Deuteronomio 8:1 - Chayahuita (Shahui)

¹ Naquëranchin Moisësë israiroꞌsa nontaantarin: “Yaꞌipi Yosë camaitërinsopita nani ipora shaꞌhuitaranquëma niꞌton, natëcoꞌ. Inapohuatamaꞌ, notohuaroꞌ naꞌasaramaꞌ. Naporahuaton, shimashonënpoa noꞌpaꞌ quëtacasoꞌ shaꞌhuitërinquë yaꞌhuëpisopita minsëaramaꞌ.

Deuteronomio 8:1 ပူးပေါင်းရင်းမြစ်များ

Deuteronomio 1:8

Nani yaꞌipi ina noꞌpaꞌ carinquëma quëtëranquëma huaꞌanëntamaso marëꞌ. Napoaton paꞌsahuatomaꞌ, ina noꞌpaꞌ máco huachi. Iráca shimashonëmapita Apraan, Isaco, Cacopo, inapita nani shaꞌhuitërahuë: ‘Caso Sinioroco niꞌto, quëtaranquëmaꞌ, itërahuë,’ itërinpoaꞌ,” tënin Moisësë.

Deuteronomio 4:1

Moisësëri israiroꞌsa nontaton itapon: “Iporaso huachi, Sinioro pënëntërinsoꞌ natëcoꞌ. Camairinquëmasopitantaꞌ, natëcoꞌ. Nani yaꞌipi carinquëma aꞌchintëranquëmaꞌ. Ama topinan quëran natanatomarahuëꞌ, ina nohuantërinso nicoꞌ. Inapohuatamaꞌ, noya nanpitoma Yosë quihuitërinpoasoꞌ noꞌpaquë yaꞌconatoma huaꞌanëntaramaꞌ. Shimashonënpoapita shaꞌhuitërinso chachin quëtarinpoaꞌ.

Deuteronomio 8:18

Sinioro achinirinquëma niꞌton, sacatatoma nani maꞌsha maꞌpatëramaꞌ. Shimashonënpoapitarëꞌ anoyataton, shaꞌhuitërinsoꞌ nanicaso marëꞌ catahuarinquëmaꞌ. Ama ina naniantocosohuëꞌ.