Deuteronomio 4:29 - Chayahuita (Shahui)

²⁹ Napoaponahuëꞌ, inaquë niꞌsëma yaꞌipi cancanëma quëran, nisahuaton yaꞌipi huaꞌyanëma quëran Sinioro nontohuatamaꞌ, natanatënquëma catahuaarinquëmaꞌ.

Deuteronomio 4:29 ပူးပေါင်းရင်းမြစ်များ

2 Reyes 23:3

Nani nontohuachina, Yosë pëinën yaꞌcoanaquë panca onë pochin nininsoꞌ pirayan huanirin. Inaquë huanirahuaton, Sinioro natëcaiso marëꞌ shaꞌhuitërin. Yaꞌipi cancanëna quëran huarëꞌ pënëntërinsoꞌ, camaitërinsoꞌ, inapita natëcaisoꞌ shaꞌhuitërin. Siniororë anoyatopiso natëcaisontaꞌ, shaꞌhuitërin. Yaꞌipi inapitasoꞌ, pënëntërinso quiricaquë ninshitopinan nani yaꞌhuërin. Ina pochin shaꞌhuihuachina, yaꞌipi niyontonpisopitantaꞌ, ina pochachin natëcaisoꞌ Sinioro shaꞌhuitopi.

Nehemías 1:9

Napoaponahuëꞌ, co noyahuëꞌ yonquiramasopita aꞌporahuatoma casáchin tahuërëtaantahuatamaco, noya niꞌsaranquëmaꞌ. Camaitërahuësopita noya natëantahuatamaꞌ, huayonahuëso noꞌpaquë chachin chinotaantaramaco. Noꞌpaꞌ nanirinquë huarëꞌ quëpapirinënquëmahuë tërantaꞌ, isëquë chachin quëantaranquëmaꞌ,’ itërancoi.

Nehemías 9:27

Napoaton inimiconënapitari canaipi. Inapitari huaꞌanëntatona aparisitopi. Parisitatona nontohuachinën, quëmarisoꞌ nosoroantaran. Inápa quëran natanahuaton, catahuaran. Quëma nohuanton huaꞌanoꞌsa huanipi. Aparisitopisopita aꞌpacaiso marëꞌ huanipi.

Salmos 119:145

(-)

Joel 2:12

Sinioroso nipirinhuëꞌ, tapon: “Yaꞌipi cancanëma quëran casáchin chinotoco. Ayono nicatoma chiníquën nontoco. Oshanëma yonquiatoma naꞌnëcoꞌ,” tënin.

Deuteronomio 10:12

Naquëranchin Moisësëri israiroꞌsa nontaantarin: “Israiroꞌsanquëma ninamasoꞌ, noya natancoꞌ. Maꞌsona noya nicacasoꞌ Sinioro nohuantërinsoꞌ shaꞌhuichinquëmaꞌ. Ina tëꞌhuatatë noya niꞌcasoꞌ nohuantërin. Noya nicatë natëcasoꞌ. Yaꞌipi cancanënpoa quëran, yaꞌipi huaꞌyanënpoa quëran nosoroatëꞌ, chinotacaso nohuantërin.

Deuteronomio 26:16

Naquëranchin Moisësëri israiroꞌsa nontaantarin: “Sinioroso Yosënënpoa niꞌton, ipora tahuëri yaꞌipi pënëntërinsopita, noꞌtëquën natëcamaso marëꞌ camairinquëmaꞌ. Camaitërinsopitantaꞌ, inapotocoꞌ. Yaꞌipi cancanëma quëran nisahuaton yaꞌipi huaꞌyanëma quëran inapita natëcoꞌ.

Deuteronomio 30:10

Yaꞌipi Yosë camaitërinsopita, pënëntërinsopita, inapita iso quiricaquë nani ninshitërahuë. Inasáchin tahuërëtaantatomaꞌ, yaꞌipi cancanëma quëran natëcoꞌ. Nisahuaton yaꞌipi huaꞌyanëma quëran ina natëhuatamaꞌ, shaꞌhuitëranquëmaso chachin catahuarinquëmaꞌ.

1 Samuel 7:3

Napoaton Samoirori inapita itapon: “Yaꞌipi cancanëma quëran, Sinioroíchin yanatëhuatamaꞌ, nisha nisha mamanshiroꞌsa mosharamasoꞌ, aꞌpocoꞌ. Asotariti itopisoꞌ mamanshiroꞌsanta aꞌporahuatomaꞌ, Sinioroíchin cancantocoꞌ. Inasáchin chinotohuatamaꞌ, huiristinoꞌsa huaꞌanëntërinpoa quëran nichaꞌësarinpoaꞌ,” itërin.