Eclesiastés 3:7 - Chayahuita (Shahui)

⁷ Oshacaso tahuëri. Osharësonta pipitaantacaso tahuëri. Taꞌtápaso tahuëri. Nonacaso tahuëri.

Eclesiastés 3:7 ပူးပေါင်းရင်းမြစ်များ

Génesis 37:29

Nopinoso Cosi tëꞌyatopiquë huënantahuachina, co huachi iin quënanquintarinhuëꞌ. Paꞌpi paꞌyanaton aꞌmorinso osharin.

Génesis 37:34

Napoapon pochin co napion cancantaton aꞌmorinso nioshatërin. Naporahuaton, saꞌcatën nininsoꞌ sëtohuachinara aꞌmopisoꞌ, aꞌmorin. Ina aꞌmorin quëran huiꞌnin chimininso marëꞌ huaꞌqui naꞌnërárin, ayanárin, naporárin.

Génesis 44:18

Cosi napohuachina, Cotari amasha yaꞌcarirahuaton, itapon: —Piꞌpiyan sinioro nonchinquën topirahuë. Yonquirahuëso noꞌtëquën shaꞌhuichinquën. Quëmasoꞌ huaraon pochachin chiníquën nanantëran. Napoaton ama noꞌhuitonco anaꞌintaancoso marëhuëꞌ napotaranquën.

Génesis 44:34

Coꞌsoꞌ iyaꞌhua pantahuachinsoꞌ, co caso nanitërahuë tatahuëtaquë, panantaꞌhuasoꞌ. Tatahuë maꞌsha onporinsoꞌ, co yaniꞌnahuëꞌ, itërin.

2 Samuel 1:11

Ina natanaton, Tapiso sontaronënpitarë chachin aꞌmopiso oshapi. Sëtopisoꞌ nitotai marëꞌ napopi.

1 Reyes 21:27

Iniasëri napotërinsoꞌ natanahuaton, Acaposo paꞌpi sëtërin. Aꞌmorinso osharahuaton, saꞌcatën nininsoꞌ aꞌmorin. Naporahuaton co huachi coshatatonhuëꞌ, Yosë yonquirin. Huëꞌëpachinantaꞌ, inanpi aꞌmorinquëranchin huëꞌërin. Oshanën marëꞌ sëtërinsoꞌ nitotacaiso marëꞌ naporin.

2 Reyes 18:36

Napotopirinhuëꞌ, inapitaso co manta aꞌpanitopihuëꞌ. Isiquiasëri ina pochin camairin niꞌton, co aꞌpanipihuëꞌ.

2 Reyes 5:7

Nontohuachina, inaso paꞌyanin. Inapoaton aꞌmorinso osharin. Inaporahuaton piyapinënpita natantonënquë tapon: —¡Co caso Yosëcohuëꞌ! Inacha tëhuënchinsoꞌ nohuantërinsopita ananpirin. Nohuantërinsopitasoꞌ, chiminpi. Siria copirnosoꞌ, co chana caniori maninso anoyataꞌhuaso marëꞌ aꞌpatiincoso yaꞌhuërinhuëꞌ. Inta yonquirico canpitantaꞌ. Ahuëinënpoaso yonquiaton napotarinco inasoꞌ tënahuë, tënin.

Copo naporinso' 2:13

Naporahuatonaꞌ, Coporë chachin noꞌpaquë huënsëpi. Canchisë tahuëri tashirë chachin co manta taponaraihuëꞌ napopi. Chiníquën parisitërinsoꞌ nicatonaꞌ, co manta itopihuëꞌ.

Eclesiastés 3:6

Maꞌsha yonicaso tahuëri. Ayatacaso tahuëri. Tapacaso tahuëri. Tëꞌyatacaso tahuëri.

Jeremías 36:24

Copirno, catahuarinsopita huaꞌanoꞌsaꞌ, inapitaso natanaponaraihuëꞌ co manta Sinioro tëꞌhuatopihuëꞌ. Co oshanëna marëꞌ tëranta sëtopihuëꞌ.

Joel 2:13

Sinioro chachin tahuërëtaantacoꞌ. Inaso Yosënënpoaꞌ. Co napion sëtohuatamara, motoꞌ sëꞌmoramaꞌ. Ina pochin cancantatomaꞌ, oshanëma marëꞌ sëtocoꞌ. Siniorosoꞌ, noyápiachin cancantaton, aꞌnaroáchin yanosorotërin. Co aꞌnaroáchin noꞌhuitërinhuëꞌ. Nosoromiatërinpoaꞌ. Inasoꞌ, co insonta anaꞌintacaso nohuantërinhuëꞌ. Naporin.

Amós 5:13

Ipora yaꞌhuëpisopita, paꞌpi co noyahuëꞌ nipi. Napoaton yonquinahuanoꞌsasoꞌ, co manta topihuëꞌ.

Amós 8:3

Ina tahuëri nanihuachin, copirno noyápiachin pëinënquë cantayantopisoꞌ, copi tapon. Naꞌnëroꞌsa yaꞌhuërëꞌ, oshaatona noncarorantaponaꞌ. Notohuaroꞌ piyapi naporo chiminapon niꞌton, co huachi paꞌpitaponahuëꞌ. Onpopinquë tëranta topinan tëꞌyataponaꞌ. Co manta tëcaponaraihuëꞌ, tëꞌyataponaꞌ. Ca Sinioroco noꞌtëquën shaꞌhuitaranquëmaꞌ, tënin.

Hechos 9:39

Napoaton Pitro inapitarëꞌ paꞌnin. Canconpachinara, inapa paꞌcotëquë quëpantapi. Inaquë naꞌa quëyoronoꞌsari tahuirapitahuatonaꞌ, naꞌnëtopi. Aꞌmopisopita Tapitacoꞌ iꞌhua pipitërinsoꞌ saꞌahuaroꞌsaꞌ quëtacaso marëꞌ aꞌnotopi.

1 Samuel 10:16

—“Nani moraroꞌsa quënanpi huachi,” itërincoi topinan, itërin Saonori. “Copirno yaꞌconaran,” itërinsoso nipirinhuëꞌ, co shaꞌhuitërinhuëꞌ.