Eclesiastés 9:10 - Chayahuita (Shahui)

¹⁰ Maꞌsona tëranta nicacasoꞌ yonquihuatan, yaꞌipi cancanën quëran niquëꞌ. Aꞌna tahuëri chiminpatan, co huachi manta nisaranhuëꞌ. Co manta yonquiaranhuëꞌ. Co inaquëso maꞌsha nitotërëhuëꞌ. Co inaquësoꞌ yonquínahuan ninëhuëꞌ.

Eclesiastés 9:10 ပူးပေါင်းရင်းမြစ်များ

Génesis 37:35

Yaꞌipi huiꞌninpitari achinicancanpirinahuëꞌ, inaso co nohuanchátërarinhuëꞌ, sëtërinso inquicasoꞌ. Aquë aquëtë huiꞌnin marëꞌ naꞌnëton, naporin: “Chimipiroꞌsa yaꞌhuërinquë huiꞌnahuë quënancontaꞌ huarëꞌ sëtërahuësoꞌ copi tapo,” tënin.

Nehemías 4:2

Amiconënpita, Samaria sontaroꞌsaꞌ, inapita nontaton tëhuarincoi: “Cotioroꞌsasoꞌ, tanari yatëparárin. ¿Ina nipirinhuëꞌ yasacatopi ti? ‘¡Naquëranchin maꞌsha tëparahuatëhua Yosë chinotaantarihuaꞌ! ¡Aꞌna tahuëri marëáchin sacato tëniarihuaꞌ! ¡Naꞌpiroꞌsanta huiquitopirinahuëꞌ, yamopi quëran nasha pipiponaꞌ!’ tëcatona inaporapi ipora,” tënin.

Nehemías 4:6

Napotápirinacoihuëꞌ, co tananpitëraihuëꞌ. Sacatápatoi huancopitontarai. Yaꞌipiya quëran noya cancantërai niꞌton, napotërai.

Proverbios 3:28

Ama apiratëquësohuëꞌ. “Aꞌna tahuëri nimara quëchinquën,” ama itëquësohuëꞌ. Yaꞌhuëtohuachinquën, quëtochinaquëꞌ.

Eclesiastés 11:3

Oꞌnanchináchin chitoro yaꞌnohuachina, isoroꞌpaquë oꞌnanapon. Nara mashonta inpanaton norti partihuë nipon, sor partihuë nipon notëtohuachin, inaquëran chachin quëparitapon.

Eclesiastés 11:6

Napoaton tashiramiachin shaꞌtëquëꞌ. Iꞌhuanahuanquëntaꞌ, shaꞌtaantaquëꞌ. Co nitotërëhuahuëꞌ insoso noyatapon nimara. Yaꞌnan shaꞌnëhuaso aꞌna nimara, piquëran shaꞌtërëhuaso aꞌna nimara. Cato chachin aꞌna nimara.

Números 13:30

Naporoꞌ Caripisoꞌ, israiroꞌsa Moisësë notënanquë nisapiso acopitahuaton, itapon: —¡Huëco iyaroꞌsa paꞌahuaꞌ! Yaꞌhuëhuanoꞌsa canarahuatëhuaꞌ, noꞌpanëna matahuaꞌ. ¡Canpoari noya minsëarihuaꞌ! itërin.

Mateo 20:7

‘Co sacachátëraraihuëꞌ. Co inso tërantaꞌ camairincoihuëꞌ niꞌtoi, ninaarai,’ itopi. ‘Inta nipachin, canpitantaꞌ iminëhuëquë sacatocoꞌ,’ itërin. Aꞌna oraíchin piꞌi yaꞌconacasoꞌ nisapirinhuëꞌ, paꞌpi sacataponaꞌ.

Mateo 6:33

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Yosë nontocoꞌ noyasáchin yonquicamaso marëꞌ. Ina pochin cancantohuatamaꞌ, catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ.

Juan 4:34

—Yosë aꞌpaimarinco nohuantërinsoꞌ nicaꞌhuasoꞌ. Yaꞌipiya yanatërahuë. Ina yonquiato, co huachi cosharoꞌ yonquirahuëꞌ. Cosharo pochin achinirinco.

Juan 9:4

Ipora chachin catahuarahuë. Yosë natëto, ina marëꞌ sacatarahuë. Co huaꞌquiꞌ isoroꞌpaquë yaꞌhuarëhuahuëꞌ. Aꞌna tahuëriáchin pochin yaꞌhuërëhuaꞌ. Shiarahuaton tashihuachin, co huachi nanitarihuahuëꞌ maꞌsha nicacasoꞌ.

Romanos 12:11

Ama chirotomarahuëꞌ, noya sacatocoꞌ. Yaꞌipi cancanëma quëran noya yonquiatomaꞌ, Yosë marëꞌ sacatocoꞌ.

1 Corintios 15:10

Inaora nohuanton, Yosë catahuarinco. Co catahuarincohuëꞌ naporini, co mantaꞌ nanichitohuëꞌ. Catahuahuachincora, paꞌnahuë nanamën aꞌchinapo. Co topinan quëran catahuarincohuëꞌ. Casoꞌ naꞌcon naꞌcon Yosë marëꞌ sacatërahuë. Co carisoꞌ piyapiꞌsaꞌ anoyacancantërahuëꞌ. Yosë achinicancaninco aꞌchinaꞌhuaso marëꞌ. Ina catahuarinco niꞌton, aꞌchinpatëra naꞌa piyapiꞌsaꞌ imasapi.

1 Corintios 16:10

Iya Timotio cantonpachinquëmaꞌ, noya nontocoꞌ noya cancanchin. Ca pochachin inantaꞌ Yosë nanamën aꞌchinarin.

1 Corintios 9:24

Quëmapiꞌsaꞌ nicanacaiso marëꞌ taꞌahuachinara, aꞌnaíchin canatërin. Nani ina nitotëramaꞌ. Aꞌnapitasoꞌ co chiníquën taꞌatonahuëꞌ, co canatopihuëꞌ. Canpitantaꞌ chiníquën taꞌapiso pochin cancantatomaꞌ, naꞌcon yonquicoꞌ noya noya cancantamaso marëꞌ.

1 Corintios 9:26

Casoꞌ co nisha nisha yonquirahuëꞌ. Noya niꞌtatëꞌ taꞌarëso pochin Yosë natëcaꞌhuasoráchin yonquirahuë. Co topinan yaꞌhuërahuëꞌ. Co papinanquë ahuëtërëso pochin ninahuëꞌ. Yosë nohuantërinsoráchin ninahuë.

Efesios 5:16

Ama tahuëri chiniacosohuëꞌ. Iporasoꞌ naꞌa piyapiꞌsaꞌ co noyahuëꞌ cancantopi. Napoaton apira apira aꞌnapita catahuacoꞌ Yosë yonquicaiso marëꞌ. Onpopiontaꞌ nanamën anitotocoꞌ.

Colosenses 3:23

Maꞌsona tërantaꞌ nipatamaꞌ, noya nicoꞌ. Co piyapi marëáchin sacatëramahuëꞌ. Yosë imaramaꞌ niꞌton, ina marëꞌ sacataramaso pochin cancantatomaꞌ, nóya sacatocoꞌ.

1 Samuel 10:7

Yaꞌipi inapita nanihuachin, maꞌsona noya nicacaso yonquiransoꞌ, niquëꞌ. Naporo Sinioro catahuararinquën huachi.