Deuteronomio 4:19 - Chayahuita (Shahui)

¹⁹ Piꞌiroꞌtënta nëꞌpëhuatamaꞌ, niꞌcona piꞌi, yoqui, tayoraroꞌsaꞌ, inapita quënanatoma moshachináchin cancantotamaꞌ. Inapitasoꞌ yaꞌipi piyapiꞌsa aꞌpintacaso marëꞌ acorin. Canpoaso nipirinhuëꞌ, Yosëíchin chinotacaso yaꞌhuërin.

Deuteronomio 4:19 ပူးပေါင်းရင်းမြစ်များ

Génesis 1:14

Ina quëran Yosë taantarin: “¡Aꞌpininsopita piꞌiroꞌtëquë yaꞌhuëꞌin. Tahuëri, tashi aꞌpintacaso marëꞌ yaꞌhuëꞌin. Inapita aꞌpinpachina, tahuëri, tashiꞌ, nisha nisha acoarin. Naporahuaton yoquiroꞌsaꞌ, piꞌipiroꞌsaꞌ, inapitanta piyapiroꞌsa nitotapi huachi!” tënin. Topachina, inachachin yaꞌhuërin huachi.

Génesis 2:1

Inapoaton Yosë: Isoroꞌpaꞌ, piꞌiroꞌtëꞌ, yaꞌipi inaquëpita yaꞌhuërinsopitarë chachin tënirin huachi.

2 Reyes 23:11

Iráca copirnoroꞌsari piꞌi moshacaiso marëꞌ toronan cahuarionënpitarë chachin acotopi. Inapitasoꞌ Sinioro chinotacaso pëi yaꞌcoanaquë acopi. Ina pirayan Natan-mirico huaꞌan yaꞌhuërin. Ina huaꞌani cahuarioroꞌsa ina marëꞌ acopisoꞌ aꞌpairin. Napopirinahuëꞌ Cosiasëri ina cahuarioroꞌsa aosërëtërin. Toronanta aꞌpërahuaton ahuiquitërin.

Nehemías 9:6

Istrasëntaꞌ, Yosë nontaton tapon: “Quëmasáchin Sinioronquën. Quëmari yaꞌipi piꞌiroꞌtë acoran. Yaꞌipi yaꞌhuërinsopitarë chachin ninan. Isoroꞌpaꞌ, marë, inapitanta ninan. Yaꞌipi inaquëpita yaꞌhuërinsopitarë chachin acoran. Quëma nohuanton yaꞌipi yaꞌhuëapi. Quëma nohuanton chachin yaꞌipi nanpiapi. Piꞌiroꞌtëquë yaꞌhuërinsopita chinotarinën.

Salmos 19:3

Nonpisoꞌ co natanëhuahuëꞌ. Topinan tanahuantárin.

Jeremías 19:13

Quirosarinquë pëiroꞌsa yaꞌhuërinso aipi, yonarin pochin nininsoꞌ tayoraroꞌsa moshacaiso marëꞌ aꞌpëpi. Nisha nisha mamanshiroꞌsa marëntaꞌ, huino opopi. Copirnoroꞌsa huaꞌanëntopiso pëiroꞌsa aipinta inapopi niꞌton, amirotochináchin niꞌnahuë. Yaꞌipi inapita pëiroꞌsaꞌ, Tohuito amirotochináchin niꞌnahuëso pochachin niꞌsarahuë, tënin Sinioro,’ itaantaquëꞌ,” itërinco.

Jeremías 31:35

Siniorosoꞌ, yaꞌipi nanitaparin. Ina nohuanton piꞌisoꞌ, tahuëri aꞌpinin. Yoqui, tayora, inapitaso tashi aꞌpinin. Ina nohuanton marënta coꞌsacaitohuachina, tënëntërin. Ina Sinioro chachin naporin:

Ezequiel 18:6

Co motopiaꞌhuaroꞌsaquë mamanshi moshacaso marëꞌ maꞌsha acopisoꞌ caꞌpatërinhuëꞌ. Co inapitari catahuacaso ninarinhuëꞌ. Co saꞌina caꞌpatërinhuëꞌ. Saꞌin inachintërinso quënanpachina, co tëcaririnhuëꞌ.

Mateo 5:45

Inapotohuatamaꞌ, Yosë pochin cancantaramaꞌ. Inasoꞌ yaꞌipi piyapiꞌsaꞌ nosororin. Ina nohuanton, piꞌi, oꞌnan, inapita yaꞌhuërin noya nanpicaso marëꞌ. Co imarinsopita marëáchin piꞌi aꞌpininhuëꞌ. Noya nipisopita, oshahuanoꞌsantaꞌ, yaꞌipiya aꞌpintërin. Naporahuaton, oꞌnaontaꞌ napopianachin acotërinpoaꞌ maꞌsha apapotacaso marëꞌ.

Hechos 7:42

Napoaton Yosëri tananpitërin. Tananpitohuachina, maꞌsha inápaquë yaꞌhuërinsopita moshapi. Piꞌi, yoqui, tayora, inapita moshapi. Pënëntonaꞌpi iráca Yosë quiricanënquë ninshitaton, tapon: “Israiroꞌsaꞌ nontaton, Yosëri itërin: ‘Catapini shonca piꞌipi inotëro parti paasëmaꞌ maꞌsha tëpahuatamara, co chinotatomaco naporamahuëꞌ.

Romanos 1:25

Yosëri noꞌtëquën anitotopirinhuëꞌ, ina aꞌporahuatonaꞌ, nonpin nanan natëpi. Maꞌsha isoroꞌpaquë yaꞌhuërinsopita moshatonaꞌ, chinotopi. Yosëriáchin yaꞌipiya ninin nipirinhuëꞌ, co inasoꞌ chinotopihuëꞌ. Tëhuënchachin inasáchin chinotacasoꞌ yaꞌhuërin, tënahuë. Amen.

Deuteronomio 13:10

Tëpama huarëꞌ naꞌpiquëtamaso yaꞌhuërin. Sinioro imaran quëran yanishacancantërinquën niꞌton, inapotaran. Siniorosoꞌ Yosë niꞌton, Iquipito quëran nichaꞌërinquën. Inaquë quëmasoꞌ chiníquën asacatatënën aparisitapirinënquënhuëꞌ, ina ocoirinquën.

Deuteronomio 13:5

Siniorosoꞌ Yosë niꞌton, Iquipito quëran nichaꞌërinquëmaꞌ. Inaquë canpitasoꞌ, chiníquën asacatatënënquëma aparisitërinënquëmaꞌ. Inapotopirinënquëmahuëꞌ, inasáchin chinotamaso marëꞌ ocoirinquëmaꞌ. Ina pënëntonaꞌpi yanishacancantërinquëmasoꞌ, tëpamaso yaꞌhuërin. Maꞌsona tapon huaꞌnapiso shaꞌhuinaꞌpihuë nipon, inapotohuachinquëma tëpamaso yaꞌhuërin. Inso tëranta co noyahuëꞌ cancantaton inapotohuachinquëmaꞌ, tëparahuatoma acopitocoꞌ.