Eclesiastés 3:21 - Chayahuita (Shahui)

²¹ “Piyapinpoa chiminpatëhuaꞌ, ispiritonënpoasoꞌ inápaquë pantarin. Yaꞌhuërëꞌ maꞌsharoꞌsa ispiritonënsoꞌ, paꞌpi acoporoquë paꞌmarin. Ina caso noꞌtëquën nitotërahuë,” taꞌcasoꞌ, ¡co insonta nanitërinhuëꞌ!

Eclesiastés 3:21 ပူးပေါင်းရင်းမြစ်များ

Copo naporinso' 14:10

Piyapiso napoaponahuëꞌ chiminpachina, co aso inapoyátërarinhuëꞌ. ¡Inapohuachina copi tochaanin!

Eclesiastés 12:7

Amocan quëran Yosë nininquën niꞌton, chiminpatan nonënsoꞌ, noꞌpaꞌ niantapon. Ispiritonëntaꞌ, Yosëꞌpaꞌ paantapon. Ina quëtërinquën niꞌton, ina chachin mataantarinquën.

Juan 14:3

Inatohuaꞌ paꞌpato, tapatontahuatënquëmaꞌ, oꞌmantararahuë. Oꞌmantahuato, maquimaranquëmaꞌ. Carëꞌquëmaꞌ yaꞌhuapomaꞌ. Ina marëꞌ oꞌmantararahuë.

Hechos 1:25

inantaꞌ paaton, aꞌnapita aꞌchintacaso marëꞌ? Cotasë co huachi nanitërinhuëꞌ. Nani aꞌporinquën niꞌton, parisitopiquë paꞌnin,” itopi.

2 Corintios 5:1

Niꞌcoꞌ. Pëiꞌ nëꞌmëtë quëran nipachinara, co huaꞌquirinhuëꞌ. Inapochachin nonënpoantaꞌ co yaꞌhuëmiatarinhuëꞌ. Chiminpatëhuaꞌ, Yosëꞌpaꞌ paꞌpatëhuaꞌ, nasha nonënpoaꞌ Yosë quëtarinpoaꞌ. Noya noya nininsoꞌ quëtarinpoaꞌ. Inasoꞌ co onporontaꞌ chanatarinhuëꞌ.

2 Corintios 5:8

Napoaton chiníquën cancantërëhuaꞌ. “Chiminpatëhuaꞌ, Quisocristorëꞌquënpoaꞌ yaꞌhuëcontarihuaꞌ. Inasoꞌ noya noya,” tënëhuaꞌ.

Filipenses 1:23

¿Maꞌcha noya noya nicaya? tënahuë yonquiato. Co casoꞌ nitotërahuëꞌ. Aꞌna cancan nohuantërin chiminaꞌhuasoꞌ. Chiminpato, Quisocristoroꞌco yaꞌhuëcontarahuë. Inasoꞌ noya noya.