Deuteronomio 7:5 - Chayahuita (Shahui)

⁵ Mamanshi chinotacaiso marëꞌ artaroroꞌsa nipisoꞌ, ohuatamaso yaꞌhuërin. Naꞌpiroꞌsantaꞌ, nararoꞌsanta chinotai marëꞌ nipisoꞌ, noyá ataꞌhuantocoꞌ. Mamanshinënanta ahuiquitocoꞌ.

Deuteronomio 7:5 ပူးပေါင်းရင်းမြစ်များ

Éxodo 32:20

Ina quëran toroaꞌhua nonanpisoꞌ masahuaton pënquë tëꞌyatërin. Naporahuaton pëꞌsanin. Noꞌmo noꞌmoshin nipachina, iꞌquë opoitërin. Nani opoitohuachina, ina iꞌsha oꞌocaiso marëꞌ israiroꞌsa camairin.

Éxodo 34:13

Artaroroꞌsa mamanshi chinotacaiso marëꞌ nipisoꞌ, ohuatocoꞌ. Naꞌpirosantaꞌ, nararoꞌsanta chinotopisopita, paꞌquiraꞌpiacoꞌ.

Deuteronomio 7:25

Mamanshinëna chinotopisoꞌ, ahuiquitaramaꞌ. Aꞌnaquën mamanshi oro quëran, prata quëran ina quëranpita tanónën pashitopi. Niꞌcona ina machináchin cancantotamaꞌ. Inapohuatamasoꞌ, co Sinioro nohuantërinsohuëꞌ nisaramaꞌ.

Deuteronomio 9:21

Ina quëran toroaꞌhua nonanamasoꞌ manahuë. Ina marëꞌ oshahuanama niꞌton, pënquë tëꞌyatërahuë. Naporahuaton pëꞌsanahuë. Noꞌmo noꞌmoshin nipachina, motopi quëran iꞌsha oꞌmarinquë opoitërahuë.