Deuteronomio 9:11 - Chayahuita (Shahui)

¹¹ Shaꞌhuitëranquëmaso chachin catapini shonca tahuëri tashirë chachin naꞌhuërin piquëran, cato naꞌpitëaꞌhuaroꞌsa quëtërinco. Canpoarë anoyatërinso chachin ninshitaton, quëtërinco.

Deuteronomio 9:11 ပူးပေါင်းရင်းမြစ်များ

Éxodo 31:18

Sinai motopiquë Siniorori nani yaꞌipi Moisësë shaꞌhuitohuachina, cato naꞌpitëaꞌhua quëtërin. Ina naꞌpitëaꞌhuaroꞌsaquë, inaora chachin pënëntërinso nanan ninshitërin.

Éxodo 32:1

Israiroꞌsaso Moisësë huaꞌquirinso niꞌsahuatonaꞌ, Aaron paahuapi: —Moisësë Iquipito quëran ocoipirincoihuëꞌ. ¿Intohuaso paꞌmara? Co nitotëraihuëꞌ. Napoaton catahuaincoiso marëꞌ, mamanshi nitocoi, itopi.

Números 10:33

Ina pochin Sinioro motopinën quëran, israiroꞌsa paantapi. Cara tahuëri iratopi. Siniororëꞌ anoyatopiso caposonën quëpanaꞌpiroꞌsa quëchitapi. Sinioro nohuanton chitoro chiniconpachina, inaquë chinotapi huachi.

Deuteronomio 9:9

Caso naꞌpitëaꞌhuaroꞌsa maꞌpataꞌhuaso marëꞌ inatohua paantarahuë. Ina naꞌpitëaꞌhuaroꞌsaquë Siniororëꞌquënpoa anoyatërëhuaso ninshitërin. Ina maꞌpacaꞌhuaso marëꞌ catapini shonca tahuëri tashirë chachin co manta coshatërahuëꞌ, co manta oꞌorahuëꞌ, naporahuë.

Hebreos 9:4

Nëꞌmëtëꞌ yaꞌcariya aꞌna misaꞌhuaya yaꞌhuërin, oro quëran nipisoꞌ. Inaquë yonarin pochin pimóchin nininsoꞌ aꞌpëpi tomontacaso marëꞌ. Yosë caposonëontaꞌ yaꞌhuërin. Aipiran, acoporan, yaꞌipi oro quëran achinpitopi. Caposo acopoana yonsha oro quëran nipisoꞌ yaꞌhuërin. Inaquë piꞌpian cosharoꞌ Yosëri inápa quëran aꞌpaimarinsoꞌ poꞌmorin, mana itopisoꞌ. Aaron pitananëontaꞌ inaquë poꞌmorin. Inasoꞌ noyá yaniponahuëꞌ, Yosë nohuanton, aꞌnaroáchin papotantarin piyapinënpita yonquicaiso marëꞌ. Naporahuaton, catoꞌ naꞌpitëaꞌhuayantaꞌ inaquë acopi. Inaquë Yosë pënëntërinsoꞌ nani ninshitopi. Iráca anoyatërinsoꞌ itopisoꞌ.