Eclesiastés 12:5 - Chayahuita (Shahui)

⁵ Inapamiachin nanpëhuatan, huëhuëtaran. Iratohuataontaꞌ, aꞌnaroáchin maꞌsha onpoaran. Shinpira yancotërinso pochin motëonta huiritapon. Co huachi chiniatonhuëꞌ, sëquërë tëranta quëquëntaran. Arcapara nara itopiquë ninonënpiranhuë tërantaꞌ, co huachi natëarinhuëꞌ. Nani huachi yaꞌhuëmiatontaranquë yapaꞌsápaton napoaran. Naporaran quëran chiminpatan, naꞌnëroꞌsa noncaropiso natanapi huachi.

Eclesiastés 12:5 ပူးပေါင်းရင်းမြစ်များ

Génesis 42:38

Cacoposo nipirinhuëꞌ, tapon: —Huiꞌnahuësoꞌ, co onporo paꞌsarinhuëꞌ. Iin mashonën nani chiminin. Inaíchin ina yoꞌnanquëranchin nipisoꞌ yaꞌhuëarin. Paꞌnamaquë ina yaꞌhuërëꞌ maꞌsha onpoantahuachin, caso mashoco, sëto tëpaponco huachi, tënin.

Génesis 44:29

Iin yaꞌhuërëꞌ quëparamaquëya maꞌsha onpohuachin, canpita tëhuëaramaꞌ. Canpita tëhuënëmaquë caso mashoco sëto tëpaponco huachi,” itërincoi.

Eclesiastés 9:10

Maꞌsona tëranta nicacasoꞌ yonquihuatan, yaꞌipi cancanën quëran niquëꞌ. Aꞌna tahuëri chiminpatan, co huachi manta nisaranhuëꞌ. Co manta yonquiaranhuëꞌ. Co inaquëso maꞌsha nitotërëhuëꞌ. Co inaquësoꞌ yonquínahuan ninëhuëꞌ.

Isaías 46:4

Mashotohuatamantaꞌ, inachachin nitáponquëmaꞌ. Acasáchin nipomarahuëntaꞌ, inachachin nitáponquëmaꞌ. Carima ninanquëmaꞌ. Carima chachin pëꞌpëatë pochin quëparáponquëmaꞌ. Carima achiniaranquëmaꞌ. Carima chachin nichaꞌësaranquëmaꞌ.

Jeremías 1:11

Naquëranchin Sinioro shaꞌhuitaantarinco: “¿Maꞌta niꞌnan?” itohuachincora: “Niꞌto sëꞌpa quëran huara nipisoꞌ niꞌnahuë,” itërahuë.

Jeremías 9:16

Nisha nisha piyapiꞌsa yaꞌhuëpiquë aꞌpaato ayanquëarahuë. Co nohuitopiquëhuëꞌ, aꞌpaarahuë. Co shimashonëna tëranta nohuitopiquëhuëꞌ, aꞌpaarahuë. Yaꞌipi noquitai marëꞌ, sahuëninëna siꞌhuitahuatona inimiconënapitari ima imarantaponaꞌ,” tënin.

Levítico 19:32

Mashoyaroꞌsaꞌ, paiyaroꞌsaꞌ, inapita noya niꞌquëꞌ. Huëꞌpachinaꞌ, huanirahuaton noya nontëquëꞌ. Canta tëꞌhuatatomaco, noya niꞌco. Ca Sinioroco napotaranquëmaꞌ.

Hebreos 9:27

Yosë nohuanton, yaꞌipi piyapinpoaꞌ aꞌnaroíchin chiminëhuaꞌ. Ina quëran Yosë chachin coisë pochin nicaton, maꞌsona onpotiinpoasoꞌ noꞌtëquën shaꞌhuipon.