Deuteronomio 4:14 - Chayahuita (Shahui)

¹⁴ Pënëntërinsopita, camaitërinsopita, inapita aꞌchintaꞌhuanquëmaso marëꞌ canta camairinco. Noꞌpaꞌ quëtarinquëmaquë yaꞌconpatama natëcamaso marëꞌ, aꞌchintaranquëmaꞌ,” itërin.

Deuteronomio 4:14 ပူးပေါင်းရင်းမြစ်များ

Deuteronomio 4:13

Shonca nanan pënëninpoa quëran, Sinioro canpoarë anoyatërinso anitotërinpoaꞌ. Inapita cato naꞌpitëaꞌhuaquë ninshitërin. Ina quëtahuatonpoa camairinpoa noꞌtëquën natëcaso marëꞌ.

Deuteronomio 4:15

Moisësësoꞌ, israiroꞌsa nontaton itaantapon: “Sinai motopiquë Siniorosoꞌ, pën huáncana quëran nontërinpoaꞌ. Noninsoꞌ mini natanapomarahuëꞌ, naporo co manta quënanamahuëꞌ. Niꞌcona nitapicancanatoma mamanshi nipatamaꞌ. Quëmapi, sanapi, maꞌsharoꞌsaꞌ, anpiantëhuanoꞌsaꞌ, samiroꞌsaꞌ, inapita pochin yaꞌnorinso nitamaꞌ.

Deuteronomio 4:2

Sinioroso Yosënënpoa niꞌton, natëcaso marëꞌ naꞌcon camairinquëmasoꞌ, nani shaꞌhuitëranquëmaꞌ. Ama ina apancatocosohuëꞌ. Naporahuaton ama aꞌna nananya tëranta apahuantocosohuëꞌ.