Deuteronomio 9:29 - Chayahuita (Shahui)

²⁹ Israiroꞌsasoꞌ, quëma piyapinënpita nipi. Chiníquën nanantaton, Iquipito quëran ocoiran niꞌton, huaꞌanëntëran,’ itërahuë,” itërin.

Deuteronomio 9:29 ပူးပေါင်းရင်းမြစ်များ

1 Reyes 8:15

“¡Ma noyacha Sinioroso paya! Inasoꞌ, israiroꞌsanpoa chinotërëhuaꞌ. Tata Tapico shaꞌhuitërinso chachin nani acotërinpoaꞌ. Inari iráca shaꞌhuitërin:

1 Reyes 8:51

Israiroꞌsasoꞌ, quëma piyapinënpita. Quëmari huaꞌanëntëran. Shimashonënpita Iquipitoquë aparisitápirinahuëꞌ, ocoiran. Huaꞌna asoquipiso ornoquë pochin parisitapirinahuëꞌ, napotëran.

Nehemías 1:10

Quiyasoꞌ quëma piyapinënpitacoi. Chini chiníquën nanantaton Iquipito quëran ocoirancoi.

Salmos 100:3

Yosëíchin chini chiníquën nanantërin. Ina nitotoco canpitantaꞌ. Inaso nininpoa niꞌton, huaꞌanëntërinpoaꞌ. Ina piyapinënpoa canpoasoꞌ. Ohuicaroꞌsa huaꞌanëni aꞌpairinso pochin noya aꞌpairinpoaꞌ.

Salmos 95:7

Inaíchin Yosënënpoaꞌ. Canpoasoꞌ ina piyapinënpitanpoa ninëhuaꞌ. Ohuicaroꞌsa huaꞌanëni pastoquë noya aꞌpairin. Inapochachin Sinioronta noya aꞌpairinpoaꞌ. Ipora tahuëri ina nontarinquëma niꞌton, noya natanatoma yonquicoꞌ:

Éxodo 19:5

Yaꞌipi isoroꞌpaquë nisha nisha piyapiꞌsa cari huaꞌanëntërahuë. Napoaton canpitasoꞌ, yaꞌipi camaitërahuëso natëcoꞌ. Maꞌsona taꞌtëhua canpitarëꞌco anoyatërahuësonta coꞌsoꞌ naniantohuatamahuëꞌ, noya niꞌsaranquëmaꞌ. Aꞌnapita piyapiroꞌsa quëran, noya noya niꞌsaranquëmaꞌ.

Éxodo 33:13

Tëhuënchachin napohuatan, yonquiransopita anitotoco. Ina nitotohuato, noya noya natëaranquën. Israiroꞌsasoꞌ, quëma piyapinënpita. Ama ina naniantëquësohuëꞌ, itërin.

Éxodo 6:6

Napoaton piyapinëhuëpita iso pochin shaꞌhuitëquëꞌ: “Caso Sinioroco. Carinquëma Iquipito quëran ocoiaranquëmaꞌ. Iporasoꞌ chiníquën asacatopirënënquëmahuëꞌ, carinquëma chiníquën nanantato nichaꞌësaranquëmaꞌ. Chiníquën aparisitërinënquëma niꞌton, carinta noꞌtëquën iꞌhuërëtarahuë. Ocoirahuatënquëmaꞌ, piyapinëhuëpita pochin niꞌsaranquëmaꞌ. Canpitantaꞌ, casáchin chinotaramaco. Iporasoꞌ iquipitoroꞌsa chiníquën asacatatënquëma aparisitapirinënquëmahuëꞌ, ocoiaranquëmaꞌ. Ocoihuatënquëmaꞌ, Sinioroco ninahuësoꞌ nitotarama huachi. Iráca nani Apraan shaꞌhuitërahuë noꞌpaꞌ quëtaꞌhuasoꞌ. Isaco, Cacopo, inapitanta inachachin shaꞌhuitërahuë. Inaquë quëparahuatënquëma ina noꞌpa chachin ahuaꞌanëntaranquëmaꞌ. Caso Sinioroco, tënin,” itëquëꞌ, itërin.

Isaías 63:19

Inapotërinacoi niꞌton, co onporonta huaꞌanëntërancoisohuë pochin nisarai. Co piyapinënpita ninaisohuë pochin nisarai.

Isaías 64:8

Napopiraihuëꞌ, quëmaso Sinioro tatahuëi pochin ninan. Quiyaso tëshiroꞌpa pochin ninai. Quëmaso tëshitonaꞌpi pochin ninan. ¡Quëmasáchin yaꞌipicoi ninancoi!

Deuteronomio 4:20

Canpitasoꞌ, Sinioro Iquipito quëran ocoirahuatënquëma huaꞌanëntërinquëmaꞌ. Huaꞌnamia asoquicaso marëꞌ ornoquë aꞌpërahuatëꞌ, asoquirëꞌ. Inapochachin canpitanta Iquipitoquë parisitápiramahuëꞌ, ocoirinquëmaꞌ. Napoaton ina piyapinënpita ninama huachi.

Deuteronomio 9:12

Ina quëtahuatonco: ‘Manóton nohuaramarahuaton, piyapiꞌsa nimaquëꞌ. Inapitasoꞌ Iquipito quëran ocoipiranhuëꞌ, paꞌpi co noyahuëꞌ nisapi. Pënënahuësopita naniantatonaꞌ, aꞌnaroáchin pëshonpi huachi. Huaꞌna asoquirahuatona moshacaiso marëꞌ mamanshi nipi,’ itërinco.