Piyapinënpitanpoa chiníquën nanan quëtërinpoaꞌ! Yaꞌipi imarinsopitari chinochinaꞌ. Israiroꞌsanpoasoꞌ, cancantërinpoaꞌ. Ina piyapinënpoa ninëhuaꞌ. ¡Ma noyacha Sinioroso paya!

Isaías 52:7

¡Ma noyacha niꞌton, motopiaꞌhuaroꞌsataquëchin noya nanan shaꞌhuitaponpoa canquiarin paya! Sinioro nichaꞌërinpoa niꞌton, sano yaꞌhuëarihua huachi. Quirosarinquë yaꞌhuëpisopita itapon: “Yosë chinotëramasoꞌ, copirno yaꞌconin huachi,” tosarin.

Zacarías 9:10

Inari israiroꞌsa ahuëtacaiso marëꞌ toronanoꞌsa yaꞌhuëtopisoꞌ, ataꞌhuantarin. Cahuarioroꞌsanta ina marëꞌ Quirosarinquë yaꞌhuërinsoꞌ, ataꞌhuantarin. Pëꞌchinanoꞌsantaꞌ, opanaꞌpiapon. Yaꞌipi nacionquë yaꞌhuëpisopita camaiton: ‘Ama huachi aquëtë quira nicosohuëꞌ,’ itarin. Aꞌna marë quëran, aꞌna marëꞌpaꞌ huaꞌanëntarin. Iopiratisiiꞌ quëran, isoroꞌpaꞌ coꞌyontërinquëꞌpaꞌ huarëꞌ napoarin,” tënin.

Mateo 10:13

Noya nohuantohuachinënquëmasoꞌ, Yosëri catahuarin. Nipirinhuëꞌ, co noyahuëꞌ nontohuachinënquëmasoꞌ, co Yosëri catahuarinhuëꞌ.

Lucas 15:8

Ina quëran iso pënënto nanan shaꞌhuitantarin: “Aꞌna sanapi shonca coriqui prata quëran nininsoꞌ yaꞌhuëtopirinhuëꞌ, aꞌnaraꞌ ayatërin. Nanparin iꞌchinpitahuaton, noyá huitëtërin. Quënanaquë huarëꞌ yonisárin.

Lucas 2:14

“¡Ma noyacha Yosëso paya! Inápaquë yaꞌhuaponahuëꞌ, piyapinquëmaꞌ yonquirinquëmaꞌ. Cancantatoma ina yanatëramasopitasoꞌ sano cancantaramaꞌ,” itopi anquëniroꞌsari.

Hechos 10:36

Iráca israiroꞌsacoi noya nanan shaꞌhuitërincoi. Piyapinënpita pochin nicatoncoi, Yosë anitotërincoi. Oshahuanëhuaꞌ niꞌton, Yosë inimicotopirëhuahuëꞌ, Quisocristo aꞌpaimarin nanan anoyatinpoaso marëꞌ. Inasoꞌ yaꞌipi piyapinpoaꞌ yahuaꞌanëntërinpoaꞌ.

Hechos 2:39

Yosë nohuanton, Ispirito Santo aꞌpatimarinpoaꞌ. Canpitantaꞌ yaꞌcoancantarinquëmaꞌ. Huiꞌnamapitantaꞌ yaꞌcoancantarin. Aꞌnaquëontaꞌ aquë yaꞌhuëpirinahuëꞌ, Yosë nohuanton, imasapi. Imapachinaꞌ, Ispirito Santori yaꞌcoancantarin inahuantaꞌ, itërin.

Romanos 10:14

Napoaponahuëꞌ, co aꞌchintohuatëhuahuëꞌ, co nitotapihuëꞌ. Co nitotohuachinahuëꞌ, co nanitapihuëꞌ natëtacaisoꞌ. Co natëtohuachinahuëꞌ, co nanitapihuëꞌ Yosë nontacaisoꞌ. Napoaton aꞌchintacasoꞌ yaꞌhuërin.

Romanos 5:1

“Sinioro Quisocristoíchin nichaꞌësarinpoaꞌ,” taꞌtëhuaꞌ, imarëhuaꞌ. Oshanënpoaꞌ inquitërinpoaꞌ niꞌton, Yosë noya niꞌninpoaꞌ. Co inimiconënpita pochin niꞌninpoahuëꞌ.

2 Corintios 5:20

Quisocristo chachin acorincoi aꞌnapita anitotaꞌhuaiso marëꞌ. Ina yaꞌhuërënamën pochin shaꞌhuitarainquëmaꞌ. “Yosë nontocoꞌ nanan anoyachinquëmaꞌ,” itárainquëmaꞌ.

Efesios 4:21

Inasoꞌ noꞌtëquën anitotërinpoaꞌ. Nanamën nani natanamaꞌ.

Deuteronomio 4:7

¡Co inso nacion tërantaꞌ, canpoa pochin Yosë imapihuëꞌ! Inahuasoꞌ, mamanshinënari catahuacaso marëꞌ nontopirinahuëꞌ, co catahuarinhuëꞌ. Canpoaso nipirinhuëꞌ, onporosoꞌ nontohuatëhuara, aꞌnaroáchin aꞌpanirinpoaꞌ.