Deuteronomio 34:10 - Chayahuita (Shahui)

^10-12 Napoaponahuëꞌ, co huachi onporo tëranta israiroꞌsa yaꞌhuërinquë pënëntonaꞌpi Moisësë pochin yaꞌhuaantarinhuëꞌ. Inaíchin Siniororëꞌ aꞌninquëchin ninontërin. Siniorori camairin niꞌton, nani maꞌsha paꞌpi huëhuëpiro nininsopita Iquipito copirno anaꞌintacaso marëꞌ ninin. Ina catahuapisopita huaꞌanoꞌsaꞌ, yaꞌipi piyapinënpita, inapitanta anaꞌintacaso marëꞌ naporin. Israiroꞌsa niꞌtonënquënta chiníquën nanantaton, maꞌpitaso nicaton aꞌpayanin. Ina piquëransoꞌ, co huachi insonta ina pochin nanitaparinhuëꞌ.

Deuteronomio 34:10 ပူးပေါင်းရင်းမြစ်များ

Éxodo 11:3

Moisësëri shaꞌhuitërinso chachin, israiroꞌsaso maꞌsha natantacaiso marëꞌ paꞌpi. Paꞌpachinara, Yosë nohuanton iquipitoroꞌsa co noꞌhuitopihuëꞌ. Maꞌsona natantopisoꞌ quëtopi. Moisësënta tëꞌhuatatona noya niꞌpi. Copirno catahuapisopita huaꞌanoꞌsarinta ina pochachin Moisësë niꞌpi.

Éxodo 33:11

Yosëso Moisësë yanontohuachina, inaora chachin nontërin. Nipayarëhuasoꞌ nontërëso pochin ninin. Nani ninontohuachinara, Moisësëso yaꞌhuëpiquë huëantarin. Piyapinën Cosoi itopisoso nipirinhuëꞌ, co onporonta ina quëran pipichininhuëꞌ. Cosoisoꞌ, Non huiꞌnin. Naporoꞌ inasoꞌ, co saꞌayátërarinhuëꞌ.

Éxodo 8:13

Nontërinso chachin Yosëri aꞌpanirin. Yaꞌipi huariraroꞌsa pëiroꞌsaquë, aipiran, iminoꞌsaquë, inaquëpita yaꞌhuërinsoꞌ, taquipi huachi.

Hechos 7:37

Moisësëri chachin inapita itërin: “Aꞌna tahuëri Yosë nohuanton, aꞌna pënëntonaꞌpi yaꞌhuapon, ca pochin nininsoꞌ. Inantaꞌ Israiro quëmapi nisarin,” tënin.