Deuteronomio 7:16 - Chayahuita (Shahui)

¹⁶ Canpitaso napoaponahuëꞌ, nisha nisha piyapiroꞌsa Sinioro nohuanton minsëhuatamaꞌ, ataꞌhuantochinacaso yaꞌhuërin. Ama inapitaso nosorocosohuëꞌ. Co mamanshinëna tëranta moshacamaso yaꞌhuërinhuëꞌ. Ina moshahuatamasoꞌ, co huachi noyatatomarahuëꞌ chiminarama huachi.

Deuteronomio 7:16 ပူးပေါင်းရင်းမြစ်များ

1 Corintios 15:33

Ama ina pochin yonquicosohuëꞌ. Niꞌcona aꞌnapita anishacancantochinënquëmaꞌ. “Co noyahuëꞌ nipisopitarëꞌquëmaꞌ nipayahuatamaꞌ, canpitantaꞌ nitapicancanaramaꞌ. Inapita nonanpatamaꞌ, co huachi noyápiachin cancantaramahuëꞌ,” topi iráca. Noꞌtëquën napopi.

Deuteronomio 13:9

Tëpamaso yaꞌhuërin. Quëmariꞌton caniaritaran naꞌpiquëtacasoꞌ. Ina quëran, aꞌnapita israiroꞌsanta inapotaponaꞌ.

Deuteronomio 19:21

Insosona co noyahuëꞌ nipachina, ama nosorocosohuëꞌ. Tëpatohuachina, inanta tëpacaso yaꞌhuërin. Aꞌna piyapi yaꞌpirin tapirayahuachin, inanta tapirayacaso yaꞌhuërin. Natëquën nipantohuachin, inanta inapotacaso yaꞌhuërin. Nantënahuë nipon, imirinahuë nipon tapihuachin, inanta inapotacaiso yaꞌhuërin,” itërin.

Deuteronomio 7:2

Sinioro nohuanton inapita nacionoꞌsa canahuatamaꞌ, ataꞌhuantamaso yaꞌhuërin. Co nosoroamaso yaꞌhuërinhuëꞌ. Naporahuaton ama inapitarëꞌquëma maꞌsha marëꞌ tëranta anoyatocosohuëꞌ.

Deuteronomio 7:25

Mamanshinëna chinotopisoꞌ, ahuiquitaramaꞌ. Aꞌnaquën mamanshi oro quëran, prata quëran ina quëranpita tanónën pashitopi. Niꞌcona ina machináchin cancantotamaꞌ. Inapohuatamasoꞌ, co Sinioro nohuantërinsohuëꞌ nisaramaꞌ.

Jueces 2:12

Sinioro chachin nipirinhuëꞌ, aꞌpopi. Shimashonënpitasoꞌ: “Inaíchin Yosësoꞌ,” taꞌtona imapirinahuëꞌ, inahuaso aꞌpopi. Inari nosoroaton Iquipito quëran ocoipirinhuëꞌ, naniantopi. Ina aꞌporahuatonaꞌ, yaꞌhuëhuanoꞌsa mamanshi moshapisopita moshapatopi. Inapohuachinara Yosëri noꞌhuípiro niꞌnin.

Jueces 2:3

Napoaton iporasoꞌ shaꞌhuitaranquëmaꞌ: Nisha nisha piyapiroꞌsa iporahuanta yaꞌhuëapisoꞌ, co huachi aquëtë aꞌpaarahuëꞌ. Inahuaꞌ, mamanshinënaꞌ, inapita anishacancantarinënquëmaꞌ,” itërin.

Jueces 8:27

Ina oro asoquirahuaton Quitionosoꞌ aꞌnara corto huaꞌan cotonën pochin ninin. Inasoꞌ coton ipoto itopi. Ina nisahuaton ninanonën Opra itopiquë acorin. Inasáchin paꞌyatatona yaꞌipi israiroꞌsasoꞌ, co huachi Sinioroíchin paꞌyatopihuëꞌ. Ina moshaton Quitionontaꞌ, quëmopinënpitarë chachin nisha cancantopi.