Deuteronomio 9:2 - Chayahuita (Shahui)

² Inaquë yaꞌhuëpisopitasoꞌ, panca piyapiroꞌsa nipi. Panca piyapi Anaco itopisoꞌ shinpita pochin niconpi. Canpitaso napopisoꞌ nani natantëramaꞌ: ‘Panca piyapi Anaco shinpitasoꞌ, co insoari tëranta minsëarinhuëꞌ,’ topi.

Deuteronomio 9:2 ပူးပေါင်းရင်းမြစ်များ

Amós 2:9

Ina quëran Siniorosoꞌ, piyapinënpita itapon: “Iráca caso shimashonëmapita isoporinquë poꞌmocaꞌhuaso marëꞌ amororoꞌsa ataꞌhuantërahuë. Inapitasoꞌ nonara pochin inapatopirinahuëꞌ, ataꞌhuantërahuë nopri nara pochin chiníquënoꞌsa nipirinahuëꞌ, inapotërahuë.

Números 13:28

Napoaponahuëꞌ, yaꞌhuëhuanoꞌsaso chini chiníquënoꞌsa pochin yaꞌnopi. Ninanonënapitantaꞌ, pancana. Pairapipisonta inápa nisahuaton tanónën. Naporahuaton panca piyapi Anaco itopisoꞌ shinpitanta quënanai.

Números 13:33

Panca piyapi Anaco itopisoꞌ shinpitanta quënanai. Inapita pirayan huanihuatoira, sëquërëya pochin ninatanai. Inapitanta nicatoncoi, ina pochin cancantërinacoi, itopi.

Deuteronomio 7:24

Yosë chachin nani acorinquëma copirnonënanta minsëatomaꞌ, camaicamaso marëꞌ. Canpitari minsëhuatamaꞌ, co huachi insoari tëranta isoroꞌpaquë inapita yonquiapihuëꞌ. Huiꞌninaꞌ, shiinaꞌ, inapita ataꞌhuantarama niꞌton, co yonquiapihuëꞌ. Canpita ahuëtohuatamaꞌ, co inso copirno tërantaꞌ, chinitarinquëmahuëꞌ. Napoaton minsërahuatomaꞌ, yaꞌipi ina copirnoroꞌsa tiquiaramaꞌ.