Deuteronomio 33:7 - Chayahuita (Shahui)

⁷ Cota huënton israiroꞌsanta yonquiaton, tapon: “Cota huënton israiroꞌsa nontohuachinquën, noya natanaton Sinioro catahuaquëꞌ. Niaꞌpopiso piquëran quëma nohuanton aꞌnapita israiroꞌsarëꞌ, aꞌna huëntoíchin niantaꞌinaꞌ. Chini chiníquën nanantaton paꞌpoyaquëꞌ. Catahuaquë ama inimiconënpitari minsëinasohuëꞌ,” itërin.

Deuteronomio 33:7 ပူးပေါင်းရင်းမြစ်များ

2 Samuel 5:1

Ina piquëran, yaꞌipi Israiro ansianoroꞌsa Ipronquë paꞌpi. Inaquë Tapi quënanconahuatonaꞌ, itaponaꞌ: “Canpoasoꞌ, israiroꞌsanpoaráchin.

2 Samuel 5:19

Napoaton Tapisoꞌ Sinioro natanin: —¿Huiristinoꞌsa ahuëcaꞌhuaso marëꞌ paꞌi? ¿Quëma catahuaponco inapita minsëaꞌhuasoꞌ to? itërin. Napotohuachina, inariso itapon: —Paapaton ahuëconquëꞌ. Carinquën catahuaranquën inapita minsëamasoꞌ, itërin.

2 Samuel 5:24

Ina nararoꞌsa huiꞌnimotënquë piyapiꞌsa iratërinso pochin natanaramaꞌ. Ina natanpatamaꞌ, ahuëtocoꞌ. Cá chachin quëchitato huiristinoꞌsa tiquiarahuë. Ina nitotamaso marëꞌ ina pochin natanaramaꞌ, itërin.

Salmos 89:24

Cari nosoroato catahuarápo. Ca nohuanton chini chiníquën nanantapon.

Miqueas 5:2

Naquëranchin Sinioro taantarin: “Pirin ninanosoꞌ, Iporata itopi antaꞌ. Inasoꞌ ninanoꞌ, aꞌnapita ninanoroꞌsa Cota huëntonquë yaꞌhuërin quëran nani naniaꞌhuaya. Ina niponahuëꞌ, yaꞌipi israiroꞌsa huaꞌanëntacaso marëꞌ inaquë aꞌnara copirno nasitapon. Ina shimashonënpitasoꞌ, iráca quëran huarëꞌ yaꞌhuëpi,” tënin.

Malaquías 3:1

Yosë yaꞌipi nanitapaton shaꞌhuitaantarinquëmaꞌ: “Niꞌcoꞌ. Co huaꞌquiya quëranhuëꞌ, comisionëhuë aꞌpararahuë. Inasoꞌ, pënënatënquëma cancanëma anoyatarinquëmaꞌ. Noya ninarëso pochin nicasëmaꞌ, Sinioro oꞌmacaso marëꞌ napoarin. Ina Sinioro huaꞌqui ninarápiramahuëꞌ, aꞌnanaya chinotëramacoso pëiquë yaꞌconarin. Canpitaroꞌco anoyatërahuëso anitotiinquëmaso marëꞌ aꞌparahuësoꞌ, nani oꞌmacaso naniriarin. Ina canpitasoꞌ, naꞌcon nohuantërama niꞌcamasoꞌ.

Lucas 19:27

Co nohuantërinacosopitaso nipirinhuëꞌ maconcoꞌ. Isëquë chachin tëpacoꞌ,’ tënin,” itërin Quisosori.

1 Corintios 15:25

Ina nohuanton, Quisocristo chiníquën nanantarin. Yaꞌipi huaꞌanëntarin. Aꞌna tahuëri yaꞌipi inimicoroꞌsaꞌ minsëarin.