Eclesiastés 11:5 - Chayahuita (Shahui)

⁵ Co ina pochin nicacaso yaꞌhuërinhuëꞌ. Canpoasoꞌ ihuan insëchinsona paꞌninsoꞌ, co nitotërëhuahuëꞌ. Huaꞌhuashanta aꞌshin yoꞌnamënquë aꞌshininsoꞌ, co nitotërëhuahuëꞌ. Inapita co nitotërëhuasohuë pochachin Sinioro maꞌsona nicacasonta co nitotërëhuahuëꞌ. Ina nohuanton nani maꞌsha yaꞌhuërin.

Eclesiastés 11:5 ပူးပေါင်းရင်းမြစ်များ

Copo naporinso' 38:4

Isoroꞌpaꞌ yaꞌhuëcaso marëꞌ simintonën pochin nininsoꞌ acoasoco, ¿insëquëta naporo quëmasoꞌ nisaran? ‘¡Naꞌcon nitotërahuë!’ tënan niꞌquëhuarëꞌ, ¡Shaꞌhuitoco insëquësona naporo nisaransoꞌ!

Copo naporinso' 5:9

Inasoꞌ, nani maꞌsha paꞌpi huëhuëpiro nininsopita ninin. ¡Naꞌaro naporin! Naporinsopita co insonta nanitërinhuëꞌ nitotacasoꞌ.

Salmos 104:24

¡Maꞌpitacha Sinioro quëmasoꞌ ninan paya! Noya yonquiaton nani maꞌsha acoran. Nani maꞌsha ninansopita isoroꞌpaꞌ mëntatërin.

Salmos 40:5

Napoaton Sinioro nontato napotërahuë: “Quëmasoꞌ Sinioro catahuancoiso marëꞌ notohuaroꞌ paꞌyápiro nininsopita ninan. Noya yonquirancoisontaꞌ, huaꞌhuayátërahuë. Catahuarancoisopita shaꞌhuihuatointaꞌ, co apira tiquichináchinhuëꞌ.

Eclesiastés 11:4

Shaꞌtacaso tahuëri nipirinhuëꞌ, aꞌnaquënso ihuan tëꞌhuatatona co shaꞌtopihuëꞌ. Nitërinsoꞌ macacaso tahuërinta nipirinhuëꞌ, oꞌnan tëꞌhuatatona co mapihuëꞌ.

Eclesiastés 3:10

Ina pochin Yosë acoatonpoaꞌ, cahuario panca pëꞌpëto aꞌmitëtërëso pochin nitërinpoaꞌ.

Eclesiastés 3:11

Inari chachin tahuërinën nanihuachin, yaꞌipi maꞌsha noyápiachin acorin. Piyapinpoanta yonquínahuan acorinpoaꞌ. Iráca quëran huarëꞌ tahuëri yaꞌhuërinso yonquiatëhuaꞌ, aꞌna tahuërinta yaꞌhuëantacasoꞌ, piꞌpian anitotërinpoaꞌ. Co yaꞌipi Yosë naporinsopita nitotacasoꞌ nanitërëhuahuëꞌ.

Isaías 40:28

¡Nani canpitaso nitotëramaꞌ! ¡Nani shaꞌhuitërinënquëmasoꞌ natanamaꞌ! Sinioronënpoasoꞌ, Yosë yaꞌhuëmiatërinsoꞌ. Inari isoroꞌpaꞌ, yaꞌipi yaꞌhuërinsopitarë chachin acorin. Co aso canotaton nëꞌca nëꞌcatosárinhuëꞌ. Nitotërinsontaꞌ, co naninahuanhuëꞌ.

Juan 3:8

Niꞌquëꞌ. Ihuan inaora nohuanton, paꞌnin. Natanarihuarahuëꞌ, intohua quëransoꞌ huëcaton intohuasona paꞌninsoꞌ, co nitotërëhuahuëꞌ. Co quënanpirëhuahuëꞌ, natanëhuaꞌ. Inapochachin Ispirito Santo yaꞌcoancantohuachinquëmaꞌ, nasitaantarëso pochin nasha cancan quëtarinquëmaꞌ, itërin.

Romanos 11:33

¡Ma noyacha Yosësoꞌ catahuarinpoa paya! ¡Ma noyacha yonquirin paya! Yaꞌipiya nitotërin. Yonquirinsopita co nitotochináchinhuëꞌ ninin. Naporahuaton, ina pochin cancantacasoꞌ co onporontaꞌ nanitarihuahuëꞌ.