Deuteronomio 33:29 - Chayahuita (Shahui)

²⁹ ¡Mainacha canpoasoꞌ israiroꞌsanpoa ninëhua paya! Co inso nacion tërantaꞌ, canpoa pochin nininhuëꞌ. Sinioro chachin nichaꞌërinpoaꞌ. Ina chachin paꞌpoyarinpoaꞌ. Catahuarinpoaꞌ, napotërinpoaꞌ. Inimiconënpoapita, sahuëninënpoa quëran minsërëhuaꞌ. Ina pochachin Sinioronta catahuarinquëmaꞌ, inimicoroꞌsa minsëaramaꞌ. Inimiconëma ahuërapiramahuëꞌ, co nanitatonaraihuëꞌ moshaponëmaꞌ: ‘Ama huachi niahuëaꞌhuasohuëꞌ. Nohuantëramasoꞌ natancoi quëchinquëmaꞌ,’ itaponënquëmaꞌ. Inapotatoma atapanapoma huachi,” itërin Moisësë israiroꞌsa nontaton.

Deuteronomio 33:29 ပူးပေါင်းရင်းမြစ်များ

Génesis 15:1

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

2 Samuel 22:3

Quëmaso Yosënquën. Quëmasáchin imaranquën. Panca naꞌpiana noyá yaꞌcopirinco. Iscotontaꞌ, noya paꞌpoyarinco. Inapochachin quëmanta noya paꞌpoyaranco. Chiníquën nanantaton nichaꞌëranco. Ina inápa natëtëquë noya naꞌpirëꞌ, inapochachin quëmanta noya yaꞌcopiranco. Inimicoroꞌsa quëran nichaꞌëranco. Noꞌhuitërayaroꞌsa yatëpapirinacohuëꞌ, nichaꞌëranco.

2 Samuel 22:45

Nisharoꞌsa niponaraihuëꞌ, natëinacoso nohuantopi. Maꞌsona camaihuatora aꞌnaroáchin natërinaco.

2 Samuel 7:23

Israiroꞌsacoisoꞌ, piyapinënpitacoi. Nishatërai niꞌton, co aꞌna nacion tëranta quiya pochin yaꞌhuërinhuëꞌ. Iquipito quëran nichaꞌërahuatoncoi, huaꞌanëntërancoi. Nisha nisha nacionoꞌsa isëquë yaꞌhuëpirinahuëꞌ, ocoiran. Inapitasoꞌ nisha nisha mamanshi moshapirinahuëꞌ, napotëran. Huëhuëpiro nitaton ocoiran niꞌton, sacóshin nahuinan.

Salmos 1:1

Cancanënpoa quëran huarëꞌ Yosë imapatëhuaꞌ, noya niꞌsarinpoaꞌ. Ina marëꞌ tëhuënchachin noya cancantarihuaꞌ. Co noyahuëꞌ nipisopitasoꞌ, yaanishacancantërinënpoaꞌ. Yainapotohuachinënpoaꞌ, ¡ama natëahuasohuëꞌ! Oshahuanoꞌsa napopisoꞌ, ¡ama nonanapatahuasohuëꞌ! Aꞌnaquënsoꞌ, Yosë yatëhuapi. ¡Co inapita payacaso yaꞌhuërinhuëꞌ!

Salmos 32:1

Insosona tëhuëaton oshahuanpirinhuëꞌ, Yosëri noyá inquitohuachina, tëhuënchachin capa cancanchin.

Salmos 32:2

Oshanënpoa Yosë shaꞌhuitohuatëra, inquitërinpoaꞌ. Inquitërinpoa niꞌton, inaso co piꞌpian tëranta ina yonquirinhuëꞌ.

Salmos 33:12

Sinioro piyapinënpitasoꞌ capa cancanchinaꞌ. Inari huayoninsopita napoꞌinaꞌ.

Salmos 33:20

Quiyasoꞌ Sinioroíchin chinotërai. ¡Ina paꞌpoyatoncoi catahuarincoi!

Salmos 66:3

“Nani maꞌsha acoransopitasoꞌ, paꞌyápiro ninan. Chini chiníquën nanantëran niꞌton, inimiconënpita tëꞌhuatatënën, anotatonaꞌ: ‘Tomonca,’ tëcaponaꞌ.

Salmos 84:11

Siniorosoꞌ Yosë niꞌton, paꞌpoyarinpoaꞌ. Aꞌpintatë pochin catahuarinpoa noꞌtëquën yonquicasoꞌ. Noyasáchin nipatëhuaꞌ, nosororinpoaꞌ. Noya nicatonpoaꞌ, noya nininsoꞌ co apiratërinpoahuëꞌ.

Isaías 45:17

Israiroꞌsanpoaso nipirinhuëꞌ, Sinioro nichaꞌërinpoaꞌ. Yaꞌhuëmiatacaso marëꞌ nichaꞌërinpoaꞌ. Co onporonta taparo nisarëhuahuëꞌ.

Isaías 58:14

Ina pochin ina tahuëri niꞌpatamaꞌ, ca yonquiatomaco capa cancantaramaꞌ. Ahuëtatona canatohuachinara, paꞌyatacaiso marëꞌ motopiroꞌsa quëpatopi. Inapita quëpapiso pochin carimanta noya nisarama niꞌton, quëpaponquëmaꞌ. Cacopo quëran pipirama niꞌton, ina noꞌpaꞌ quëtërahuëquë noya noyatërinsopita aꞌcaponquëmaꞌ. Inapotohuatënquëmaꞌ, capa cancantarama huachi,” tënin.

Amós 8:7

Inaporamaso marëꞌ Sinioro tapon: “Caso Sinioroco niꞌto, israiroꞌsanquëma chinotopiramacohuëꞌ, co onporonta naporamaso naniantarahuëꞌ.

Habacuc 3:19

Sinioro achinicancaninco niꞌton, noya cancantarahuë. Motopi yo co osharinhuëꞌ taꞌapon. Huëhuëpiro motopiroꞌsa paꞌtohuachina co macari masarinhuëꞌ. Inapochachin canta Sinioro achinicancaninco niꞌton, maꞌsha onpoaporahuënta chiníquën cancantarahuëꞌ.

Números 24:5

Cacopo shinpitanquëma ninamasoꞌ: ¡Ma noyápiachincha nëꞌmëtë pëinëmaso paya! Israiroꞌsanquëma ninamasoꞌ: ¡Ma noyápiachincha yaꞌhuëramaso paya!

Deuteronomio 32:13

Motopiroꞌsa parti quëninpoaꞌ. Catahuarinpoa niꞌton, inimicoroꞌsa minsërëhuaꞌ. Nisha nisha nitërinsopita aꞌcarinpoaꞌ. Natëtëquë ninoiꞌ yaꞌhuërinso oꞌshitërinpoaꞌ. Naꞌpiro nininquë oripo nararoꞌsa huanirin. Ina quëran toma ocoiaton quëtërinpoaꞌ.

Deuteronomio 4:32

Shimashonëmapita nosoroaton huayoninquëmaꞌ. Chiníquën nanantaton Iquipito quëran nichaꞌërinquëmaꞌ. Aꞌnapitaso canpita quëran chini chiníquënoꞌsaꞌ. Napopirinahuëꞌ, canpitari yaꞌhuërëtamaso marëꞌ inapitaso noꞌpanëna quëran Yosëri aꞌpararin. Ipora tahuëriꞌsa napoarinso chachin aꞌpararin. Inta nipachin yonquiricoꞌ: Coꞌhuara canpita yaꞌhuëyátërasënquëmahuëꞌ, yaꞌnan piyapi Yosëri ninin quëran huarëꞌ napopisoꞌ yonquiricoꞌ. Naporahuaton nisha nisha piyapiꞌsa isoroꞌpaquë yaꞌhuëpisopita natanicoꞌ. Natanpiramahuëꞌ: ¡Co onporo tëranta inahuasoꞌ, canpoa Yosë catahuamiatërinpoaso pochin catahuarinsoꞌ, shaꞌhuitaponënquëmahuëꞌ! Canpoasoꞌ, Yosë chachin pën huáncana quëran nontërinpoaso natanëhuaꞌ. Natanarihuarahuë co chiminëhuahuëꞌ. ¡Co inso nacionquë tëranta inapopihuëꞌ! Canpoasoꞌ, aꞌnapita nacionoꞌsa quëran Yosë huayoninpoaꞌ. Huayonatonpoaꞌ, acorinpoaꞌ piyapinënpita nicacaso marëꞌ. Ina marëꞌ iquipitoroꞌsa Yosëri tëniton, aparisitërin. Nisha nisha maꞌsha sacai nininsopita aꞌnotërin. Ina, yaꞌhuërënamënpoa iquipitoroꞌsa ahuëaton, aꞌpayanin. Inapoaton chiníquën nanantërinsoꞌ aꞌnotërinpoaꞌ. ¡Tëhuënchachin co intopa tëranta Yosë pochin mamanshiroꞌsa nipihuëꞌ! ‘Sinioroíchin Yosësoꞌ. Co aꞌna ina pochin yaꞌhuërinhuëꞌ,’ taꞌcamaso marëꞌ nani maꞌsha ninin. Inápa quëraonta pënënainquëmaso marëꞌ nontërinquëmaꞌ. Isoroꞌpaquëntaꞌ, panca pën aꞌnotërinpoaꞌ. Ina huáncana quëran nontërinpoasonta natanëhuaꞌ.

1 Timoteo 4:10

Ina marëꞌ paatëhuaꞌ, Yosë nanamën shaꞌhuirárëhuaꞌ. Parisitarihuarahuëꞌ, aꞌchinárëhuaꞌ. Yosëíchin ninarëhuaꞌ. Inasoꞌ nanpiarin niꞌton, yaꞌipi piyapi nichaꞌëcasoꞌ nohuantërin. Natëhuatëhuaꞌ, anoyacancantatonpoaꞌ, nichaꞌësarinpoaꞌ.

Apocalipsis 1:16

Inchinan imirin quëran canchisë tayora pochin nininsoꞌ sëꞌquërin. Naporahuaton, nanamën quëran sahuëni pochin nininsoꞌ pipirarin. Cato quëran chachin toꞌnapinan. Yaꞌipi yaꞌpirinsoꞌ piꞌi pochin aꞌpinin. Huënaráchin huënaráchin yaꞌnorin.

Apocalipsis 19:21

Inapita imapisopitantaꞌ ataꞌhuantarin. Inaora nanamën quëran yaꞌipiya ataꞌhuantarin. Chiminpachinaꞌ, chanaroꞌ caꞌtëroꞌsari huëcatonaꞌ, natëaquë huarëꞌ noshinënaꞌ caꞌsapi.

Jueces 7:20

Cara huëntonoꞌsa chachin carniro pomonoꞌsa pihuipi. Yonsharoꞌsanta paꞌquiraꞌpiapi. Ahuënanëna quëran yanatëtëroꞌsa iꞌchinpitopisoꞌ, sëꞌquëpi. Inchinanëna quëraonta pomonoꞌsa sëꞌquëpi. Naporahuaton chiníquën, yaitopi: “¡Pashitoco huachi quëtochinaꞌahuaꞌ! ¡Sinioro nohuanton minsëtarihuaꞌ! ¡Quitiononta ina nohuanton catahuarinpoaꞌ!” topi.