Eclesiastés 12:2 - Chayahuita (Shahui)

² Coꞌhuara piꞌi aꞌpininso tacopiátërasohuëꞌ, imaquëꞌ. Yoqui, tayoraroꞌsaꞌ, inapitanta coꞌhuara aꞌpinpiso tacopiátërasoihuëꞌ, imaquëꞌ. Iporasoꞌ oꞌnan mëꞌtarinso piquëran chitoro inapaantarin. Inapita noya yaꞌhuëasoi chachin imaquëꞌ.

Eclesiastés 12:2 ပူးပေါင်းရင်းမြစ်များ

Génesis 27:1

Isaco noyá mashotohuachina, pëtorayataton co huachi quënantërinhuëꞌ. Aꞌna tahuëri huiꞌnin paninan Isao itopisoꞌ përarin. Huëꞌpachina: —Conpa, itërin. —Maꞌta tata yaꞌhuarahuë, itërin Isaori.

Génesis 48:10

Cacoposoꞌ noyá mashoya niꞌton, co huachi ina inahuë quënantërin. Napoaton Cosiri huiꞌninpita ayaꞌcaririn. Napohuachinara, Cacoposo shinpita iporahuaton apinorin.

Salmos 42:7

Panca tahuanoꞌsaquë, anoiroꞌsa tënëntërinso natanëꞌ. Anoiꞌ imotërincoso pochin Sinioro quëma nohuanton nanirinso chachin parisitërahuë.

Salmos 90:10

Canchisë shonca piꞌíchin nanpiraiso nanirin. Chiníquënoꞌsasoꞌ, posa shonca nanipi. Ina nápo piꞌipi nanpitona nipaꞌyatopi. Napopirinahuëꞌ, naꞌcon naꞌcon sacai nipi. Naporahuatonaꞌ, aꞌnapitarinta amipi. Naporápirinahuëꞌ, aꞌnaroáchin tahuëri naꞌhuëhuachina, chiminapi anta huachi.

Joel 3:15

Ina tahuëri nanihuachin, piꞌi tashiapon. Yoqui, tayoraroꞌsa, inapitantaꞌ, co huachi aꞌpinaponahuëꞌ.

Mateo 24:29

“Nani parisitohuachinaꞌ, piꞌi tashiarin. Yoquintaꞌ co huachi aꞌpinarinhuëꞌ. Naporahuaton, naꞌa tayoraroꞌsaꞌ anotarin. Yaꞌipi inápaquë yaꞌhuërinsopitantaꞌ nacon nacontapon.

1 Samuel 3:2

Aꞌna tashiso napoaponahuëꞌ, poꞌnin: Irisoꞌ patoananënquë huëꞌësárin. Inasoꞌ yasomarayaton, co huachi noya quënantërinhuëꞌ. Samoironta Yosë chinotacaso nëꞌmëtë pëiquë huëꞌësárin. Siniororë anoyatopiso caposonën yaꞌcariya huëꞌësárin. Sëꞌparahuan nanpariontaꞌ, co tacopiyátërarinhuëꞌ.

1 Samuel 4:18

Yosë caposonën osërëpisoꞌ natanahuaton, Iriso paꞌyanin. Paꞌyanënquë shiranën quëran ninantërarahuaton anotërin. Yaꞌcoana pirayan anotahuaton, yaꞌpoamotorin. Mashoya niponahuë amonën niꞌton, inapo chimintërin. Inaso huaꞌan yaꞌconin quëran huarëꞌ, catapini shonca piꞌipi israiroꞌsa catahuarin.