Deuteronomio 9:25 - Chayahuita (Shahui)

^25-26 Mamanshi moshatoma oshahuanamaso marëꞌ Sinioro yaataꞌhuantërinquëmaꞌ. Ina niꞌton, naquëranchin iꞌhua naporahuëso pochin, catapini shonca tahuëri tashirë chachin isonahuë. Isonahuato chiníquën Sinioro nontërahuë: ‘Sinioro, ama piyapinënpita ataꞌhuantëquësohuëꞌ. Chiníquën nanantaton, inapitaso Iquipito quëran ocoiran. Inapotaton huaꞌanëntëran niꞌton, ama ataꞌhuantëquësohuëꞌ.

Deuteronomio 9:25 ပူးပေါင်းရင်းမြစ်များ

Éxodo 34:28

Moisësëso naquëranchin catapini shonca tahuëri tashirë chachin, Siniororëꞌ yaꞌhuërárin. Co manta caꞌninhuëꞌ, co manta oꞌorinhuëꞌ. Naporoꞌ shonca nanan Yosë pënëntërinsoꞌ ninshitërin. Naꞌpitëaꞌhuaroꞌsaquë ninshitërin.

Deuteronomio 9:16

Yaꞌhuëarëhuaquë canquimahuatora, co Sinioro natëtomarahuëꞌ oshahuanamasoꞌ niꞌquimarahuë. Pënëninquëmaso aꞌporahuatomaꞌ, mamanshi, toroaꞌhua pochin nonanatomaꞌ, moshararamaꞌ.

Deuteronomio 9:18

Naquëranchin Moisësëri israiroꞌsa nontaantarin: “Inapoatoma oshahuanamaso marëꞌ, naquëranchin isonahuato Sinioro nontërahuë. Iꞌhua naporahuëso chachin, catapini shonca tahuëri tashirë chachin co manta coshatërahuëꞌ, co manta oꞌorahuëꞌ. Panca tëhuëatoma Sinioro anoꞌhuitopiramahuëꞌ, canpita marëꞌ ina nontërahuë.