Eclesiastés 3:11 - Chayahuita (Shahui)

¹¹ Inari chachin tahuërinën nanihuachin, yaꞌipi maꞌsha noyápiachin acorin. Piyapinpoanta yonquínahuan acorinpoaꞌ. Iráca quëran huarëꞌ tahuëri yaꞌhuërinso yonquiatëhuaꞌ, aꞌna tahuërinta yaꞌhuëantacasoꞌ, piꞌpian anitotërinpoaꞌ. Co yaꞌipi Yosë naporinsopita nitotacasoꞌ nanitërëhuahuëꞌ.

Eclesiastés 3:11 ပူးပေါင်းရင်းမြစ်များ

Génesis 1:31

Naporoꞌ Yosëri yaꞌipi acorinsopita nicaton: “¡Ma nóyacha yaꞌipi acorahuë paya!” tënin. Tashiantarahuaton tahuëriantahuachina, iꞌhuaraya huarëꞌ saota tahuëri nanirin huachi.

Copo naporinso' 5:9

Inasoꞌ, nani maꞌsha paꞌpi huëhuëpiro nininsopita ninin. ¡Naꞌaro naporin! Naporinsopita co insonta nanitërinhuëꞌ nitotacasoꞌ.

Salmos 104:24

¡Maꞌpitacha Sinioro quëmasoꞌ ninan paya! Noya yonquiaton nani maꞌsha acoran. Nani maꞌsha ninansopita isoroꞌpaꞌ mëntatërin.

Eclesiastés 11:5

Co ina pochin nicacaso yaꞌhuërinhuëꞌ. Canpoasoꞌ ihuan insëchinsona paꞌninsoꞌ, co nitotërëhuahuëꞌ. Huaꞌhuashanta aꞌshin yoꞌnamënquë aꞌshininsoꞌ, co nitotërëhuahuëꞌ. Inapita co nitotërëhuasohuë pochachin Sinioro maꞌsona nicacasonta co nitotërëhuahuëꞌ. Ina nohuanton nani maꞌsha yaꞌhuërin.

Mateo 11:27

Ina quëran piyapiꞌsaꞌ aꞌchintantarin. “Tata Yosë nohuanton, pënëntarahuë. Yaꞌipi nanamën anitotërinco piyapiꞌsaꞌ aꞌchintacaꞌhuaso marëꞌ. Huiꞌninco niꞌton, inasáchin noya nohuitërinco. Inapochachin Tata Yosë nohuitërahuë. Casáchin noya nohuitërahuë. Aꞌnaquëontaꞌ cari anohuitohuato, nohuitapi antaꞌ.

Mateo 13:22

Aꞌnaquën piyapiꞌsantaꞌ nahuanoꞌ yaꞌhuërinso pochin niconpi. Yosë nanamën natanpachinara, yaimapirinahuëꞌ, maꞌsharáchin yonquiatonaꞌ, naniantopi. ‘Naꞌa coriqui, maꞌsha, inapita yaꞌhuëtohuachincoi, nóya cancantarai,’ topirinahuëꞌ, co ina quëran noya cancantacasohuëꞌ nipirinhuëꞌ. Napoaton nahuanoꞌsari imotërinso pochin, maꞌsharáchin yonquiatonaꞌ, Yosë nanamën naniantopi. Co imamiatopihuëꞌ.

Marcos 7:37

“¡Maꞌpitacha Quisoso nitotërin paya! Nëꞌhuëroꞌsaꞌ anoyatohuachina, noya natantopi huachi. Co nonpirinahuëntaꞌ, aꞌnaroáchin anoyatërin niꞌton, noya nonsapi. ¡Yaꞌipichi noya ninin paya!” topi.

Romanos 1:28

Co Yosë yanatëpihuëꞌ niꞌton, inari aꞌporin co noyahuëꞌ nicacaiso marëꞌ. Nitapicancamiatopi.

Romanos 11:33

¡Ma noyacha Yosësoꞌ catahuarinpoa paya! ¡Ma noyacha yonquirin paya! Yaꞌipiya nitotërin. Yonquirinsopita co nitotochináchinhuëꞌ ninin. Naporahuaton, ina pochin cancantacasoꞌ co onporontaꞌ nanitarihuahuëꞌ.

Deuteronomio 32:4

Inasoꞌ, nóya paꞌpoyarinpoaꞌ. Maꞌsha nipachina, co tëhuërinhuëꞌ. Noꞌtëquënáchin nicaton nóya ninin. Inasoꞌ Yosë, noꞌtëquënáchin nonin. Topinansoꞌ co onporonta piyapi maꞌsha onpotërinhuëꞌ. Noꞌtëquënáchin ninin. Inaíchin Yosësoꞌ.