Deuteronomio 6:15 - Chayahuita (Shahui)

¹⁵ Sinioronënpoasoꞌ Yosë niꞌton, niꞌsárinpoaꞌ. Inasoꞌ, paꞌpi aꞌpitërinpoaꞌ. Ina naniantatoma mamanshi moshahuatamaꞌ, noꞌhuitënquëma nanitërin anaꞌintiinquëmasoꞌ. Ina nohuanton naꞌcon naꞌconquëma chiminaramaꞌ.

Deuteronomio 6:15 ပူးပေါင်းရင်းမြစ်များ

Génesis 7:4

Canchisë tahuëri quëran ca nohuanto oꞌnanapon. Catapini shonca tahuëri, tashirë chachin oꞌnamiatapon. ¡Inapotato yaꞌipi isoroꞌpaquë acorahuësopita ataꞌhuantarahuë!” itërin.

Salmos 90:11

¡Co incoi tëranta noꞌhuitonënquë maꞌsha onpotancoisoꞌ, nitotëraihuëꞌ! ¡Co insonta noꞌhuitomiatëransoꞌ, nitotërinhuëꞌ!

Salmos 90:7

Tëhuënchachin anoꞌhuitohuatëinquën, aꞌpayanarancoi. Noꞌhuihuatancoira, ataꞌhuantërancoi.

Éxodo 20:5

Ama monshorahuatoma inapita moshacosohuëꞌ. Ama piꞌpian tëranta chinotocosohuëꞌ. Casáchin Sinioroco niꞌto, aꞌpitëranquëmaꞌ. Co natëhuatamacohuëꞌ, anaꞌintaranquëma huachi. Huiꞌnamapita, shiparimapita, huiꞌnama shinpitaquë huarëꞌ anaꞌintarahuë.

Éxodo 32:12

Inapita ataꞌhuantohuatan, iquipitoroꞌsa pinosarinquën: “Yosëso israiroꞌsa co quëꞌyarinhuëꞌ. Napoaton motopiroꞌsa parti ataꞌhuantacaso marëꞌ, isëran ocoirin, tosapi. Ina niꞌton, ahuantëquëꞌ. Ama inapita maꞌsha onpotëquësohuëꞌ.

Amós 3:2

“Isoroꞌpaquë nisha nisha nacionoꞌsa yaꞌhuëpirinhuëꞌ, canpitasáchin huayonanquëmaꞌ. Inapotopiranquëmahuëꞌ, co noyahuëꞌ ninama niꞌton, anaꞌintaꞌhuanquëmaso yaꞌhuërin.

Amós 9:8

Israiroꞌsanquëmaꞌ, canpitaso naꞌcon oshahuanama nicato, anaꞌintatënquëma ataꞌhuantaranquëmaꞌ. Napoaponahuëꞌ, co noyá ataꞌhuantaponquëmahuëꞌ. Ca Sinioroco noꞌtëquën shaꞌhuitaranquëmaꞌ.

1 Corintios 10:22

Sopairoꞌsaꞌ yonquihuatamaꞌ, Yosë aꞌpitatënquëmaꞌ, noꞌhuiarinquëmaꞌ. ¿Ina nohuantëramaꞌ ti? ¡Inasoꞌ chini chiníquën nanantërin! Canpoasoꞌ co ina pochin chiníquën nanantërëhuahuëꞌ.

Deuteronomio 7:4

Ina pochin nimapachinasoꞌ, inahuaso co Yosë imapihuë niꞌton, huiꞌnama anishacancantarin. Sinioro aꞌpoatonaꞌ, nisha nisha mamanshi chinotapi huachi. Inapohuatamaꞌ, Sinioro noꞌhuiarinquëmaꞌ. Noꞌhuitënquëma aꞌnaromarëáchin ataꞌhuantarinquëmaꞌ.