Deuteronomio 7:25 - Chayahuita (Shahui)

²⁵ Mamanshinëna chinotopisoꞌ, ahuiquitaramaꞌ. Aꞌnaquën mamanshi oro quëran, prata quëran ina quëranpita tanónën pashitopi. Niꞌcona ina machináchin cancantotamaꞌ. Inapohuatamasoꞌ, co Sinioro nohuantërinsohuëꞌ nisaramaꞌ.

Deuteronomio 7:25 ပူးပေါင်းရင်းမြစ်များ

2 Reyes 23:14

Naꞌpiroꞌsaꞌ, nararoꞌsaꞌ, inapita moshacaiso marëꞌ acopisoꞌ, apaꞌquitëraꞌpiarin. Inapotahuaton atëꞌyatëraꞌpiarin. Inapita acopiquësoꞌ, piyapi nansëroꞌsa acotëraꞌpiapi.

Éxodo 20:17

Ama aꞌnapita maꞌshanën noyapatocosohuëꞌ: Saꞌinaꞌ, piyapinënapita, toronënaꞌ, moranënaꞌ, inapita co noyapatamaso yaꞌhuërinhuëꞌ. Co maꞌshanëna tëranta noyapatamaso yaꞌhuërinhuëꞌ,” itërin Yosëri israiroꞌsa pënënaton.

Éxodo 32:20

Ina quëran toroaꞌhua nonanpisoꞌ masahuaton pënquë tëꞌyatërin. Naporahuaton pëꞌsanin. Noꞌmo noꞌmoshin nipachina, iꞌquë opoitërin. Nani opoitohuachina, ina iꞌsha oꞌocaiso marëꞌ israiroꞌsa camairin.

Éxodo 8:26

—Co naporinhuëꞌ. Coꞌsoꞌ áquë paꞌpatoihuëꞌ, iquipitoroꞌsa Yosë chinotatoi maꞌsha tëparaisoꞌ niꞌsapi. Ina maꞌsharoꞌsaso canpitari mosharama niꞌton, naꞌpiquëtahuatonacoi tëpaponacoi.

Isaías 41:24

Napotopiranquëmahuëꞌ, canpitaso co máquëmahuëꞌ. ¡Co manta nicacasoꞌ nanitaparamahuëꞌ! Chinotiinëmaso marëꞌ huayoninquëmasopitasoꞌ, apiroꞌsa niꞌton, napopi.

Levítico 19:4

Ama mamanshi chinotocosohuëꞌ. Ama huaꞌna asoquirama quëran mamanshi ca pochin chinotamaso marëꞌ nicosohuëꞌ. Caso Yosëco napotaranquëma niꞌton, natëco.

Deuteronomio 12:3

Mamanshi chinotacaiso marëꞌ artaroroꞌsa nipisoꞌ, ohuatamaso yaꞌhuërin. Naꞌpiroꞌsantaꞌ, chinotai marëꞌ nipisoꞌ, paꞌparaꞌpiacoꞌ. Nararoꞌsanta ina marëꞌ nipisoꞌ, ahuiquitocoꞌ. Mamanshinënanta inapotocoꞌ. Ama incari tëranta inapita yonquicaiso marëhuëꞌ inapotocoꞌ.

Deuteronomio 7:16

Canpitaso napoaponahuëꞌ, nisha nisha piyapiroꞌsa Sinioro nohuanton minsëhuatamaꞌ, ataꞌhuantochinacaso yaꞌhuërin. Ama inapitaso nosorocosohuëꞌ. Co mamanshinëna tëranta moshacamaso yaꞌhuërinhuëꞌ. Ina moshahuatamasoꞌ, co huachi noyatatomarahuëꞌ chiminarama huachi.

Deuteronomio 7:5

Mamanshi chinotacaiso marëꞌ artaroroꞌsa nipisoꞌ, ohuatamaso yaꞌhuërin. Naꞌpiroꞌsantaꞌ, nararoꞌsanta chinotai marëꞌ nipisoꞌ, noyá ataꞌhuantocoꞌ. Mamanshinënanta ahuiquitocoꞌ.

Apocalipsis 17:5

Nininën pochin nininsoꞌ tëꞌinquë ninshitopi. Ninshitopirinahuëꞌ, maꞌtaꞌ tapon naporinsoꞌ co piyapiꞌsaꞌ nitotopihuëꞌ. iso sanapisoꞌ papironiaquë yaꞌhuëpisopita pochin cancantërin. paꞌpi monshihuantëꞌ niꞌton, ina aꞌchinin quëran monshihuanpi. nisha nisha co noyahuëꞌ yonquipi topi, ninshitatonaꞌ.