Deuteronomio 8:7 - Chayahuita (Shahui)

⁷ Sinioro chachin noyaroꞌpaquë ichiyaꞌconapënquëmaꞌ. Inaquësoꞌ, notohuaroꞌ iꞌsharoꞌsa yaꞌhuërin. Iꞌshanaroꞌsaꞌ, huinanoꞌsaꞌ, inapitanta motopiroꞌsaquë yaꞌhuërin. Motopianaroꞌsaquëntaꞌ, yaꞌhuërin.

Deuteronomio 8:7 ပူးပေါင်းရင်းမြစ်များ

Génesis 49:11

Cotaso notohuaroꞌ oparohuanaton, moraꞌhuanëntaꞌ, co apiratarinhuëꞌ. Inaquë capacaso marëꞌ aꞌsonpitërapon. Huinoquë chachin aꞌmorinso pëꞌsapon. ¡Opa huayo noꞌhuiquënquë chachin, inapotapon!

2 Reyes 18:32

Ina piquëran aꞌna roꞌtëꞌpaꞌ quëpaponquëmaꞌ. Iso noꞌpanëma pochin nininꞌpaꞌ quëpaponquëmaꞌ. Inaquë pan nicacaso marëꞌ trico noya noyatërin. Huinonta nicacaso marëꞌ opa noya noyatërin. Oripontaꞌ noyatërin niꞌton, notohuaroꞌ toma ocoipi. Ninointa co pahuaninhuëꞌ. Inaquë paꞌpatamaꞌ noya yaꞌhuëaramaꞌ. Co chiminaramahuëꞌ. Isiquiasëso pënënatënquëmaꞌ: ‘Sinioro nichaꞌësarinpoaꞌ,’ itárinquëmaꞌ. Napotatënquëma inasoꞌ, nonpintárinquëmaꞌ. Napoaton co ina natëamaso yaꞌhuërinhuëꞌ.

Salmos 104:10

Quëma nohuanton noꞌpaꞌ quëran iꞌsha pipiton pancaitërin. Paꞌihuachina, motopianaroꞌsataquëchin paꞌipi.

Isaías 5:1

Amiconëhuë nosororahuësoꞌ yaꞌhuërënamën, oparonën yonquiaton cantarinsoꞌ cantararahuë: “Amiconëhuë nosororahuësoꞌ oparohuanin. Noyaroꞌpaquë chachin acorin.

Jeremías 2:7

Ina piquëran iso noyaroꞌpaquë nitërinsopita capacaiso marëꞌ quënahuë. Noya noyatërinsopita capacaiso marëꞌ quëpirahuëꞌ, huëꞌsahuatonaꞌ, noꞌpanëhuë tapipi. Cari iso noꞌpaꞌ huaꞌanëntopirahuëꞌ, amirotochináchin acotërinaco.

Deuteronomio 8:6

Napoaton Sinioronënpoasoꞌ Yosë niꞌton, noya nicatoma camaitërinsopita natëcoꞌ. Aꞌchintërinquëmasopitantaꞌ, ina inachachin nicoꞌ.

Deuteronomio 8:8

Trico, sipata, inapita noya noyatërin. Oparoroꞌsaꞌ, iquiraroroꞌsaꞌ, inapita yaꞌhuërin. Cranata huayoroꞌsaꞌ, oripo nararoꞌsaꞌ, inapitanta noyatërin. Ninointa co pahuaninhuëꞌ.