Deuteronomio 8:2 - Chayahuita (Shahui)

² Catapini shonca piꞌi inotëro parti paꞌtasëmaꞌ, Sinioro nohuanton nisha nisha maꞌsha onporamaꞌ. Inapotatënquëmaꞌ, natëtochináchin cancantamaso marëꞌ napotërinquëmaꞌ. Onpopinsona cancantëramasoꞌ, nitotacaso marëꞌ tënirinquëmaꞌ. Naporahuaton: ‘¿Tëhuënchachin taꞌma natërëꞌponaco to?’ taꞌton napotërinquëmaꞌ. Inaso nipirinhuëꞌ, co patërinquëmahuëꞌ. Ama ina naniantocosohuëꞌ.

Deuteronomio 8:2 ပူးပေါင်းရင်းမြစ်များ

Génesis 22:1

Ina piquëran Yosëri: “¿Tëhuënchachin taꞌma Apraan natërinco to?” taꞌton, tënicaso marëꞌ përarin: —Apraan, itërin. —Maꞌta Sinioro yaꞌhuëarahuë, tënin Apraan.

Éxodo 15:25

Moisësëso nipirinhuëꞌ, Yosë nontërin. Inari catahuacaso marëꞌ nontohuachina, aꞌnara naraꞌhuaya aꞌnotërin. Ina masahuaton iꞌshaquë tëꞌyaitohuachina noyaitërin huachi. Inaquë Yosëri israiroꞌsa natëtonoꞌsa nicacaiso marëꞌ tënirin. Naporahuaton onpopinsona nicacaisoꞌ Yosëri pënënin:

Éxodo 16:35

Catapini shonca piꞌi pochin israiroꞌsaꞌ, mana caꞌpi. Cananoꞌsa yaꞌhuëpiquë notënanquë canconai huarëꞌ manasáchin caꞌpi.

Éxodo 16:4

Naporo Yosëri, Moisësë itapon: “Ca nohuanto cosharoꞌ, inápa quëran oꞌnan pochin anotimapon. Nani tahuëri paꞌsahuatonaꞌ, macacaiso yaꞌhuërin. Pëꞌyainpichin macaponaꞌ. Pancasomaria tahuëriso nipirinhuëꞌ, cato tahuëri marëꞌ machinaꞌinaꞌ. Inapotato inpitasona natërinacosoꞌ, inpitasona co yanatërinacosohuëꞌ, nohuitarahuë,” itërin.

Éxodo 20:20

—Ama paꞌyancosohuëꞌ, Yosë oꞌmarin tëniinquëmaso marëꞌ. Ina pochin yaꞌnotërinquëmaꞌ, ina tëꞌhuatatoma ama oshahuanamaso marëhuëꞌ, itërin.

Jeremías 2:6

Naniantatonaco, co yonirinacohuëꞌ. Cari Iquipito quëran ocoiato, inotëro parti quënahuë. Inaso noꞌpaꞌ, yaniroꞌ. Notohuaroꞌ ohuatë yaꞌhuërin. Inaquëso co iꞌsha yaꞌhuërinhuëꞌ, paꞌpi huëhuëpiro yaꞌhuërin. Co insonta inaquë yaꞌhuërinhuëꞌ. Co insonta inaëchin iratërinhuëꞌ.

Amós 2:10

Canpitaso Iquipito quëran ocoirahuatënquëmaꞌ, catapini shonca piꞌipi inotëro parti ichiiratëranquëmaꞌ. Ina piquëran, inahua noꞌpanëna huaꞌanëntamaso marëꞌ quëtëranquëmaꞌ.

Números 14:33

Isëquë chachin huiꞌnamapitantaꞌ, ohuicanëna aꞌpaitona yaꞌhuaponaꞌ. Catapini shonca piꞌipi napoaponaꞌ. Canpita co natëramacohuëꞌ niꞌton, huiꞌnamapitanta ina pochin parisitapi. Yaꞌipi mashonquëma ninamasopita isëquë chachin taquiama huarëꞌ inapoaponaꞌ.

Lucas 18:14

Ina oshanën inquitaton, Yosëri noya niꞌnin. Parisioso nipirinhuëꞌ, co noyahuëꞌ niꞌnin. Aꞌnapita nocanpatamaꞌ, aꞌna tahuëri Yosë atapanarinquëmaꞌ. Nipirinhuëꞌ: ‘Caora co nanitërahuëꞌ noya nicaꞌhuasoꞌ. Catahuaco Sinioro,’ topatamaꞌ, noya acoarinquëmaꞌ,” tënin Quisoso.

Deuteronomio 1:3

Israiroꞌsa Iquipito quëran pipipisoꞌ nani cara shonca iscon piꞌi nisapi. Ina nisahuaton, shonca yoqui aꞌna tahuëriraꞌ naniso chachin Moisësëri israiroꞌsa shaꞌhuitaantarin. Yaꞌipi Sinioro pënëntërinsoꞌ shaꞌhuitaantarin.

Deuteronomio 13:3

Napotohuachinquëmaꞌ, ama natëtocosohuëꞌ: ‘¿Tëhuënchachin taꞌma yaꞌipi cancanëna quëran, yaꞌipi huaꞌyanëna quëran nosororinaco ti?’ taꞌton, Sinioro tëniarinquëmaꞌ.

Deuteronomio 32:7

Tahuërëtërëso pochin nicatomaꞌ, iráca chachin naporinso yonquiricoꞌ. Tataparima natanco shaꞌhuichinquëmaꞌ. Mashoyaroꞌsanta natanco anitochinquëmaꞌ.

Deuteronomio 7:18

Ama inapita yonquiatoma tëꞌhuacosohuëꞌ. Sinioronënpoasoꞌ Yosë niꞌton, Iquipito copirno piyapinënpitarë chachin co oshatarinhuëꞌ minsëapon. Ina yonquicoꞌ.

Deuteronomio 8:16

Ina chachin mana quëtërinpoa capacaso marëꞌ. Inaso cosharoꞌ, shiꞌmashonënpoanta co nohuitopihuëꞌ. Inapotatënquëma tënirinquëmaꞌ. Naporahuaton, natëtochináchin cancantamaso marëꞌ napotërinquëmaꞌ.

Santiago 1:3

Yosë tëniarinpoaꞌ cancanënpoa quëran huarëꞌ natëcaso marëꞌ. Aꞌnaquën maꞌsha onpohuachinara, aꞌnaroáchin Yosë yaaꞌpopi. Canpoaso nipirinhuëꞌ parisitohuatëhuaꞌ, “Yosë co onporontaꞌ naniantarinpoahuëꞌ,” topatëhuaꞌ, catahuarinpoaꞌ chini chiníquën cancantacaso marëꞌ.

Santiago 4:10

Yaꞌipinquëmaꞌ, aꞌnaya aꞌnayanquëmaꞌ, Yosë chachin niꞌsárinquëmaꞌ. “Caora Sinioro co nanitërahuëꞌ noya nicaꞌhuasoꞌ. Catahuaco,” topatamaꞌ, anoyacancantarinquëmaꞌ. Ina pochin cancantohuatëhuaꞌ, noya noya acoarinpoaꞌ.

Santiago 4:6

Sacaiꞌ Yosëíchin yonquicaso nipirinhuëꞌ, inari chachin inaora nohuanton catahuarinpoaꞌ ina pochin cancantacasoꞌ. “Caora noya ninahuë,” topatëhuaꞌ, co Yosë noya niꞌsarinpoahuëꞌ. Nipirinhuëꞌ, “Co caora nanitërahuëꞌ noya nicaꞌhuasoꞌ. Catahuaco Sinioro,” topatëhuaꞌ, Yosë catahuarinpoaꞌ. Nosoroatonpoaꞌ, catahuarinpoaꞌ, tënin Yosë quiricanënquë.

1 Pedro 1:7

Maꞌsha onpohuatëhuaꞌ, Yosë catahuararinpoaꞌ yaꞌipi cancanënpoa quëran imacaso marëꞌ. Oro tapacaiso marëꞌ aꞌirotopiso pochin nitarinpoaꞌ. Oro inapotohuachinara, noyápiachin pipirin. Yaꞌipi nëꞌhuë huiquitahuaton, orosachin ninin. Inapochachin iporasoꞌ Yosë nohuanton, pënquë ahuiquitërëso pochin maꞌsha onpotërinpoaꞌ noya noya acoinpoaso marëꞌ. Oro paꞌton niponahuëꞌ, co yaꞌhuëmiatërinhuëꞌ. Canpoaso nipirinhuëꞌ, Yosë natëhuatëhuaꞌ, nanpimiatarihuaꞌ. Napoaton naꞌcon yonquiaꞌahuaꞌ cancanënpoa quëran huarëꞌ natëcasoꞌ. Ina Yosë nohuantërinsoꞌ. Natëmiatohuatëhuaꞌ, Yosë noya noya niꞌsarinpoaꞌ. Quisocristo oꞌmantahuachin, noya noya acorarinpoaꞌ. Ina pochin yaꞌnoarihuaꞌ.

Apocalipsis 2:23

Sanapi imarinsopitasoꞌ co natërinacohuëꞌ niꞌton, ataꞌhuantarahuë. Ina nicatonaꞌ, yaꞌipi imarinacosopitantaꞌ yonquiapi. ‘Tëhuënchachin Sinioro nohuitërinpoaꞌ. Yonquirëhuasontaꞌ nitotërin. Co noyahuëꞌ nipatëhuaꞌ, noꞌtëquën anaꞌintarinpoaꞌ,’ tosapi.

Jueces 2:22

Inapotaton Siniorosoꞌ, israiroꞌsa yonquipiso yanitotërin: “¿Shimashonëna pochin taꞌma isopitanta natëtonaco imaponaco to?” taꞌton napotërin.