Deuteronomio 4:8 - Chayahuita (Shahui)

⁸ Tëhuënchachin mini co aꞌna nacion tëranta canpoa pochin yaꞌhuërinhuëꞌ. Aꞌnapitaso co canpoa pochin noꞌtëquënáchin pënëntërinso nanan yaꞌhuëtopihuëꞌ. Camaitërinso nanan tëranta co yaꞌhuëtopihuëꞌ. Inapita canpitasoꞌ, ipora yaꞌipi aꞌchintaranquëmaꞌ.

Deuteronomio 4:8 ပူးပေါင်းရင်းမြစ်များ

Nehemías 9:13

Ina quëran Sinai motopiquë nohuaraimaran. Naporoꞌ inápa quëran noya nicacaiso marëꞌ pënënan, camairan, naporan. Noꞌtën nanan aꞌchintahuaton, yonquínahuan yaꞌhuëcaiso marëꞌ anitotëran. Pënënancoisopita, camairancoisopita, anitotërancoisopita, inapitaso noyasáchin ninin. Chinoto tahuërinta acotëran. Ina tahuëri noya nicatonaꞌ, chinotiinënso marëꞌ acotëran. Piyapinën Moisësë itopiso quëran, yaꞌipi inapita anitotëran.

Salmos 119:138

Yaꞌipi camaitëransopitantaꞌ, noyasáchin camaitëran. Noꞌtëquënáchin shaꞌhuitërancoi.

Salmos 119:144

Camaitëransopitasoꞌ, noꞌtëquënáchin camaitëran. Catahuaco yonquínahuan nicato yaꞌhuëꞌi.

Salmos 89:14

Quëmasoꞌ noya coisë pochin niꞌton, noꞌtëquënáchin yonquiran. Napopináchin piyapiꞌsa nicaton, maꞌsona onpotacasoꞌ noꞌtëquën shaꞌhuiran. Nosorotëransoꞌ, co nisha nisha cancantëransohuëꞌ, ina pochin ninansoꞌ co aꞌporinquënhuëꞌ.

Isaías 42:21

Sinioroso Yosë nichaꞌëtonaꞌpi niꞌton, aꞌchininso noya noya niꞌcaiso marëꞌ naꞌcon naꞌcon nohuantërëhuaso chachin aꞌchinin.

Romanos 3:2

Naꞌcon canapi tënahuë. Yosëri naꞌcon catahuarin. Inahuaꞌton iráca nontërin. Nanamën chachin aninshitërin yaꞌhuëmiatacaso marëꞌ.

Deuteronomio 26:19

Inari yaꞌipi nacionoꞌsa ninin. Napoaponahuëꞌ, canpitaso noya noya acoarinquëmaꞌ. Catahuarinquëma niꞌton, naní quëran nohuitarinënquëmaꞌ. Naporahuaton noya nicatënënquëmaꞌ: ‘Ma noyacha israiroꞌsasoꞌ acorin paya,’ taponaꞌ. Siniorosoꞌ Yosë niꞌton, ina naporinso chachin nohuantarinquëma ina marëꞌ sacatamasoꞌ,” itërin.