Deuteronomio 6:16 - Chayahuita (Shahui)

¹⁶ Ama Yosë tënicosohuëꞌ. Ama ina camaicosohuëꞌ. Ina nohuantërinsoráchin yonquicaso yaꞌhuërin. Ama huachi catoro Masaquë naporamaso pochin niantacosohuëꞌ. Noꞌhuichinquëmaꞌ.

Deuteronomio 6:16 ပူးပေါင်းရင်းမြစ်များ

Éxodo 17:2

Napoaton Moisësë noncarotaantapi: —¡Iꞌsha quëtocoi oꞌoi! itopi. —¿Maꞌmarëta caso noncarotaramaco? Inapohuatamara, canpitaso Yosë chachin tëniantaramaꞌ, itërin.

Éxodo 17:7

Moisësëri ina roꞌtë apoyatërin: “Miripa” itërin. Miripasoꞌ, noꞌhuitatona noncaropiquë tapon naporin. Inaquë israiroꞌsaꞌ, Moisësë noncarotopi niꞌton, ina pochin nohuitërin. Naporahuaton Masa itopi antaꞌ, Masasoꞌ, “co natëtopiquëhuëꞌ”, tapon naporin. “Co ipora Yosë aꞌpairinpoahuëꞌ,” topi niꞌton, ina pochin nohuitërin.

Números 20:13

Ina iꞌsha pipirinquë apoyatopi: “Miripa iꞌsha” itopi. Inaquë israiroꞌsa co Sinioro natëtonaraihuëꞌ iꞌsha marëꞌ nonca topi niꞌton, Siniorori noyasáchin nininsoꞌ aꞌnotërin.

Mateo 4:7

—Inca co nohuantërahuëꞌ. Yosë quiricanënquë pënëninpoaꞌ. “Ama Yosë tëniquësohuëꞌ. Ama camaiquësohuëꞌ. Ina nohuantërinsoáchin yonquicasoꞌ yaꞌhuërin,” tënin quiricanënquë, itërin Quisosori.

Lucas 4:12

—Inca co nohuantërahuëꞌ. Yosë quiricanënquë pënëninpoaꞌ. “Ama Yosë tëniquësohuëꞌ. Ama camaiquësohuëꞌ. Ina nohuantërinsoáchin yonquicasoꞌ yaꞌhuërin,” tënin, itërin Quisosori.

1 Corintios 10:9

Naporahuatonaꞌ Sinioronta tënipi: “Co nimara anaꞌintarinpoahuëꞌ,” taꞌtonaꞌ, co noyahuëꞌ nipi. Ina marëꞌ yaꞌhuanatonaꞌ, naꞌa chiminpi.

Deuteronomio 33:8

Nihui huënton israiroꞌsanta yonquiaton, tapon: “Orin, Tomin, inapitaso quëmaquën ninin Sinioro. Quëmari corto huaꞌanoꞌsa quëtëran. Inahuasoꞌ, quëmasáchin cancantërinën. Masa, itopiquë tënirahuaton, Miripa iꞌsha itopiquë chiníquën pënënan. Inaquë chachin piyapinënpita marëꞌ, iꞌsha naꞌpi quëran ocoitëran.