Deuteronomio 7:2 - Chayahuita (Shahui)

² Sinioro nohuanton inapita nacionoꞌsa canahuatamaꞌ, ataꞌhuantamaso yaꞌhuërin. Co nosoroamaso yaꞌhuërinhuëꞌ. Naporahuaton ama inapitarëꞌquëma maꞌsha marëꞌ tëranta anoyatocosohuëꞌ.

Deuteronomio 7:2 ပူးပေါင်းရင်းမြစ်များ

Génesis 14:20

¡Ma noyacha Yosëso chini chiníquën nanantërin paya! itahuaꞌ. Ina nohuanton, inimiconënpita minsëran,” itërin. Naporo Aprani inimicoroꞌsa maꞌsha matërinsoꞌ, shonca quëran aꞌnara Miriquiso quëtërin. Inasoꞌ, diesmo itopi.

Números 21:2

Inapotohuachinara, israiroꞌsaso Sinioro nontatona itaponaꞌ: “Cananoꞌsa minsëaꞌhuaisoꞌ catahuahuatancoi, ninanonënapita ataꞌhuantomiatarai,” itopi.

Deuteronomio 13:9

Tëpamaso yaꞌhuërin. Quëmariꞌton caniaritaran naꞌpiquëtacasoꞌ. Ina quëran, aꞌnapita israiroꞌsanta inapotaponaꞌ.

Deuteronomio 31:5

Sinioro nohuanton inapita nacionoꞌsa nani minsëhuatamaꞌ, yaꞌipi camairanquëmaso chachin nitamaso yaꞌhuërin.

Deuteronomio 33:27

Yaꞌhuëmiatërinso Yosë chachin paꞌpoyarinpoaꞌ. Chini chiníquën nanantaton catahuarinpoaꞌ. Co onporonta sanpataponhuëꞌ. Ina catahuarinpoa niꞌton, inimicoroꞌsa nicatonpoa taꞌananpirinënpoaꞌ. Nani inapita ataꞌhuantacaso marëꞌ nanan quëtërinpoaꞌ.

Deuteronomio 7:16

Canpitaso napoaponahuëꞌ, nisha nisha piyapiroꞌsa Sinioro nohuanton minsëhuatamaꞌ, ataꞌhuantochinacaso yaꞌhuërin. Ama inapitaso nosorocosohuëꞌ. Co mamanshinëna tëranta moshacamaso yaꞌhuërinhuëꞌ. Ina moshahuatamasoꞌ, co huachi noyatatomarahuëꞌ chiminarama huachi.

Deuteronomio 9:3

Iporasoꞌ Sinioro chachin quëchitaton, quëpararinpoa nitotocoꞌ. Inasoꞌ, pën nani maꞌsha ahuiquitërinso pochin ina nacionoꞌsa atapanahuaton, ataꞌhuantarin. Napoaton canpitarisoꞌ aꞌnaromaráchin, aꞌpapomaꞌ. Aꞌnapitaso nipirinhuëꞌ, tiquiapomaꞌ. Sinioro nani shaꞌhuitërinquëmaso chachin nisarin.

Josué 2:14

Napotohuachina aꞌnari itapon: —Inso Israiro quëmapi tërantaꞌ, maꞌsha onpotohuachinquëmaꞌ, Sinioro chachin catocoi tëpaꞌincoi. Quëmahuë nipon, quëmopinënpitahuë nipon, maꞌsha onpotohuachinënquëmaꞌ, inapochincoi. Coꞌsoꞌ anoyatërëhuaso shaꞌhuihuatanhuëꞌ, inapotarainquën. Sinioro iso noꞌpaꞌ quëtohuachincoi, quiyarinta noꞌtën chachin nosoroarainquëmaꞌ, itërin.