Deuteronomio 9:3 - Chayahuita (Shahui)

³ Iporasoꞌ Sinioro chachin quëchitaton, quëpararinpoa nitotocoꞌ. Inasoꞌ, pën nani maꞌsha ahuiquitërinso pochin ina nacionoꞌsa atapanahuaton, ataꞌhuantarin. Napoaton canpitarisoꞌ aꞌnaromaráchin, aꞌpapomaꞌ. Aꞌnapitaso nipirinhuëꞌ, tiquiapomaꞌ. Sinioro nani shaꞌhuitërinquëmaso chachin nisarin.

Deuteronomio 9:3 ပူးပေါင်းရင်းမြစ်များ

Éxodo 24:17

Israiroꞌsantaꞌ, Sinioro huënaráchin huënaráchin aꞌpininsoꞌ, quënanpi. Panca pën nënëhuachina, maꞌsha aꞌnaroáchin ahuiquitërinso pochin motopi huiꞌnimotënquë yaꞌnorin.

Isaías 33:14

Quirosarin oshahuanoꞌsasoꞌ, paꞌyanapi. Yaꞌipi inpioroꞌsanta paꞌyanatonaꞌ: “Siniorosoꞌ, pën maꞌsha ahuiquitërinso pochin ninin. Yaꞌhuëmiatërinso pën pochin niꞌton, ¡Sinioro anaꞌintërinquësoꞌ, pën yaꞌhuëmiataton yaꞌipi ahuiquitërin! ¡Co inquënpoa tërantaꞌ, inaquë yaꞌhuëcaso nanichitërihuahuëꞌ!” tapona.

Miqueas 2:13

Cari chachin quëchitato inapita quëpararahuë. Inapitasoꞌ natëponaco huachi. Paꞌpachinaꞌ, ninano yaꞌcoanataquëchin pipiponaꞌ. Caso huaꞌanënaco niꞌto, Yosënënaco,” tënin.

Mateo 15:10

Ina quëran piyapiꞌsaꞌ përasahuaton, aꞌchintërin. —Yaꞌipinquëmaꞌ natanco noꞌtëquën yonquicamaso marëꞌ.

Marcos 7:14

Naquëranchin piyapiꞌsaꞌ përasahuaton, aꞌchintantarin. —Yaꞌipinquëmaꞌ natanco noꞌtëquën yonquicamaso marëꞌ.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.

Efesios 5:17

Ama topinan quëran yaꞌhuëcosohuëꞌ. Yosë nohuantërinsoꞌ nitotatomaꞌ, natëcoꞌ.

Deuteronomio 7:16

Canpitaso napoaponahuëꞌ, nisha nisha piyapiroꞌsa Sinioro nohuanton minsëhuatamaꞌ, ataꞌhuantochinacaso yaꞌhuërin. Ama inapitaso nosorocosohuëꞌ. Co mamanshinëna tëranta moshacamaso yaꞌhuërinhuëꞌ. Ina moshahuatamasoꞌ, co huachi noyatatomarahuëꞌ chiminarama huachi.

Deuteronomio 7:22

Sinioro nohuanton piꞌpian piꞌpian quëran yaꞌhuëhuanoꞌsa aꞌpararamaꞌ. Co aꞌnaromaráchin aꞌpamaso yaꞌhuërinhuëꞌ. Mapinton maꞌsharoꞌsa naꞌatona machinquëmaꞌ.

Deuteronomio 9:6

Yonquicamaso marëꞌ naquëranchin shaꞌhuichinquëmaꞌ. Co canpita noya ninamaso marëꞌ ina noyaroꞌpaꞌ quëtarinquëmahuëꞌ. Canpitaso co natantochináchinhuëꞌ cancantërama niꞌton, co quëtiinquëmaso nipirinhuëꞌ,” itërin.

2 Tesalonicenses 1:8

Oꞌmantarahuaton, co Yosë nohuitopisopitahuëꞌ anaꞌintarin. Co Sinioro Quisoso nanamën natëpihuëꞌ niꞌton, chiníquën anaꞌintarin.

Josué 3:11

Niꞌcoꞌ. Corto huaꞌanoꞌsaton, Siniororëꞌquënpoa anoyatërëhuaso caposonën, pitënpi quëran Cortaniiꞌ yaꞌcontapi. Sinioronënpoasoꞌ yaꞌipi isoroꞌpaquë yaꞌhuërinsopita huaꞌanëntërin.

Josué 3:14

(Naporo tahuëriꞌsa shaꞌtopisoꞌ macacaiso tahuëriꞌsa nisarin. Napoaton Cortaniiꞌ paquiitarin.) Cosoiri napotohuachina israiroꞌsasoꞌ, yaꞌhuëapi quëran pipipi. Pipirahuatona corto huaꞌanoꞌsa imapi. Inapitasoꞌ Siniororëꞌ anoyatopiso caposonën, pitënpi quëran iꞌnaitomapi. Iꞌnaitasoi chachin pëtëtëran iꞌsha oꞌmarinsoꞌ, iꞌ paꞌcopitopiquë chinirinso pochin ninin.

Jueces 4:14

Naporoꞌ Tiporari Paraco itapon: —Pashi tëquë huachi. Ipora mini Sinioro catahuararinquën. Sisara sontaronënpitarë chachin minsëcamaso marëꞌ napotarinquën. Sinioro chachin quëchitaton quëma sontaronënpita maꞌsona nicacaisoꞌ anitotarin, itërin. Naporoꞌ Paracosoꞌ, Taporo motopi quëran nohuaramarin. Shonca huaranca sontaronënpitarë chachin oꞌmarin.