Deuteronomio 7:11 - Chayahuita (Shahui)

¹¹ Napoaton yaꞌipi camaitërinsoꞌ, pënëntërinsoꞌ, inapita ipora tahuëri camairanquëmasoꞌ, natëcoꞌ,” itërin Moisësëri.

Deuteronomio 7:11 ပူးပေါင်းရင်းမြစ်များ

Juan 14:15

Ina quëran taantarin: “Nani pënënanquëmaꞌ. Nosorohuatamaco, natëaramaco.

Deuteronomio 4:1

Moisësëri israiroꞌsa nontaton itapon: “Iporaso huachi, Sinioro pënëntërinsoꞌ natëcoꞌ. Camairinquëmasopitantaꞌ, natëcoꞌ. Nani yaꞌipi carinquëma aꞌchintëranquëmaꞌ. Ama topinan quëran natanatomarahuëꞌ, ina nohuantërinso nicoꞌ. Inapohuatamaꞌ, noya nanpitoma Yosë quihuitërinpoasoꞌ noꞌpaquë yaꞌconatoma huaꞌanëntaramaꞌ. Shimashonënpoapita shaꞌhuitërinso chachin quëtarinpoaꞌ.

Deuteronomio 4:5

Yaꞌipi Sinioronënpoa pënëntërinsoꞌ, camaitërinsoꞌ, inapita shaꞌhuitërincosoꞌ nani aꞌchintëranquëmaꞌ. Noꞌpaꞌ manamaquë yaꞌhuëhuatamaꞌ, yaꞌipi inapita natëcoꞌ.

Deuteronomio 7:10

Nipirinhuëꞌ, co Sinioro nosorohuachinahuëꞌ, co huaꞌquiya quëranhuëꞌ ataꞌhuantarin.

Deuteronomio 7:12

Naquëranchin Moisësëri israiroꞌsa nontaantarin: “Iporasoꞌ nani Sinioro camaitërinsopita shaꞌhuitëranquëmaꞌ. Ina natëtomaꞌ, ina inachachin nicoꞌ. Inapohuatamaꞌ, Sinioronënpoa canpoarëꞌ anoyatërinso yonquiarin. Ina yonquiaton noya catahuarinpoaꞌ. Nani shimashonënpoapita shaꞌhuitërin niꞌton, catahuaarinpoaꞌ.

Deuteronomio 8:11

Naquëranchin Moisësë israiroꞌsa nontaantarin: “Sinioronënpoasáchin Yosëso niꞌton, niꞌcona ina naniantotamaꞌ. Niꞌcona camaitërinsopita, pënëntërinsopita, inapita naniantotamaꞌ. Inapita ipora tahuëri shaꞌhuitaranquëmaꞌ.