Eclesiastés 3:4 - Chayahuita (Shahui)

⁴ Naꞌnëcaso tahuëri. Huinacaso tahuëri. Sëtacaso tahuëri. Pita nicacaso tahuëri.

Eclesiastés 3:4 ပူးပေါင်းရင်းမြစ်များ

Génesis 21:6

Naporoꞌ Sara yonquirin: “Yosë catahuarinco niꞌton, capa cancantato, tëhuarahuë. Aꞌnapitantaꞌ, huaꞌhuanahuëso nitotohuachinaꞌ, yaꞌipiya quëran capa cancantatona tëhuaponaꞌ.

2 Samuel 6:16

Sinioro caposonën Quirosarinquë quëꞌcanconpi. Napohuachinara, Saonocoꞌ huiꞌnin Micaro itopisosoꞌ, huintananën quëran nocotiirin. Nocotopirinhuëꞌ, soꞌinsoꞌ nansaton pashi pashitëriarin. Sinioro chinotaton napóriapirinhuëꞌ, inarisoꞌ co yainyántërahuëꞌ, niꞌnin.

Éxodo 15:20

Naporoꞌ aꞌna sanapinta huanirin, Maria itopisoꞌ. Inasoꞌ, Yosë yonquirinso shaꞌhuinaꞌpi. Aaron oshinpain. Pantirita piꞌniaton, Yosë cantanën cantararin. Yaꞌipi israironoꞌsanta yorantapi. Naporahuatona Yosë marëꞌ nansarapi.

Eclesiastés 3:5

Naꞌpira inquicaso tahuëri. Inquirësoꞌ, yontoantacaso tahuëri. Ipocaso tahuëri. Tananpitacaso tahuëri.

Isaías 40:1

Sinioro naporin: “Piyapinëhuëpita noya nontatomaꞌ, achinicancancoꞌ.

Isaías 40:2

Noyasha nontatoma piyapinëhuëpita catahuaco chiníquën cancanchinaꞌ. Sontaro sirihuitërinso pochin nininsoꞌ, nani nanirin. Tëhuëpiso marëꞌ anaꞌintërahuësoꞌ, nani pahuërëtatë pochin nipi. Oshanëna marëꞌ nani naꞌcon naꞌcon parisitopi,” tënin.

Mateo 11:17

quinatapirinahuëꞌ, co aꞌnapita nohuantopihuëꞌ nansacaisoꞌ. Ina quëran co nohuantohuachinarahuëꞌ, tantaponaꞌ: ‘Inta nipachin, huëcoꞌ chimipi paꞌpitopiso pochin niꞌtëhuaꞌ, yaꞌnipiahuaꞌ,’ nitantapi. Naꞌnëpirinahuëꞌ, co aꞌnapita nohuantopihuëꞌ naꞌnëcaisoꞌ. Inapochachin canpitantaꞌ ipora nisha nisha yonquiramaꞌ.

Mateo 9:15

—Ca yaꞌhuarahuë niꞌton, co sëtopihuëꞌ. Niꞌcoꞌ. Quëmapi saꞌacaso marëꞌ piyapiꞌsaꞌ amatohuachina, capa cancantopi. Nipayarinsopita huëꞌpachinara, inapitarëꞌ coshatatonaꞌ, capa cancantapi. ¡Co sëtacaisoꞌ yaꞌhuërinhuëꞌ! Aꞌna tahuëriso nipirinhuëꞌ inimiconënpitari huëcatonaꞌ, saꞌanaꞌpi masapi. Quëpatohuachinaꞌ, co huachi coshatacaisoꞌ yonquiapihuëꞌ. Sëtapi huachi. Inapochachin cantaꞌ mapachinaco, imarinacosopita sëtapi. Sëtatonaꞌ, co huachi coshatacaisoꞌ yonquiatonahuëꞌ, Yosë nontáponaꞌ, itërin Quisosori.

Lucas 1:58

Quëmopinënpita, yaꞌcariya yaꞌhuëpisopita, inapita natantopi. “¡Ma noya Yosëri catahuarin niꞌton, noya huairin! taꞌtonaꞌ,” nóya cancantopi.

Romanos 12:15

Aꞌnapita naꞌcon yonquicoꞌ. Canpitaora ninatanamaso pochin cancantocoꞌ. Noya cancantohuachinaꞌ, ina marëꞌ canpitantaꞌ noya cancantocoꞌ. Sëtohuachinaꞌ, sëtocoꞌ.

2 Corintios 7:10

Oshanënpoa marëꞌ sëtatëhuaꞌ, Yosë nontohuatëhuaꞌ, catahuarinpoaꞌ co noyahuëꞌ yonquirëhuasopita naniantacaso marëꞌ. Ina pochin sëtacasoꞌ noya, tënahuë. Ina quëran anoyacancantarinpoaꞌ. Co imapisopitasohuëꞌ nipirinhuëꞌ topinan quëran sëtopi. Co oshanënaꞌ naniantohuachinahuëꞌ, chiminpachinaꞌ, Yosëri anaꞌintarin.

Santiago 4:9

Oshanëmaꞌ yonquiatomaꞌ, sëtocoꞌ. Ina yonquiatomaꞌ, ama huachi capa cancantamasoachin yonquicosohuëꞌ. Ama narinamasoachin yonquicosohuëꞌ. Yaꞌipi cancanëma quëran oshanëma marëꞌ sëtatomaꞌ, naꞌnëcoꞌ.