Eclesiastés 12:7 - Chayahuita (Shahui)

⁷ Amocan quëran Yosë nininquën niꞌton, chiminpatan nonënsoꞌ, noꞌpaꞌ niantapon. Ispiritonëntaꞌ, Yosëꞌpaꞌ paantapon. Ina quëtërinquën niꞌton, ina chachin mataantarinquën.

Eclesiastés 12:7 ပူးပေါင်းရင်းမြစ်များ

Génesis 18:27

Apraaniso nipirinhuëꞌ, naquëranchin nontaantarin: —Quëmaso Yosënquën, caso topinan piyapico niporahuëꞌ, naquëranchin nontaantaꞌinquën. Ama ina marëꞌ noꞌhuicosohuëꞌ.

Génesis 2:7

Naporoꞌ Sinioroso Yosë niꞌton, yaniroꞌpaꞌ amocan quëran quëmapi ninin. Nani nisahuaton, nanpicaso marëꞌ pihuinitërin. Inapotohuachina, niirahuaton nanpirin huachi.

Génesis 3:19

Paꞌpi chiníquën sacatahuarëꞌ coshataran. Napoin quëran chiminaran huachi. Noꞌpa quëran ninanquën niꞌton, noꞌpa chachin niantamaso yaꞌhuërin, itërin.

Salmos 103:14

Canpoasoꞌ, amocan quëran nininpoa niꞌton, co chinirëhuasohuëꞌ, nitotërin. Napoaton nosororinpoaꞌ.

Salmos 104:29

Apiratohuatana, paꞌpi paꞌyanpi. Niinëna matohuatana, chiminapi. Inapoatonaꞌ, amocan taraantapi.

Salmos 90:3

Nanpirapiraihuëꞌ, camaitaton: “Piyapinquëmaꞌ, amocan taraantacoꞌ,” tënan. Topatana, chiminatoi amocan taranai.

Jeremías 38:16

Napotopirahuë, poꞌoana quëran itaponco: —Sinioro ananpirinpoaꞌ. Ina niꞌsárinco co atëpataranquënhuëꞌ. Aꞌnaquën tëhuënchachin yatëparinquën. Co inapitaquë tëranta yoꞌsaranquënhuëꞌ, itërinco.

Lucas 23:46

Napohuachina, Quisoso chiníquën nonin. —Apira Tata chiminarahuë. Huaꞌyanëhuë quëpaquëꞌ, itahuaton, chiminin.

Hechos 7:59

Tëꞌyarasoiꞌ, Istipansoꞌ chiníquën parisitaponahuëꞌ, Quisoso nontërin: “Huaꞌyanëhuë Sinioro matahuatonco, quëpaquëꞌ,” itërin.

Hebreos 12:23

Huëntonënquë chachin Yosë nani ayaꞌconinpoaꞌ. Inápaquë nininënpoaꞌ nani ninshitërinpoaꞌ huiꞌninpita pochin nicainpoaso marëꞌ. Inatohuaꞌ niyontonarihuaꞌ. Yosë chachin imarëhuaꞌ. Inasoꞌ yaꞌipiya huaꞌanëntaton, co imapisopitahuëꞌ noꞌtëquën anaꞌintarin. Aꞌnaquën imapisopita nani chiminpachinara, huaꞌyanënasoꞌ Yosëꞌpaꞌ yaꞌhuapi huachi. Yosë pochachin cancantopi. Inapitarëꞌquënpoa chachin niyontonarihuaꞌ

Hebreos 12:9

Tatanpoaꞌ pënënpachinpoara, natërëhuaꞌ. Piꞌpian anaꞌintopirinpoahuëꞌ, co noꞌhuirëhuahuëꞌ. Noya nicatëhuaꞌ, natërëhuaꞌ. Tata Yosëso nipirinhuëꞌ naꞌcon naꞌcon natëcasoꞌ yaꞌhuërin. Inasoꞌ nininpoaꞌ niꞌton, natëhuatëhuaꞌ, noya noya nanpiarihuaꞌ.