Eclesiastés 9:12 - Chayahuita (Shahui)

¹² Naporahuaton co inquënpoa tëranta ninorëhuahuëꞌ onporosona chiminacasoꞌ. Canpoanta samira ritiquë manëso pochin, inairanta huënsonquë manëso pochin, co yonquiasëhuahuëꞌ, maꞌsha onpocasoꞌ cantiarinpoaꞌ.

Eclesiastés 9:12 ပူးပေါင်းရင်းမြစ်များ

Eclesiastés 3:19

Tëhuënchachin piyapinpoanta maꞌsharoꞌsa pochin niconëhuaꞌ: Inapita niipiso pochin canpoanta niitëhua nanpirëhuaꞌ. Inapita chiminpiso pochin canpoantaꞌ, chiminëhuaꞌ. Co canpoasoꞌ maꞌsharoꞌsa quëran naꞌcon naꞌcon paꞌtërëhuahuëꞌ. Napoaton nani maꞌsha yaꞌhuërinsopita, topinan quëran yaꞌhuërin.

Eclesiastés 9:13

(-)

Isaías 30:13

Inapoatoma canpitasoꞌ, naꞌinamaꞌ. Inapa paira noꞌpapi quëran nipiso yanotontërinso pochin huëhuëpiro nisaramaꞌ. Inapohuachina co yonquiasëhuahuëꞌ, nohuatimapon.

Lucas 12:20

Napopirinhuëꞌ, Yosëri itërin: ‘Quëmasoꞌ co mantaꞌ yonquiranhuëꞌ. Ipora tashi chachin ca nohuanto, chiminaran. Nani maꞌsha canapiranhuëꞌ, yaꞌipiya pataran niꞌton, aꞌnapitari mapon,’ itërin.

Lucas 12:39

Isontaꞌ yonquicoꞌ: Ihuatëꞌ aꞌnanaya huëcaton, pëiquë yaꞌconin. Huaꞌanën co nicasohuëꞌ, maꞌsha ihuarin. Onporosona huëcacasoꞌ nitotërin naporini, huaꞌanëni ninaitonhuëꞌ, co maꞌshanënpita ihuaitonhuëꞌ.

2 Corintios 6:2

Iráca quiricanën quëran Yosë naporin: “Ipora chachin yacatahuaranquëmaꞌ. Nontohuatamaco, natanaranquëmaꞌ. Yanichaꞌëranquëmaꞌ niꞌton, catahuaranquëmaꞌ chaꞌëcamaso marëꞌ,” tënin. Ipora tahuëri chachin yacatahuarinpoaꞌ. Nontohuatëhuaꞌ, anoyacancantarinpoaꞌ, tënahuë.

1 Tesalonicenses 5:3

Co imapisopitasohuëꞌ oꞌmantacasoꞌ tahuëri co yonquipihuëꞌ. “Noya yaꞌhuarëhuaꞌ, co mantaꞌ onpoarihuahuëꞌ,” topirinahuëꞌ. Aꞌnanaya chiníquën anaꞌintacasoꞌ naniarin, co chaꞌësapihuëꞌ. Sanapi yahuaihuachina, onporosona iquitacasoꞌ co nitotërinhuëꞌ. Aꞌnanaya iquitërin. Inapochachin aꞌnanaya Yosëri anaꞌintarin.

2 Timoteo 2:26

Yonquicaiso marëꞌ sanoanan quëran pënëanhuanꞌ. Huënsonquë maꞌsha manëso pochachin sopairi nani manin. Camaihuachina, natëpi. Nipirinhuëꞌ pënënpatëhuaꞌ, sopai quëran chaꞌëponaꞌ nimara.

1 Pedro 2:12

Co imapisopitahuëꞌ pinorinënquëmaꞌ. “Co noyahuëꞌ nipi,” topi. Ina nipirinhuëꞌ, noyasáchin nicoꞌ niꞌinënquëmaꞌ. Ina quëran aꞌna tahuëri Yosëri catahuarin niꞌton, noꞌtëquën yonquihuachinaꞌ, yonquiarinënquëmaꞌ. “Ma noyacha Yosëri catahuarin niꞌton, noya nipi paya,” tosapi.

2 Pedro 2:12

Nisha aꞌchinaꞌpiroꞌsasoꞌ maꞌsharoꞌsa pochin cancantopi. Co mantaꞌ yonquipihuëꞌ. Maꞌsona tërantaꞌ yanipachinara, nipi. Yosë yonquirinsoꞌ co nitotatonaraihuëꞌ pinopi. Niꞌcoꞌ. Maꞌsharoꞌsaꞌ tananquë quënanpatëra, tëparëꞌ, co nosororëhuëꞌ. Ina marëꞌ Yosëri acorin. Inapochachin nisha aꞌchinaꞌpiroꞌsasoꞌ taꞌhuantapi. Oshanëna marëꞌ Yosëri anaꞌintarin.