Deuteronomio 4:21 - Chayahuita (Shahui)

²¹ Napoaponahuëꞌ, canpita naꞌin quëran cantaꞌ, noꞌhuirinco: ‘Caso Yosëco niꞌto, co Cortaniiꞌ pëntontahuaton noyaroꞌpaquë yaꞌconaranhuëꞌ,’ itërinco. Inasoꞌ noꞌpaꞌ, canpitari huaꞌanëntarama huachi.

Deuteronomio 4:21 ပူးပေါင်းရင်းမြစ်များ

Números 20:12

Moisësë, Aaron, inapitaso napoaponahuëꞌ, Yosëri itapon: —Canpitaso co natëtapomarahuëꞌ naporamaꞌ. Ina niꞌton, israiroꞌsa co chinotërinacohuëꞌ. Yaꞌipi cancanëma quëran natëtoma naporama naporini, israiroꞌsa chinochitonacohuëꞌ. Chinotatonaco: “¡Ma noyacha inaso paya!” ichitonacohuëꞌ. Napoaton canpitantaꞌ, noꞌpaꞌ quëtaranquëmaquë co yaꞌconaramahuëꞌ, itërin.

Deuteronomio 12:9

Iporaso Yosë noꞌpaꞌ quëtërinpoaquë, co yaꞌconchátërarëhuahuëꞌ. Sinioro noꞌpaꞌ quëtohuachinquëmaꞌ, sano cancantaramaꞌ. Inaquë natëcamaso marëꞌ pënënaranquëmaꞌ.

Deuteronomio 26:1

Naquëranchin Moisësëri israiroꞌsa nontaponahuëꞌ, aꞌnaya aꞌnaya pochin pënënarin: “Sinioroso Yosënënpoa niꞌton, noꞌpaꞌ quëtarinquën huaꞌanëntacaso marëꞌ. Inaquë yaꞌconaton iminpatan, yaꞌnan cayarinsopitaꞌton, masaran. Iꞌmëquë poꞌmorahuaton, insëquësona ina chinotacaso pëiꞌ acocaso Sinioro huayoninquë quëpaaran.

Deuteronomio 31:2

“Nani caso pasa cato shonca piꞌipitërahuë. Co huachi nanitërahuëꞌ áquë paꞌsápaꞌhuasoꞌ. Naporahuaton Sinioro chachin nani shaꞌhuitërinco: ‘Quëmasoꞌ co Cortaniiꞌ pëntontaranhuëꞌ,’ itërinco.