Deuteronomio 9:7 - Chayahuita (Shahui)

⁷ Naquëranchin Moisësëri israiroꞌsa nontaantarin: “Inotëro parti paasëmaꞌ, Sinioro tëhuëtëramasoꞌ ama naniantocosohuëꞌ. Iquipito quëran pipirama quëran isëquë canquiama huarëꞌ co natantochináchinhuëꞌ cancantëramaꞌ. Ina pochin cancantatoma Sinioro tëhuëtëramaꞌ.

Deuteronomio 9:7 ပူးပေါင်းရင်းမြစ်များ

Éxodo 14:10

Yaꞌcaritapiso quënanatonaꞌ, israiroꞌsaso paꞌpi paꞌyanpi. Paꞌyanatonaꞌ, chiníquën Yosë nontopi: “Sinioro catahuacoi,” itopi.

Éxodo 14:11

Moisësënta itaponaꞌ: “¡Maꞌmarëta Iquipito quëran ocoirancoi! Iso inotëroquë quiyasoꞌ tëpaponacoi. Iquipitoquësoꞌ poꞌoroꞌ yaꞌhuëpirinhuëꞌ. Ina quëran ocoyatoncoi panca tëhuëran.

Éxodo 16:2

Inaquë chachin israiroꞌsaꞌ, naquëranchin Moisësë, Aaron, inapita noꞌhuiantapi:

Éxodo 17:2

Napoaton Moisësë noncarotaantapi: —¡Iꞌsha quëtocoi oꞌoi! itopi. —¿Maꞌmarëta caso noncarotaramaco? Inapohuatamara, canpitaso Yosë chachin tëniantaramaꞌ, itërin.

Ezequiel 36:31

Naporoꞌ co noyahuëꞌ ninamasoꞌ, nishinahuën ninamasoꞌ, inapita yonquiatoma tapanapomaꞌ.

Números 11:4

Iquipito quëran pipiponaꞌ, co israiroꞌsaráchin pipipihuëꞌ. Nisha nisha piyapiꞌsanta imatiipi. Inahuaso capacaisoráchin yonquiatonaꞌ, nosha marëꞌ naꞌnëpitërapi. Inapita nicatona israiroꞌsantaꞌ, naꞌnëtona ninapotapi: “¡Maꞌcha nosha quëtërinënpoa caꞌnëhuahuë paya!

Números 14:22

Chini chiníquën nanantato, Iquipitoquë nani maꞌsha sacai nininsopita ninahuë. Inotëro partinta inaporahuë. Inaporahuësopita anitotërinquëma noyasáchin ninahuësoꞌ. Ina nicaponaraihuë israiroꞌsasoꞌ, naꞌaro tënirinaco. Naporahuaton camaitërahuësopita co natëpihuëꞌ. Ina niꞌton, napopisopita co inso tëranta yaꞌconaponahuëꞌ. Shimashonënapita noꞌpaꞌ quëtaꞌhuasoꞌ shaꞌhuitërahuëquë co yaꞌconaponahuëꞌ. Nocaninacosopita co inso tëranta yaꞌcoanpihuëꞌ.

Números 21:5

Noꞌhuitatonaꞌ, Sinioro pinopi. Moisësënta itaponaꞌ: —¡Maꞌmarëcha Iquipito quëran ocoirancoi paya! ¿Iso inotëro parti chiminaꞌhuaiso marëꞌ quëntamarancoi ti? Capa iꞌsha, capa cosharo yaꞌhuërinhuëꞌ. Manaíchin capatoi nosorotarai, itopi.

1 Corintios 15:9

Imapisopita aparisitërahuë niꞌton, co acoincosoꞌ yaꞌhuërinhuëꞌ, topirahuëꞌ. Paꞌpi co noyahuëꞌ cancantopirahuëꞌ, anoyacancantatonco, acorinco paato aꞌchinaꞌhuaso marëꞌ.

Efesios 2:11

Isontaꞌ iyaroꞌsaꞌ yonquicoꞌ. Iráca co piꞌpian tërantaꞌ Yosë nohuitëramahuëꞌ. Canpitasoꞌ nisha piyapiꞌsanquëmaꞌ niꞌton, cotioroꞌsaꞌ nocaninënquëmaꞌ. “Quiyasoꞌ Yosë piyapinënpitacoi. Canpitasoꞌ co marca tërantaꞌ nonëmaquë niacotëramahuëꞌ,” itërinënquëmaꞌ.

Deuteronomio 31:27

Nani co natantochináchinhuëꞌ cancantëramasoꞌ, nitotërahuë. Niꞌcoꞌ. Nanpichinapo chachinta Sinioro co natëtomarahuë tëhuëtëramaꞌ. Aquëtë huarëꞌ nisarama chiminpatosoꞌ.

Deuteronomio 8:2

Catapini shonca piꞌi inotëro parti paꞌtasëmaꞌ, Sinioro nohuanton nisha nisha maꞌsha onporamaꞌ. Inapotatënquëmaꞌ, natëtochináchin cancantamaso marëꞌ napotërinquëmaꞌ. Onpopinsona cancantëramasoꞌ, nitotacaso marëꞌ tënirinquëmaꞌ. Naporahuaton: ‘¿Tëhuënchachin taꞌma natërëꞌponaco to?’ taꞌton napotërinquëmaꞌ. Inaso nipirinhuëꞌ, co patërinquëmahuëꞌ. Ama ina naniantocosohuëꞌ.

Deuteronomio 9:24

Yaꞌnan nohuitëranquëma quëran huarëꞌ, canpitaso co natantochináchinhuëꞌ cancantëramaꞌ. Ina pochin cancantatomaꞌ, co Sinioro natëramahuëꞌ.

Deuteronomio 9:4

Sinioro nohuanton nani inapita aꞌpahuatamaꞌ: ‘Noya ninëhuaso marëꞌ Sinioro catahuarinpoa inapita aꞌpatëhuaꞌ, noꞌpanëna matërëhuaꞌ,’ ama tocosohuëꞌ. Co ina marëꞌ aꞌparinhuëꞌ. Paꞌpi co noyahuëꞌ nipi niꞌton, aꞌparin.