Eclesiastés 3:2 - Chayahuita (Shahui)

² Huaꞌhuatacaso tahuëri. Chiminacaso tahuëri. Shaꞌtacaso tahuëri. Shaꞌtërësonta huaꞌtaantacaso tahuëri.

Eclesiastés 3:2 ပူးပေါင်းရင်းမြစ်များ

Génesis 17:21

Napoaponahuëꞌ quëmaroꞌco anoyatato shaꞌhuitëranquënsopitasoꞌ, Sara huaꞌhuinquën nisarin. Aꞌna piꞌi quëran, ipora tahuëriꞌsa pochin, Isaco nasitapon, itërin.

Génesis 47:29

Aꞌna tahuëri Cacoposoꞌ, nani chiminacaso yaꞌcaritërin ninatanin. Napoaton Cosi shaꞌhuitacaso marëꞌ aꞌnara aꞌparin. Huëꞌpachina, itapon: —Tëhuënchachin nosorohuatanco, nohuantërahuësoꞌ niquëꞌ. Ina yanipatansoꞌ, tonaroana sëꞌhuatoco. Sëꞌhuatatonco: “Yoscoarëꞌ nohuantëransoꞌ nisarahuë,” itocoꞌ. ¡Caso chiminpato, ama Yosë marëꞌ isëquë paꞌpitocosohuëꞌ!

Copo naporinso' 14:14

Napoaponahuëꞌ piyapi chiminpachina, co huachi nanpiantaponhuëꞌ. Sontaroꞌsasoꞌ, sirhuitopi quëran pipicaisoꞌ ninapi. Nanpiantacaso yaꞌhuërin naporini, ina pochin cantaꞌ, nanpiantaꞌhuaso ninaitohuëꞌ.

Copo naporinso' 14:5

Onposona nanpicaꞌhuaisoꞌ, quëma isoroꞌpaquë quëtërancoi. Chiminaꞌhuaiso nanihuachin, co piꞌpisha tëranta naꞌhuëarinhuëꞌ.

Isaías 54:1

Quirosarin ninanoquë yaꞌhuëramasopitasoꞌ, sanapi co huaꞌhuanaꞌpihuë pochin nipiramahuëꞌ, capa cancantatomaꞌ, noncarocoꞌ. Capa cancantatoma cantacoꞌ. Co huaitoma iquin natanpiramahuëꞌ, Sinioro chachin naporin: “Aꞌpopiso sanapi, soꞌyahuanoꞌsa quëran, naꞌcon naꞌcon huaꞌhuinpita yaꞌhuëtapon,” tënin.

Jeremías 1:10

“Ca nohuanto nanamëhuë noꞌtëquën shaꞌhuiaran. Nisha nisha piyapiꞌsaꞌ, nisha nisha copirnoroꞌsari huaꞌanëntopisoꞌ, inapita pënënacaso marëꞌ nanan quëtaranquën. Pënënpatan co natëtohuachinahuëꞌ, pacatoro huaꞌtahuatë ataꞌhuantërëso pochin, noꞌpapi pëi ohuatahuatë ninomotërëso pochin anaꞌintarahuë. Noya natëhuachinaso nipirinhuëꞌ, sharoꞌsa shacatë pochin nitato, noya noya nicacaisoꞌ catahuararahuë,” itërinco.

Mateo 13:41

Anquëniroꞌsaꞌ aꞌpahuato, yaꞌipi co noyahuëꞌ nipisopita ayontonapi huachi. Anishacancantonaꞌpiroꞌsantaꞌ masapi.

Mateo 15:13

—Ama ina marëꞌ paꞌyancosohuëꞌ. Oshaquëran Yosëri anaꞌintarin. Niꞌcoꞌ. Maꞌsha shaꞌpatëra, co pacatëroꞌ paꞌararëhuëꞌ. Ocoirahuatëꞌ tëꞌyatërëꞌ. Inapochachin co nanamën imapisopitahuëꞌ Yosëri aꞌpoarin. Inapitasoꞌ somaraya pochin cancantopi. Somarayasoꞌ co nanitërinhuëꞌ aꞌna somaraya noya quëpacasoꞌ. Quëparin naporini, cato chachin panca naninquë anochitonahuëꞌ, itërin Quisosori.

Lucas 1:13

Anquëniriso nipirinhuëꞌ noya nontërin. —Ama paꞌyanquësohuëꞌ. Quëmasoꞌ Sacariasënquën, nohuitëranquën. Huaꞌquiꞌ huiꞌnahuanacasoꞌ nohuantopiranhuëꞌ. Ina marëꞌ Yosë nontëransoꞌ nataninquën. Saꞌan huaꞌhuanarin. Huaihuachin, nininën cari shaꞌhuitaranquënsoꞌ acotëquëꞌ. Coansha itëquëꞌ.

Lucas 1:20

Co natërancohuëꞌ niꞌquëhuarëꞌ, huaꞌquiꞌ co nonsaranhuëꞌ. Huiꞌnan nasitaquë huarëꞌ co nonacamasoꞌ nanitaranhuëꞌ. Napoaponahuëꞌ, noꞌtëquën nontëranquën. Huiꞌnahuanaran. Tahuërinën nanihuachin, saꞌan huaiarin, itërin anquëniri.

Lucas 1:36

Niꞌquëꞌ. Quëmopinën Isapira itopisoꞌ paiya niponahuëꞌ, Yosë nohuanton nani cayorin. Co huaꞌhuanaꞌpihuëꞌ niponahuëꞌ, nani saota yoquitarin. Quëmapiaꞌhuaya huaipon.

Juan 16:21

Niꞌco iyaroꞌsaꞌ. Sanapi yahuaihuachina, iquitaton co noyahuëꞌ cancantërin. Nani huaihuachina, aꞌnaroáchin nóya cancantërin. Co huachi iquitërinsoꞌ yonquirinhuëꞌ. “Huaꞌhuahuë nani huaꞌhuacharin,” taꞌton nóya cancantërin.

Juan 7:30

Ina topachina, huaꞌanoꞌsari tashinan pëiquë poꞌmocaiso marëꞌ yamápirinahuëꞌ, Yosë nohuanton, co chiminacasoꞌ naniyátërarinhuëꞌ niꞌton, co mápihuëꞌ.

Hechos 7:17

Yosëri chachin nani iráca Apraan shaꞌhuitërin Canaan parti huaꞌanëntacasoꞌ. Nipirinhuëꞌ, shinpita co aꞌnaroáchin panantapihuëꞌ. Huaꞌquiꞌ Iquipitoquë yaꞌhuëpi. Inaquë naꞌapi. Panantacaisoꞌ tahuëri yaꞌcaritohuachina, notohuaroꞌ israroꞌsaꞌ yaꞌhuëpi.

Hechos 7:20

Naporoꞌ, iyaroꞌsaꞌ, Moisësë nasitërin. Yosëri noya niꞌnin. Paꞌpin aꞌshinë chachin nosoropi niꞌton, cara yoqui poꞌorahuatonaꞌ, pëinënquë acanopitopi.

Gálatas 4:4

Ina quëran tahuërinën nanihuachina, Yosëri huiꞌnin aꞌpaimarin. Sanapi quëran nasitaton, piyapi chachin ninin. Cotio quëmapi niꞌton, iráca pënëntërinsoꞌ natëcasoꞌ yaꞌhuërin.

Deuteronomio 34:5

Ina pochin Yosë piyapinën Moisësë itopiso chiminin. Moapo noꞌpaquë chachin chiminin. Siniorori shaꞌhuitërinso chachin ninin.

Hebreos 9:27

Yosë nohuanton, yaꞌipi piyapinpoaꞌ aꞌnaroíchin chiminëhuaꞌ. Ina quëran Yosë chachin coisë pochin nicaton, maꞌsona onpotiinpoasoꞌ noꞌtëquën shaꞌhuipon.

1 Samuel 2:5

Aꞌnaquënsoꞌ, huaꞌhuayátërahuë cosharohuanpi. Napoaton, pëꞌsotai huarëꞌ coshatopi. Inapopirinahuë iporasoꞌ pahuantopi niꞌton, piꞌpian tëranta capacaiso marëꞌ patrohuanpi. Aꞌnaquënso tanarápirinahuëꞌ, iporaso noyá coshatopi. Co huaꞌhuanaꞌpihuë sanapintaꞌ, canchisë huarëꞌ huaꞌhuanpitërarin. Naꞌa huaꞌhuanaꞌpiso nipirinhuëꞌ, co huachi huaꞌhuanatonhuëꞌ, copi tënin.