Deuteronomio 34:4 - Chayahuita (Shahui)

⁴ Naporoꞌ Siniorori itapon: “Iso mini noꞌpaꞌ, Apraan, Isaco, Cacopo, inapita: ‘Caso Yosëco niꞌto, iso noꞌpaꞌ shiparimapita quëtarahuë,’ taꞌto shaꞌhuitërahuësoꞌ. Quëmaora yaꞌpiranën quëran chachin niꞌcamaso nohuantato, aꞌnotëranquën. Napoaponahuëꞌ, quëmasoꞌ co inaquë yaꞌconaranhuëꞌ,” itërin.

Deuteronomio 34:4 ပူးပေါင်းရင်းမြစ်များ

Génesis 12:7

Inaquë Siniorori, Apran yaꞌnotahuaton, itërin: “Yaꞌipi iso noꞌpaꞌ, shiparinpita quëtarahuë huaꞌanëntaponaꞌ,” itërin. Naporo chachin Apran Sinioro chinotacaso marëꞌ aꞌnara artaro ninin. Inaquë yaꞌnotërin niꞌton, chinotërin.

Génesis 13:15

Yaꞌipi noꞌpaꞌ niꞌnansoꞌ, carinquën huaꞌanëntacaso marëꞌ quëtaranquën. Quëmari huaꞌanëntomiataran. Naporahuaton, shiparinpitarinta huaꞌanëntomiataponaꞌ.

Génesis 17:8

Yaꞌipi Canaan noꞌpaꞌ ipora yaꞌhuëranquë, huaꞌanëntacaso marëꞌ quëtaranquën. Shiparinpitanta iso noꞌpa chachin huaꞌanëntomiataponaꞌ. Inapitantaꞌ, casáchin chinotaponaco, itërin.

Génesis 26:3

Ipora marësoꞌ, iso noꞌpaquë yaꞌhuëtacoꞌ. Carinquën caꞌtanatënquën catahuararanquën. Yaꞌipi iso noꞌpaꞌ, carinquën quëtaranquën. Shiparinpitantaꞌ, ina chachin quëtarahuë. Tataparin Apraan nani shaꞌhuitërahuë niꞌton, quëtaranquëmaꞌ.

Génesis 28:13

Naporahuaton, Sinioro chachiontaꞌ, ina pirayan huaniarin niꞌnin. Inari nontaton, itapon: “Caso Sinioroco. Quëmaquën Tata masho, Apraan itopisoꞌ chinotërinco. Tata parionta chinotërinco. Quëhuëntëransoꞌ noꞌpaꞌ quëtaranquën. Shiparinpitantaꞌ, iso noꞌpa chachin huaꞌanëntaponaꞌ. Isoso noꞌpaꞌ, Canaan itopi.

Números 20:12

Moisësë, Aaron, inapitaso napoaponahuëꞌ, Yosëri itapon: —Canpitaso co natëtapomarahuëꞌ naporamaꞌ. Ina niꞌton, israiroꞌsa co chinotërinacohuëꞌ. Yaꞌipi cancanëma quëran natëtoma naporama naporini, israiroꞌsa chinochitonacohuëꞌ. Chinotatonaco: “¡Ma noyacha inaso paya!” ichitonacohuëꞌ. Napoaton canpitantaꞌ, noꞌpaꞌ quëtaranquëmaquë co yaꞌconaramahuëꞌ, itërin.

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Deuteronomio 1:8

Nani yaꞌipi ina noꞌpaꞌ carinquëma quëtëranquëma huaꞌanëntamaso marëꞌ. Napoaton paꞌsahuatomaꞌ, ina noꞌpaꞌ máco huachi. Iráca shimashonëmapita Apraan, Isaco, Cacopo, inapita nani shaꞌhuitërahuë: ‘Caso Sinioroco niꞌto, quëtaranquëmaꞌ, itërahuë,’ itërinpoaꞌ,” tënin Moisësë.

Deuteronomio 32:52

Napoaton aquëran israiroꞌsa noꞌpaꞌ quëtarahuësoꞌ notëaran. Co inaquë yaꞌconaranhuëꞌ,” itërin.