Deuteronomio 8:12 - Chayahuita (Shahui)

¹² Inaquë yaꞌhuëapoma pochin natëaquë huarëꞌ coshataramaꞌ. Naporahuaton noya pëiroꞌsa nisarama yaꞌhuëcamaso marëꞌ.

Deuteronomio 8:12 ပူးပေါင်းရင်းမြစ်များ

Amós 5:11

Popriyaroꞌsa ihuatomaꞌ, naꞌcon naꞌcon trico maꞌparamaꞌ. Naporamaso marëꞌ paꞌpi noya pëiroꞌsa yaꞌhuëtapomarahuëꞌ, co inaquë yaꞌhuëapomahuëꞌ. Noyápiachin oparoroꞌsa yaꞌhuëtapomarahuëꞌ, co inaquëran huino nicatoma oꞌopomahuëꞌ.

Lucas 17:28

Notontaꞌ iráca Sotomaquë yaꞌhuëpirinhuëꞌ. Inaquë aꞌnapitasoꞌ topinan yaꞌhuatonaꞌ, coshatápi, oꞌosápi, nipaꞌantápi, maꞌsha shaꞌsapi, pëiapi.

Deuteronomio 31:20

Iráca shimashonënapita, shaꞌhuitërahuë: ‘Caso Yosëco niꞌto, iso noꞌpaꞌ shiparimapita quëtarahuë,’ itërahuë. Napotërahuëso chachin, inaquë ayaꞌcoanahuë. Inaquëso co manta pahuaninhuë niꞌton, inaquë yaꞌconatonaꞌ, natëaquë huarëꞌ coshataponaꞌ. Coshatatona amonpachinaꞌ, nisha nisha mamanshiroꞌsa tahuërëtaponaꞌ. Inapoatona nocanaponaco. Napoatona inapitaroꞌco anoyatërahuësoꞌ, tapiaponaꞌ.

Deuteronomio 32:15

Noya nocomarinquëma niꞌton, israiroꞌsanquëma amonamaꞌ. (Maꞌsha amomiataton tomapiin tomapiin nininso pochin ninamaꞌ.) Napoaponahuëꞌ, cahuario yatoꞌtatërinso pochin, Yosë chachin acopirinquëmahuëꞌ, aꞌporamaꞌ. Noya paꞌpoyatënquëma nichaꞌëpirinquëmahuëꞌ, nocanamaꞌ.

Deuteronomio 6:10

Naquëranchin Moisësëri israiroꞌsa pënëantarin: “Shimashonënpoapita Apraan, Isaco, Cacopo, inapita nani shaꞌhuitërin: ‘Caso Yosëco niꞌto, iso noꞌpaꞌ quëtaranquëmaꞌ,’ itërin. Shaꞌhuitërinso chachin Sinioronënpoa inaquë ayaꞌcoaninquëmaꞌ. Inaquësoꞌ, panca ninanoroꞌsa noyápiachináchin yaꞌhuërin. Co canpitari ninamahuëꞌ.

Deuteronomio 8:13

Ohuacanëmaꞌ, ohuicanëmaꞌ, inapita notohuaroꞌ naꞌasarin. Maꞌsha paꞌanatoma naꞌcon naꞌcon coriqui, oro, inapita canaramaꞌ. Ina quëran naꞌcon naꞌcon maꞌsha paꞌanaramaꞌ.