Deuteronomio 8:15 - Chayahuita (Shahui)

¹⁵ Paꞌpi huëhuëpiro inotëro partitaquëchin quëninpoaꞌ. Inaquë notohuaroꞌ yaꞌhuanoꞌsaꞌ, yonpincaroꞌsaꞌ, inapita yaꞌhuërin. Inaquë co manta iꞌsha yaꞌhuërinhuëꞌ. Napoaponahuëꞌ, oꞌocahuaso marëꞌ natëtë quëran, iꞌsha ocoirin.

Deuteronomio 8:15 ပူးပေါင်းရင်းမြစ်များ

Salmos 105:41

Natëtënta nipoatahuaton, notohuaroꞌ iꞌsha ocoirin. Inasoꞌ, tëquëin pochin inotëro parti paꞌtërin.

Isaías 30:6

Pëꞌtahuaroꞌsanta huaꞌanoꞌsari quëpapisoꞌ yonquiato shaꞌhuitaranquëmaꞌ: Camiyoquë, moraquë, inaquëpita yaꞌmitëatona Iquipitoquë huaꞌanoꞌsa paꞌsapi. Naꞌcon paꞌtërinsopita tapapisoꞌ, inapitaquë aꞌmitëatona Iquipito huaꞌanoꞌsa quëpataponaꞌ. Niquipi inotërotaquëchin paꞌsapi. Paꞌpi huëhuëpiro noꞌpaꞌ paꞌtapi. Inaquësoꞌ, paꞌpiniroꞌsa përarantapi. Quëtëton yaꞌhuanoꞌsaꞌ, yanponaꞌpi yaꞌhuanoꞌsaꞌ, inapitanta yaꞌhuërin. Iquipitoroꞌsa co maquë nanitopirinahuëꞌ, inapita quëpataponaꞌ. Napoaton carisoꞌ, iquipitoroꞌsa apoyatërahuë: “Topinan quëran përanaꞌpi maꞌsha,” itërahuë.

Isaías 43:19

Aꞌna huachi nasha nisarahuë. Ipora chachin naporahuësoꞌ niꞌsaramaꞌ. Naquëranchin inotëroquë ira aꞌpatë pochin nisarahuë. Co manta maꞌsha noyatërinquëhuëꞌ, iroꞌsa acoarahuë.

Jeremías 2:6

Naniantatonaco, co yonirinacohuëꞌ. Cari Iquipito quëran ocoiato, inotëro parti quënahuë. Inaso noꞌpaꞌ, yaniroꞌ. Notohuaroꞌ ohuatë yaꞌhuërin. Inaquëso co iꞌsha yaꞌhuërinhuëꞌ, paꞌpi huëhuëpiro yaꞌhuërin. Co insonta inaquë yaꞌhuërinhuëꞌ. Co insonta inaëchin iratërinhuëꞌ.

Oseas 13:5

Inotëro parti huëcasënquëmaꞌ, aꞌpairanquëmaꞌ. Inaquëso paꞌpi chiníquën piꞌi piꞌcatopirinhuëꞌ, aꞌpairanquëmaꞌ.

Números 20:11

Ina tosahuaton huaranën quëran catoro naꞌpi ahuërin. Inapotohuachina, notohuaroꞌ iꞌsha pipirin niꞌton, israiroꞌsa oꞌopi huachi. Pëꞌtahuanënanta oꞌopi.

Números 21:6

Napopiso marëꞌ Siniorori anaꞌintaton, quëtëton yaꞌhuanoꞌsa aꞌpatiirin. Inapitari quëtërin niꞌton, naꞌa israiroꞌsa chiminpi.

1 Corintios 10:4

Inaquësoꞌ co iꞌsha yaꞌhuëpirinhuëꞌ, Yosë nohuanton, naꞌpi quëran pipirin, yaꞌipiya oꞌopi. Quisocristosoꞌ ina naꞌpi pochin ninin. Paꞌpachinara, co quënanpirinahuëꞌ, inari naꞌcon catahuarin chaꞌëcaiso marëꞌ.

Deuteronomio 32:13

Motopiroꞌsa parti quëninpoaꞌ. Catahuarinpoa niꞌton, inimicoroꞌsa minsërëhuaꞌ. Nisha nisha nitërinsopita aꞌcarinpoaꞌ. Natëtëquë ninoiꞌ yaꞌhuërinso oꞌshitërinpoaꞌ. Naꞌpiro nininquë oripo nararoꞌsa huanirin. Ina quëran toma ocoiaton quëtërinpoaꞌ.