Eclesiastés 9:8 - Chayahuita (Shahui)

⁸ Huiritonáchin aꞌmoquëꞌ. Noya huaꞌsaiquë nipashimototáquëꞌ.

Eclesiastés 9:8 ပူးပေါင်းရင်းမြစ်များ

2 Samuel 19:24

Saonocoꞌ shiin Mihui-posi itopisonta copirno ninapon paꞌmarin. Apia nipirinhuëꞌ, catahuapi niꞌton, Quirosarin quëran paꞌmaton Cortaniiꞌ aquëtëran copirno ninarin. Tapi Quirosarin quëran pipirin quëran huarëꞌ sëtaton co manta nitaparinhuëꞌ. Co nantën tëranta paꞌmorinhuëꞌ. Co shinoratëontaꞌ, yaquirinhuëꞌ. Co aꞌmorinso tëranta pëꞌsarinhuëꞌ. Naporin.

Salmos 23:5

Inimicoroꞌsa noꞌhuipirinacohuëꞌ, quëmasoꞌ noya nicatonco, noya cosharo acotëranco. Pimo huaꞌsaiquë pashimototëranco. Minëquë taꞌpanápatëra chaꞌhuërinso pochin yaꞌsoaquë huarëꞌ catahuaranco.

Amós 6:6

Huino oꞌotoma noꞌpiráramaꞌ. Noya noya huaꞌsaiꞌ pashiramaꞌ. Canpitaso taꞌhuantochináchin nisapiramahuëꞌ: “Maꞌta pini,” toconamaꞌ.

Mateo 6:17

Canpitaso nipirinhuëꞌ Yosë nontacaso marëꞌ co coshatohuatamahuëꞌ, ama piyapiꞌsaꞌ shaꞌhuitocosohuëꞌ. Noya ihuiantahuatomaꞌ, nitapacoꞌ.

Lucas 7:46

Niꞌtoroꞌsaꞌ huëꞌpachina, noya huaꞌsaiquë pashimototacasoꞌ yaꞌhuëpirinhuëꞌ, quëmasoꞌ co pashimototërancohuëꞌ. Iso sanapiso nipirinhuëꞌ nóya nicatonco, pimo huaꞌsaiquë pashirantëtërinco.

Apocalipsis 16:15

Nani Quisoso shaꞌhuitërinpoaꞌ: “Niꞌcoꞌ, iyaroꞌsaꞌ. Aꞌnanaya oꞌmantararahuë. Ihuatë pochin nicato, co nitotasënquëmahuëꞌ, oꞌmantararahuë niꞌton, nani tahuëri ninaco. Noya ninahuatamaco, noya cancantaramaꞌ. Yosë noya niꞌsarinquëmaꞌ. Noyápiachin aꞌmorëso pochin noyasáchin nicoꞌ. Ina quëran oꞌmantahuato, co tapanapomahuëꞌ. Noya cancantaramaꞌ,” itërinpoaꞌ.

Apocalipsis 19:14

Notohuaroꞌ inápaquë yaꞌhuërinsopitari imasapi, huiríchin aꞌmopisoꞌ. Inapitantaꞌ huiri cahuarioroꞌsaꞌ aipi huënsëatonaꞌ, sontaroꞌsa pochin paꞌsapi.

Apocalipsis 19:8

Huiríchin aꞌmorëso pochin Yosëri noyápiachin cancan quëtërin. Tëhuënchachin inari catahuarin noya nicacaiso marëꞌ,” tosapi.

Apocalipsis 7:9

Ina quëran huaꞌnarëso pochin niantarahuë. Huaꞌhuayatërahuëꞌ piyapiꞌsaꞌ Yosëꞌpaꞌ quënanahuë. Co pichicasohuëꞌ. Nisha nisha piyapiꞌsaꞌ Yosë huaꞌanëntacasoꞌ shiranën notënanquë huaniapi, nisha nisha nananquë nonpisopita. Nisha nisha parti quëran huëcatonaꞌ, Carniroaꞌhua yamotatonaꞌ, notërapi. Inapitasoꞌ huiríchin aꞌmopi. Mërëmë pochin nininsoꞌ sëꞌquërahuatonaꞌ, Yosë chinotapi.

Rota naporinso' 3:3

Napoaton quëmasoꞌ amarahuaton pimo huaꞌsaiquë nipashitëquëꞌ. Inaporahuaton noya noya aꞌmoransoꞌ, aꞌmoquëꞌ. Ina quëran toꞌnoratopiquë paquëꞌ. Inaso napoaponahuëꞌ, ama insonta quënanainquënso marëhuëꞌ noyá naꞌpiquëꞌ. Pooso coshataton oꞌoquë huarëꞌ naꞌpiton ninataquëꞌ.