Efesios 1:22 - Chayahuita (Shahui)

²² Yosëri chachin Quisocristo nanan quëtërin yaꞌipi yaꞌhuërinsopita huaꞌanëntacaso marëꞌ. Naporahuaton, yaꞌipi imarëhuasopita catahuainpoaso marëꞌ acorin. Naꞌaquënpoaꞌ nipirëhuahuëꞌ, aꞌna huëntoínchin pochin ninëhuaꞌ. Inasoꞌ motënpoa pochin nicaton, yaꞌipiya huaꞌanëntarinpoaꞌ.

Efesios 1:22 ပူးပေါင်းရင်းမြစ်များ

Génesis 3:15

Ca nohuanto sanapi inimicotarinquën. Quëmarinta ina inimicotaran. Quëmá quëran pipipisopitantaꞌ, sanapi quëran pipipisopitarëꞌ niinimicotaponaꞌ. Aꞌna tahuëri sanapi quëran pipirinsoari minsëmiatarinquën. Napoaponahuëꞌ, quëmarinta chiníquën ina aparisitaran, itërin.

Salmos 110:1

Yosëri Sinioronëhuë shaꞌhuitërin: “Inchinanëhuë quëran huënsëquëꞌ. Inimiconënpita carinquën minsëchinquën,” itërin.

Salmos 91:13

Paꞌpiniroꞌsaꞌ, yaꞌhuanoꞌsaꞌ, panca maꞌsharoꞌsaꞌ, inapita huáncana noya paꞌsarëhuaꞌ.

Mateo 16:18

nasha nininën acochinquën. Pitro itaranquën. Ca nohuanto, naꞌpitëquë noya pëipiso pochin naꞌa piyapiꞌsaꞌ aꞌchintaran imainacoso marëꞌ. Aꞌchintohuatan, huëntonëhuëquë ayaꞌconarahuë. Oshaquëran naꞌasarama huachi. Co chimirin tërantaꞌ minsëarinquëmahuëꞌ.

Hechos 20:28

Canpitantaꞌ niꞌcona piꞌpian tërantaꞌ Yosë naniantotamaꞌ. Quisoso imapisopitantaꞌ noya niꞌcoꞌ. Ispirito Santo nani acorinquëmaꞌ huaꞌanën pochin nicacamaso marëꞌ. Inapitantaꞌ Yosë huëntonënquë yaꞌconpi. Quisoso chiminaton, ayaꞌconinpoaꞌ.

1 Corintios 11:3

Isontaꞌ iyaroꞌsaꞌ aꞌchinchinquëmaꞌ nitotocoꞌ. Co insontaꞌ inaora nohuanton yaꞌhuërinhuëꞌ. Tëhuënchachin natëcasoꞌ yaꞌhuërin, tënahuë. Sanapiꞌsasoꞌ soꞌinaꞌ natëinaꞌ. Quëmapiꞌsantaꞌ Quisocristo natëinaꞌ. Quisocristosoꞌ Tata Yosë natërin.

Efesios 3:21

“Ma noyacha Tata Yosëso paya,” itahuaꞌ. Quisocristo noya imapatëhuaꞌ, aꞌnapitantaꞌ nicatënënpoaꞌ, Yosë yonquiapi. Yaꞌipi piyapiꞌsari ina chinochinaꞌ. Ama onporontaꞌ ina naniantahuasohuëꞌ. Ipora quëran huarëꞌ inasáchin yonquiaꞌahuaꞌ. Amen.

Efesios 5:23

Imarëhuasopitasoꞌ Quisocristo nonën pochin ninëhuaꞌ. Inasoꞌ huaꞌanënpoaꞌ niꞌton, camairinpoaꞌ. Yaꞌipi imarëhuasopita nichaꞌësarinpoaꞌ. Napoaton inasáchin natëcasoꞌ yaꞌhuërin. Inapochachin quëmapiꞌsaꞌ saꞌina quëran chini chiníquën nanantërin. Napoaton sanapiꞌsaꞌ soꞌinaꞌ natëinaꞌ.

Colosenses 1:18

Yaꞌipi imarëhuasopita aꞌna huënton pochin ninëhuaꞌ. Inaora nonën pochachin Quisocristo niꞌninpoaꞌ. Inasoꞌ motënpoa pochin nicaton, huaꞌanëntërinpoaꞌ. Inaꞌton chiminaponahuëꞌ, nanpiantarin. Napoaton yaꞌipinpoaꞌ inasáchin natëcasoꞌ yaꞌhuërin huachi.

Colosenses 1:8

Ina shaꞌhuitiirincoi. “Ispirito Santori catahuarin niꞌton, noya ninosoroapi,” itiirincoi.

Colosenses 2:10

Canpoantaꞌ ina imapatëhuaꞌ, co mantaꞌ pahuantarinpoahuëꞌ noya noya cancantacaso marëꞌ. Yosë chachin nohuitarëhuaꞌ. Huaꞌanoꞌsaꞌ, anquëniroꞌsaꞌ, sopairoꞌsaꞌ, inapita chiníquën nanantopirinahuëꞌ, Quisocristosoꞌ chini chiníquën nanantërin. Co ina nohuantohuachinhuëꞌ, co mantaꞌ nanitapihuëꞌ nicacaisoꞌ.

Colosenses 2:19

Inapitasoꞌ co tëhuënchachin Quisocristo imapihuëꞌ. Inasáchin motënpoaꞌ pochin nicaton, huaꞌanëntarinpoaꞌ. Niꞌcoꞌ. Nonënpoaꞌ nisha nisha yaꞌhuëtërin. Motënpoari yaꞌipi camairin noya sacatacaiso marëꞌ. Inapochachin imarëhuasopitantaꞌ Quisocristoíchin noya camairinpoaꞌ. Achinirinpoaꞌ soꞌsorëso pochin nicacaso marëꞌ. Ina pochin nicacasoꞌ Yosë nohuantërin.

Hebreos 2:8

Yaꞌipi maꞌsha huaꞌanëntarai,” itërin. “Yaꞌipimiáchin huaꞌanëntarai,” topirinhuëꞌ, iporasoꞌ co piyapinpoaꞌ yaꞌipi maꞌsha huaꞌanënchátërarëhuahuëꞌ.